【電影投選踏入最後兩日！再次講吓另一套遺珠...】
《無聲》喺提名期一直都有唔錯嘅成績，甚至曾一度同《幻愛》一樣五項提名全中，結果後來各差一兩票，入唔到提名名單，最後只得返「最愛女演員」同「最愛劇本」兩個提名，但都一如提名期咁，似乎入咗嚟都唔係熱門之選，「最愛劇本」甚至冇人揀，零票。
或者我個名又真係作得衰，叫「最愛」唔係「最佳」，真心《無聲》當日睇完我都話套戲太癡線太沉重，絕對係年度佳作，但我唔會鍾意，都唔想再睇第二次，就如《無聲吶喊》一樣感覺。不過，《無聲》無論各個範疇確有極高水準，個人覺得獨論演技，陳妍霏遠勝《幻愛》嘅蔡思韵九條街，但同樣地，佢個角色慘到令人心碎，真係心碎過《心碎的女人》，可能大家都唔想面對返呢個角色。
《無聲》喺疫情戲院收皮前，面臨住《鬼滅之刃》嘅氣勢，都可以頂住有唔錯票房成績，但似乎無論香港同台灣都係差咁少少運氣，俾其他勁片壓住，即使有口碑都難以跑出，又或者個題材太悲太偏鋒，最後大家只會記得有套好戲，又未至於最愛地步，成為又一遺珠。《無聲》觀後感可看留言連結。
投票期踏入最後兩日，仲未投票嘅快啲參加啦：http://bit.ly/392BwQ2
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
