關於 高質遊客去嗰度 ，我們在網路上蒐集到這些相關的討論、資訊與評價

【最佳】

世界十大最佳旅行城市，人地嘅睇法是咁的...

Lonely Planet推薦世界上十個值得去城市，香港隔離嘅深圳排第二。對於呢個結果，可能會唔覺意擊碎唔少香港嘅心心。不過做人唔能夠單純係睇表面嘅結果，或者用自己嘅角度去諗理由去否定嘅。留心睇下當中嘅原因，可能明白點解深圳對外國嘅遊客（至少Lonely Planet），而香港只能吸咗一班同胞。

值得留意嘅係，文中講到深圳以前係香港夜生活嘅廉價代替品，依家發展成係中國嘅矽谷。係咪矽谷無謂拋，至少比人地（外國）感覺就就係咁，亦即係地位上唔係追過都已經平手。而主要推介嘅，係獨立音樂同藝術社區，裡面嘅Cafe Shop加埋新嘅美術館。

唔該唔好話我要唱好邊個邊度，長他人志氣滅自己威風，只係用番鬼佬嘅角度睇呢件事（事實我都係一個好西嘅西人）。獨立音樂，藝術區呀！將啲年輕藝術同音樂人好似籠屋居民咁，由一個工業大廈趕到另一個更遠嘅，建立社區？咪玩啦！都唔好講租貴咁現實，乜個教育同社會，容得下「藝術」呢兩個字咩？街頭表演同大媽舞都好似未識分喎。美術館？唔洗講啦...

其實呢個可能只係例子，不過真係諗唔到香港依家有乜值得推介比外國人黎，又不過可能大家對依家啲遊客嘅質同量好滿意啦？

#高質遊客去嗰度
#低端人口黎呢度
#發財嘅繼續埋便

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。

噓……
天空墨黑，厚雲沒星。手錶上指針是凌晨二時，大部分人已熟睡就寢，街上一片寂靜，黑暗滿佈街角，昏黃街燈，照得人睡意濃濃。

嗞嗞……
機器的轉動聲卻在深水埗福華街，一排關閉的鐵皮小排檔叢後，一間鋪頂上書「坤記士多」四個大字，在鐵閘縫中透出幾扇白光，聲音就從這製糕工場發出，訴說着眾人皆睡我獨醒，明碼實價的起早摸黑，辛勤的一天就從這嗞嗞作響揭開序幕。

「由晚到朝，由早到夜，循環不息，兩三點鐘起身開工磨米，做埋洗埋嘢賣埋，兩更人，收埋鋪夜晚八點幾，年中冇息休㗎！不過唔緊要，慣㗎啦！」半頭白髮的傳永祥一口沙啞地說。

傳永祥是坤記老闆和掌舵人，64歲，對這數十年如一日的辛勞已司空見慣。還有弟弟傅永康，三個協力的阿哥阿姐夥計，同時在凌晨開工，默默無語。守在四五十度高溫的火爐邊，人人揮汗如雨，各佔各崗位的忙着磨米、抽出抽入竹筲簊、提上提落重甸甸的石頭壓漿，誰也沒注意到這百忙的街外上一絲靜態。


咔嚓……
一手拉開了店面的鐵閘。時為早上七時許，深水埗地鐡站B2出口旁，這不過百呎，80年代士多的舊模樣，汽水、香煙、啤酒、土炮……，老士多的產品。然而主角是陸續放到店門當眼處的各式老糕，白糖糕砵仔糕芝麻糕紅豆糕……琳瑯滿目，吸引途人。連銷售也數十年不變。現時外面的糕都早已包裝好，這裏卻依舊即切即放磅上秤重量，再入小袋給客，這樣的動作常惹客人投訴慢。

「件糕幾重就收幾多，冇呃秤，夠均真！幾廿年都係咁，冇變過，舊時啲人冇投訴㗎！」

隨時代變遷，深水埗生活改變了，舊的事物正在消失，他仍竭力保留這裏的一點一滴。分毫不動，緊握着舊。

「我都後生過，輕佻過，試過變新，錯咗一次，唔可以再錯！」像他的白糖糕，水靈模樣，心眼兒透亮，會有點調皮。他也曾稚氣未脫，違反父旨，背叛自己，陷於迷惘，卻終歸是貼心的。還不忘父訓：「做人做生意要對得住天地良心。」


一度無心之心，使他念茲在茲，謹遵此宗旨，勤懇守着，天荒地老。縱使父已逝，精神卻長存。

父技藝恭謹以待

嗯……
閉目沉思的他，想起父親，思緒如泉湧。他祖籍順德，鄉下作為魚米之鄉，河澤廣佈，水域通達，適於稻米生長。賦予了製作米糕的創造力。選粘米、糖、水這些家常材料製成的白糖糕、砵仔糕等，是稻米變身的傑作。

看來簡單，實際上製作十分繁瑣。父親傳承的技藝，他不怠慢，淘米、浸米、磨粉、壓水、和餡、發酵、灌籠、水蒸，做足八道工序，糕才爽香可口。

滴噠滴噠……
磨米的滴水聲，回應着石頭壓印米漿滴出的米水聲，格外清脆。他將用半新舊的泰國粘米按比例混合，浸泡一晚軟了的米放進磨機，扭動水喉，米粒漸研磨成漿，奶白的水柱細細流進布袋。紮好裝滿米漿的布袋，然後抬塊大石把米漿重重壓着，待水分全部流走，壓成半乾濕的米粉糰。以壓乾的米粉糰上秤，斤両才準確。

「用磨米壓出嘅米漿嚟蒸糕，啲糕有一種膠質，特別煙韌。」他一時忙着調校不同糕點的糖水米漿，這個要加黑芝麻漿，那個要放紅豆……一時又要磨糯米粉，做煎堆、包茶果。磨米機在一邊動，他也像機器一樣，沒有一刻停下來，多磨人！

最不容易是順德獨有的白糖糕，壓成的米粉糰，加入糖水搓勻，擺放到晚上，粉糰不停發酵，晚上變「老種」，又配搭新加了糖的米粉糰去，再發酵到第二日才蒸，往而復來，日日如是。白糖糕好不好吃？還是靠發酵。米與糖水的比例怎樣？發酵時溫度如何？全靠他拌和米漿時，一雙巧手去感應。

將發了酵的米漿倒在竹箕上，拿去蒸。「蒸起咗啦！蒸起咗啦！」隨着他揭開蒸鍋，熱氣上升，夾著帶酒味的甜米香，一股複合香氣撲面而來。剛蒸好的白糖糕白嫩蓬鬆，密密的小氣孔如同蜂巢一般，光滑剔透。嘗一口，軟滑爽口，甜甜的滋味帶着剛出爐的暖意在舌尖化開，口感綿密帶韌勁，微微似米酒的香氣，意想不到的清新吸引。

家傳秘方不易來

呼……
他大力地呼出一口煙圈。這個做糕的家傳秘方，是寶貴的經驗及睿智，都是他的父輩，順德人一代代口耳相傳下來的結晶。最初，也與一口煙有關。

「我老竇叫傅坤信，戰前喺順德嘅茶樓打工學整糕，佢個師傅做嘅白糖糕爽彈細膩，點樣整？佢就教啲唔教啲。不過呢個師傅係食大煙嘅！」

食大煙，即抽鴉片，當年是合法的，很平常，但價格高昂，普通打工的吃幾遍可花掉一個月人工。他父親知師傅有煙癮，出錢請食，期望師傅上足電，會過招教他。這樣的討好非一推即就，師傅一次不教、兩次不教，直到第八次才教少許。之後不斷請食，師傅才像擠牙膏般逐少逐少地教。

「請佢食個大煙，嗰份糧畀晒佢㗎啦！老竇先慢慢學到做糕竅門！」到他父親成功獲知箇中秘訣，幾已傾盡家財，可謂得來不易。和平後，他父親就帶着這秘方，到香港打工。

做米糕養家餬口

依呀﹗依呀﹗
石磨在轉動，轉一圈就依呀一聲，昔時就是用石磨磨米做糕。「我老竇嗰時喺香港嘅油器白粥大牌檔做糕，用石磨磨米，憑學番嚟嘅秘方整出好食嘅糕，其他師傅都冇佢整得咁好，啲客咪叫我老竇不如自己出嚟做生意！」

1965年，他家住唐九樓，在十樓的天台自立做糕，山寨原始，做批發生意。「點知攞貨買嗰啲商戶客，好生意就嚟攞，唔好生意就唔攞，落雨唔嚟攞又唔找數，啲糕剩喺度唔通倒咗佢，我阿媽咪拎出街賣囉！」山不轉路轉，他母親挑起擔挑，秤兩隻竹籮，糕點放在籮上，到福華街、北河街沿街擺賣。那時小小的傅永祥，已跟着媽媽一起上街。

「老竇真係好勤力，佢一個人，用手磨米、石頭壓水、米漿溝糖水、發酵、入爐蒸，嗰時仲用燒柴，乜都一腳踢！」父親就靠這糕養活一家九口，逐漸做到有生意，坤記的雛形就是這樣形成。

窮人孩子早當家

鈴鈴鈴鈴……
鬧鐘響起，早上六點，傳永祥兒時最痛恨這聲音，他不情不願的起床來。「起身幫老竇開檔，之後七點幾返學，到下晝三四點放學返嚟，又磨米、搓糕，整呢樣整嗰樣，到夜晚九點，先去做功課……」

對一個小孩，體力及精神都往做糕去，上學沒精神，成績也越來越差。「整整下無心機讀書，升唔到班，咪冇讀，一路跟住老竇去做糕。」中二就輟學，這遺憾一度令他無法釋懷。

「人哋放學就去玩去踢波，禮拜六禮拜日去露營、去旅行。我禮拜六禮拜日都要開工，好辛苦架！做糕有咩樂趣？」他很矛盾，對做糕，嘴裏說着嫌棄，實則卻又留有美好回憶。「當年冇咁多電子產品，我細個陪老竇開檔有得食，又同其他檔口嘅細路玩，賣出啲糕，老竇賞我零用錢，幾開心㗎！」多年後憶起與父親一起賣糕的時光，苦中有樂，很寶貴，他特別珍惜！

他與父母漸漸做到生意，從街頭做上排檔，他的工資也多了。「嗰時未識諗，冇儲低！啲錢淨係愛嚟行街睇戲食飯，唔夠咪問阿爸攞囉！」

人迹渺意興闌珊

轟隆轟隆……
地鐵行走聲音劃破寧靜的深水埗，時為79年起地鐵。坤記被迫搬到南昌街的大牌檔。「因為唔就腳，完全冇生意，做糕生意差，搵唔到錢。」同期麥當勞又進軍香港，市民多了選擇，坤記漸被擠到邊緣去。生意不佳，令傅永祥更加意興闌珊。

「我都要支人工，飲茶食飯都要錢。做糕冇前景，都諗轉吓行啦！由細對住呢行咁耐真係厭㗎，邊至想做？當然唔想做！」常言做那行，厭那行。他放下了做糕，離開父母和弟弟。當時他考到的士牌，就去揸的士搵食。

當了的士司機，他才發現爭食的士愈來愈多。「的士多，分薄咗，難搵食，我覺得揸的士已經唔合時宜。」他只好回家再做糕去。

人心之花散落時

哎呀﹗
這痛楚的嘶喊，如被一拳激中喚醒做糕的初心。他離去而再回來，父親沒有責怪，但最終也要靠父母，他感覺像欠了一個情。這時父親年事已高，還交付給他打理。他有感傳統磨米、壓漿、發酵，花工夫又費時，生產能力低。適逢工場拆樓，沒地方磨米，他打出如意算盤來。「新時代講求快，可以用現成嘅粘米粉，節省咗磨米艱辛嘅過程，慳番唔少成本。」

有不待風吹而自行散落者，人心之花是也。人心搖蕩、人性明暗，有跡可循卻難以理解。他騙得了自己，卻瞞不到客人，有些熟客吃過，覺得不是死實實，便是散收收，味道不同了。當他面前，把糕丟進垃圾桶，這恍如大力地摑了他一記耳光﹗「我好唔開心！」

客人騙不了，一個個離去，不單虧本，父親打下來的江山招牌也搖搖欲墜。他痛過，才領會，才醒覺。「老竇曾經同我講，做生意最緊要老實，對得住啲客，如果啲嘢唔得賣畀人，等於呃人。」

痛定思痛，自此，他堅持用傳統方法，磨米蒸糕，慢慢把客挽回來。

兵戎相見終告捷

傾哐！傾哐……
電視機傳來武俠劇的刀劍聲，短兵相接，仿如與同行舞刀弄劍的惡鬥……八十年代，大牌檔人稀少，父母接受他的提議，到較多人流的福華街租鋪，他可以邊看着電視邊賣糕。

如今他不辭勞苦，店仍維持磨米做糕，果然吸客，生意滔滔。那時深水埗有不少經營糕點的行家，見其客人川流不息，不免見獵心喜。某行家到來請教，叫他傳授做糕訣竅。「老竇當年都千辛萬苦先學識，而家問一問就要教你，有冇咁便宜嘅事？況且你又喺深水埗做糕，教咗你，咪搶自己嘅生意？傻㗎！」

他拒絕了，於是行家心生一計，急遽地將其租鋪買下。「佢買咗間舖，繼續租畀我哋，遲遲唔收，等我做旺咗佢先至要返，到時接收晒我啲客，賣佢嘅糕。」

他被擺了一道，但對方有鋪佔了優勢。他覺得租鋪不是長遠計，立意要父親買鋪。機緣下他們買到隔鄰的店，即現址的角落鋪，於是搬到鄰店繼續賣糕。行家業主收回原店，賣同樣的糕品，兩家並列打對台。「大家爭，佢鬥平，佢賣五蚊三件，我一件三個半。啲客嚟買，話我貴，但一樣幫襯，因為我嘅糕好食過佢。」

對家乏人光顧，大拍烏蠅，結果結了業。「以前一直覺得老竇嘅手藝好平常，而家我知道係寶。」他深深感到做糕秘方的強悍和魅惑力，亦全憑這贏了漂亮一仗。

仍不敢須臾或忘

啪啪啪啪……
掌聲響起，在百般磨難過後﹗97年金融風暴後生意轉淡，他想到增加產品提升銷售。「試過加整老婆餅、合桃酥，同芝麻糕、紅豆糕、馬蹄糕。啲客都係鍾意食用磨米做嘅糕，麵粉做嘅老婆餅冇得留低，磨米嘅紅豆糕同芝麻糕都賣得，就繼續賣到而家。」

他將芝麻磨粉混合米漿倒進盤內，先蒸熟第一層，然後第二層、第三層，如此類推，蒸到第九層，做出芝麻糕。入口綿細軟滑，慢慢化開，不甜膩，飄散出芝麻香氣，細嚼還能感覺到點點的黑芝麻末，滿嘴生香。內裏沿用父親的磨米米漿，糕身特別柔韌有米香。

03年，《飲食男女》報道坤記，指明香港製造。「由嗰時開始旺，生意幾倍咁升。到15年攞米芝蓮推介，多咗好多外國遊客慕名嚟幫襯。」

店子紅了，親友都建議他擴大工場、增加產量。「要快就要機器生產，就冇咗手做嘅味道。」用手做糕，時間有所局限，快不得，產量不多，如白糖糕一天最多二十多底，砵仔糕一天只一千幾百碗。他斷然回絕。

「唔會大量生產！我一定唔會再犯錯！」他絕不容犯下些許錯，縱使別人不追究，自己卻不敢須臾或忘。堅持遵循父法，不粗製濫造。09年父親因年邁身故。「我會盡自己能力細心做糕。咁樣做係為咗品質，亦係為咗啲客。更大嘅意義，係為咗阿爸。」他回憶中的父親，為人正直，扛起家庭和事業，勤懇堅忍，從未埋怨過辛苦。做人忠誠，對客童叟無欺，因而儲落大批熟客。

入夜，他開啟門口射燈，照着坤記的招牌，淡淡的糕香，歷五十年而不散，讓人念念不忘，有燈就有人，延續父親的精神。

撰文：孟惠良
攝影：關永浩

坤記糕品專家
地址：深水埗福華街115-117號北河商場地下十號鋪
電話：2360 0328
營業時間：7:30am-8pm
詳情： http://bit.ly/2QLfzLk

店鋪地址
貓吐司堡專賣店
地址： 701台灣台南市東區大學路22巷16-1號
開放時間： 08:30–20:30

國榮肉燥飯
地址： 700台灣台南市中西區大同路一段142號
開放時間： 07:00–21:00

嘉義廖火雞肉飯
地址： 701台灣台南市東區府連路148號
開放時間： 10:30–20:00

裕成水果行
地址： 700台灣台南市中西區民生路一段122號
開放時間： 12:00–01:00

Nani麵
地址： 700台灣台南市中西區新美街163號
開放時間： 11:00–15:00, 16:30–20:00

花園夜市
地址： 704台灣台南市北區海安路三段533號
開放時間： 17:00–01:00


歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?v=PFUxYj1cs8Q&ref=share

◎Instagram: https://www.instagram.com/iam.manson/
◎Facebook Page: https://m.facebook.com/Iammanson-1463381420592597/
◎工作聯絡Email:manson_yee@yahoo.com.hk
◎電話聯絡：55956635
◎party room :https://www.facebook.com/search/top/?q=party%20house%20-%20fathouse&epa=SEARCH_BOX



年頭拍攝嘅旅行影片四月先播出，我真係表示好慚愧，不過真係好多謝大家對我嘅不離不棄，一直都等待我出片！LOVE YOU
如果你哋一直都係喜愛嘅台灣影片嘅話，今個系列嘅一連三集「高雄台南四日遊」你地真係必睇！絕對有我以前嘅瘋瘋癲癲又有由朝食到晚食唔停嘅畫面出現！呢三集絕對帶到好多歡樂俾大家！
第一集到步先帶大家喺高雄六合夜市先，相信好多遊客聽到六合夜市，感覺都會係呃遊客錢唔值得去嘅夜市，我以前去六合夜市都有呢個感覺，但係今次我再去六合夜市嘅時候價錢我覺得合理化左好多，而且我覺得嘢食比以前有所唔同！都有幾間小店代表到呢一個嘅夜市嘅！
今次係我第一次去台南呢個地方，當初我哋都以為去台南嘅方法都比較複雜，但實質出發去嘅時候發現原來真係十分之簡單，簡直係好似完全冇難度，留意開我嘅頻道都知道我去台灣好少計劃我嘅行程，基本上行到邊就食到邊到，當然今次台南都唔例外啦！
第一步食嘅呢一間「嚐仙」呢一間嘅芋泥同地瓜泥真係世界級正值得一試，味道十分之濃郁而且性價比都好高，唔單止台南有分店如果你哋有機會去台中同高雄嘅話都可以試吓呢一間！
貓吐司呢一間小店唔係一般遊客會去嘅地方，因為我俾佢網上食物嘅照片吸引到黎呢度，因為台南會有好多唔同嘅季節，例如我今次一月份去嘅時候就係士多啤梨季節，好老實味道就真係正正常常，如果你鍾意去Cafe坐低飲杯嘢同朋友傾吓計，我都覺得呢個地方唔錯嘅，但係如果你話要食世界級正嘅嘢呢一間就未必啱你啦！
我成日都話台灣唔同地方嘅滷肉飯都會有唔同，你到台南又點可能試吓佢哋嘅滷肉飯呢，你地都知道我食得好重口味又肥膩，不過呢一度嘅滷肉真係唔係個個都接受到㗎，基本上成碗飯可以形容做成碗都係肥膏，但係佢嘅味道真係好濃郁同埋口感係入口即溶，如果鍾意食肥膩野嘅朋友你都可以試吓㗎！
有留意開台南嘅美食都會知道，士多啤梨季節都會有好多小店出唔同嘅甜品，本身我哋想食嗰間嘅係「清水堂」不過佢嗰日咁啱冇開，於是我就嚟到呢一間嘅水果店，佢有好多款唔同種類嘅水果甜品，亦都有好多平時出邊夜市見唔到嘅水果鮮奶，味道真係正常啦但係如果你哋為影張相打下卡呢個甜品都算幾靚嘅！
通常我去旅行都會食返當地嘅小食，但係嚟到台南我又點解會食日本野呢？就係因為見到佢感覺好似日本沾麵加入台灣經典嘅元素喺裏面！我覺得好特別好新鮮，而且味道都十分之好食，所以都10分推介俾大家試吓！
成集最精粹嘅弱點可能唔係夜市呢！呢一個嘅花園夜市真係我去過最鍾意嘅一個夜市，夜市嘅面積感覺應該有香港維多利亞公園咁大，嘢食嘅種類簡直係多到你唔知食啲乜，如果一班朋友你呢個夜市又點可能錯過遊戲檔攤！相信影片裏面拍攝到呢個嘅夜市都吸引到大家黎台南，真係我到而家都仲返尋味緊！
唔知第一集嘅內容又幫唔幫到大家計劃你哋嘅行程呢，我相信呢一個鐘嘅時間唔單止大多少少資訊性俾大家，同時應該都大左好多歡樂俾大家，睇呢段片有啲咩感受不妨留言話俾我知，我哋第二集帶大家返高雄在由朝食到晚！如無意外第二集應該係星期三或者星期四上映！我哋到時見啦！