[大師冇點你]5倍PE 8厘息(應該派到),應該仲有得升
============================
告個急先:Ivan已被炒,3月中開始失業(#)。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。一星期至少出返六篇文.月頭訂最抵!月費80
1. 好少寫啲咁冷門咁細嘅公司,難免會畀人亂估。但首先唔係莊家股,亦唔係微信女股。如果識咗我好多年嘅,會知道我之前都寫過呢間公司,直頭在耆英證券年代。唔止,我同間公司去過倫敦見鬼佬添。以前股東會我有去添,有自助餐食添(但我唔係股東身份),麗晶大賓館添。但講緊十幾年前嘅事,近5年都冇來往了,頂多業績會去say 個 hi 刷個存在感。
2. 先講個老細,人人識理文造紙(2314),理文化工係佢姐妹公司,但除左大股東都係嗰家人,兩間公司冇乜其他關係,冇互相持股,冇互相供貨(*),管理層都冇重疊。理文造紙係李運強個大仔,理文化工係李運強個細仔,全部公開資料。李運強個細仔叫李文恩,睇本地波嘅可能聽過個名,正係理文足球會個主席。但我同佢有傾計時佢未搞波的,咁你知道真係好耐之前了。
3. 講呢啲,因為都重要。直接啲講,理文堆公司咁多年往績算係好。做生意有賺有蝕(雖然理文化工近十幾年都冇蝕過),股價有上有落,但至少唔會係出你古惑嘅人。話晒有頭有面要出嚟行要入馬場(我當然都同佢地入過馬場,但馬仔嘅嘢我識條鐵咩,而其實化工我都唔識)。對於好大嘅公司都未必咁重要,反正機器咁自動波,但對於細公司嚟講就重要的。因為唔少細公司你見到好殘咁,但有所謂嘅”management discount,唔係管理層買嘢有折,而係你懂的
4. 好啦,都話我以前寫報告,之前Bloomberg 機746 HK EQUITY ANR有我名嗰種(其實唔難)。咁我當然知間公司做乜,管理層都見過十幾廿次,大陸啲廠都去過幾次(常熟有,瑞昌都有,in case 你知道在邊)
5. 咁但,唔好咁長篇大論啦。香港管理層嘛,但在大陸做廠,唔係廣東了(上面咪講咗常熟瑞昌)。做乜?做化工咯。乜化工?講你都唔知架啦,電解鹽水做氯氟化工(**),滿意冇?產品嘛,部份倒係你會聽過的。哥士的啦(又諗起曾近榮),雙氫水啦(又諗起譚兆偉),哥羅方啦(又諗起……唔好提了)。「咁低技術嘅?」,咁高技術嘅你又未必識啫,PTFE咯,鋰電池電解液咯,「都唔係好高技術啫」,「你咪去開返間」。
6. 講乜都假,$。留意化工嘢,仲要係B2B賣畀其他廠,就唔係玩品牌了,幾大程度都係commodity business,但反正真係供不應求,零存貨咁滯,超過100% utilization(***)。好大程度睇啲化工產品價格,邊度搵?自己Google啦。但幾大程度都係跟大圍環境(跟埋沙田添),舊年上半年當然唔掂,下半年好返好多。今年農曆新年前亦唔掂,新年後好返。
7. 講乜都假,數。早兩日出咗業績,哦5億純利(港紙,有關的,陣間講),按年倒退三成喎。屌,鬼唔知舊年倒退咩,出中期業績已知啦。「業績睇預期嘛」,但冇咗我之後已經冇乜人再睇啦(****)。咁點算?睇下個trend都得嘅。上半年1.5億,下半年3.5億喎,喂,相當強勁啦。唔升就奇(雖然咁細嘅公司真係未必關事,留意今日好彩先幾球成交,有時一日一兩萬港紙成交!)
8. 咁正正常常嘅,今年全年7億純利,冇走雞啦掛?33億市值咋,5倍市盈率唔夠。而且仲派到息=當然咪撚望住你股票機個息口啦,睇預期嘛。但公司一向派息紀錄都好—固然唔係公用股冇得年年加,生意有上有落,但咁多年都keep住差不多35%派息比率,應該至少過去10年都係。10年喎!你啲乜鳩匯豐早已經彈弓手reset再reset啦.咁你可以下計,7億純利,即係7.5%股息率咁滯。固然唔係包生仔(記住任何高過美債息口,即係1.5%,嘅東西都係有風險的,否則買美債嘅係傻仔?)
9. 噢,幫你睇埋,For some reason,雖然做傳統工業,但公司啲利錢幾高的。過去5年,毛利率講緊35-50%。當然工業嘢有折舊 有利息開支(唔少債的),但扣晒後,純利率都有12-25%左右。算係相當好架啦,你睇做餐廳嗰啲?好景時都係單位數咋(唔好景,信和時咪蝕錢)
10. 仲嫌唔夠詳細嘅,睇 Patreon啦。當然嗰邊寫咗先,但應該星期六仲整篇深入版。
11. 呀仲有,真係絶非打手或幫人出貨,犯法的說。而且都話N年冇同過任何管理層或股東聯絡。所以呢,好簡單,唔鍾意嘅,唔好買咯,拎支槍指住你?定我原來今個月唔夠數求你開單?唔鍾意嘅,唔好買,唔好又出嚟話仆街死財演老點你買股票呃你佣(屌,我下星期五都離職,仲要幫公司搵佣,真係好員工,但話實,你trade幾多錢先夠我星期五打次邊爐?)。舊年咁上下時間我又記得個撚個留言屌我老母話昆人買股票呀,咁嗰啲網友應該發晒達的了。
12. 但真係呀下,慎防有啲讀者好富貴,你真係留意下,隻嘢平日有時得幾皮嘢成交架咋!你一個唔該一球嘢買落去,掃郁股價就不特止,但要甩身都唔易。當年見啲基金都有講呢個問題,都只有啲small cap fund先買到,仲要係儲好多日。
13. Last but not least,幾年前Value Partner 係渣到過5%嘅股東,現咗身的。但後來減持到低過5%了—不過最Latest都仲渣住啲,冇沽晒。咁咯。如果冇睇錯好似係個 high dividend fund嚟的。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。年費仲有85折
(#)發唔發現呢個「Ivan已被炒」放咗好耐?但唔係我懶唔update,而係真係炒呢個過程都炒咗好耐。12月13號炒嘛,咁,下星期咪夠三個月。係喎,傳說中嘅三個月通知。RO嘛,雖然好似冇明文規定RO就要三個月(定有?),但至少都強烈建議,否則啲RO快手走人你檔嘢唔齊腳的。另外,當年我在耆英後來都轉咗三個月通知,有朋友話「咁好嘅」,我就話「好定唔好就睇下係你炒公司定公司炒你啦」—結果開口中,第二年公司就炒咗我,賠三個月即時掃我走,feel so 摩連奴。同樣地,今次都係公司炒我,但就三個月通知,冇賠錢掃我走。反而我在星矢銀行就唔係RO(人地好似曹魏咁,大把將軍),而so happen就係我辭職嘅,一個月通知。不過,台灣佬呢,本人明明係RO,但我已唔記得張約係咪三個月通知,但我嗰時轉工(咪就係轉去星矢銀行),肯定冇足三個月通知,亦都冇賠錢,星矢更加冇贖我身(係大把錢,但不等於要畀你)。咁但呢啲咁嘅幾耐通知,講到尾,商業合約民事嘢,你唔講我唔講,冇人會追究,你唔係玩得太串嘅,公司會同你傾嘅。咪講個日子你想走人,你唔使賠錢畀公司,公司又唔使賠畀你咁咯。
(*)你真係要講嘅,有啲電廠定乜好似一齊用嘅,唔知而家仲係咪。年報有寫,你慢慢搵,sort of connected transaction.
(**)不過當年在倫敦見某大基金,人地真係棟條化學PhD出嚟,拎張元素過膠嘅周期表出嚟,真係嚇得我呢。
(***)點解可以超過100% utilization?你睇醫院咪知。正經,人地啲機真實產能係可以高過設計產能的,「特登寫細啲」。
(****)其實有的,仲不幸地好似我都係識嘅,不幸地都係有睇呢個Page嘅,圍埋打邊爐都得。又,因為好長期都真係冇乜人睇,結果好多人打嚟的。包括陸東,係喎,嗰個陸東。但冇乜特別,即係你當佢去街市想搵白子(係白子,唔係白紙,亦唔係白只),得我一檔有賣,佢咪幫襯我咯,有乜咁特別?不過倒係講單插曲,當年我某親戚,係個好撚濕鳩嘅HR(有冇唔濕鳩嘅HR?),知我做分析員,好撚大枝嘢咁話佢地個乜乜HR會(怨婦圍爐團),請咗陸東嚟做嘉賓喎,話可以幫我試下留個位。我就恥撚笑佢:陸東上星期先打完電話畀我呀。呢幕你諗起乜?冇錯,就係《墨斗先生》!我就係陳小春,佢係詹瑞文!(https://ytube.io/3FKG),「你個基金經理都要同我索料呀」。 Anyway,我就係一個賣白子嘅人。呢呢呢,今日張「請O靚食飯」,十二件壽司就有一件係。
同時也有1部Youtube影片,追蹤數超過60萬的網紅飲食男女,也在其Youtube影片中提到,太子新填地街尾段,晚上黑森森,唯獨路口三間食店人聲鼎沸、光如白晝,是打冷老號陵發相連三鋪。舊日,浴德池在旁邊,隔籬上海街、砵蘭街霓虹舞動,麻雀館、舞場、卡拉OK……燈紅酒綠漸黯然,陵發至今64年,愈做愈旺。經營老店的魏家三兄弟年過花甲,早已衣食無憂,但仍兢兢業業,要讓92歲的老父見了開懷。古有70歲...
魏術館好唔好 在 金成 Facebook 的精選貼文
【好打犯規,打假也犯規】
徐曉冬其實是個很純品也很風趣的人。他最近化了個閃電妝,化名徐冬瓜,花了四十七秒,就把既是詠春拳師傅又是點穴大師的呂剛打歪了鼻樑。我國傳統功夫再一次顏面無存,而且徐曉冬看來不只招惹內地武術界,更似是挑戰整個籠罩著中國的欺詐、瞞騙、造假等精神文明。沒錯他的言論往往相當寸嘴和囂張,他曾經批評李小龍的真實格鬥技未必及得上電影般所向無敵。但日子久了,看他持續不斷的挑戰各門派和打假行為,他有可能比新聞從業者更勇敢更大膽地揭露國內武術界的陋習。所以你可以想像,他不只得罪整個武壇,他最終一定開罪官方。
他一直勇往挑戰各大門派,一定有自己的真功夫。他在中國無敵手嗎?不是,去年他才給河南的年輕職業選手用膝撞頂爆了額頭,縫了二十七針。而且他不是一面倒低貶中國功夫,他在訪問承認遇過大成拳(意拳)、通背、八極及詠春高手,但遇一千個沒有一個,大部分是假師傅。於是他只憑自己的本領,兩年前開始約戰各門派打鬥,最轟動是十七秒打倒楊式太極魏雷。說來好笑,魏雷自命宗師,曾經在節目表演一掌把一個西瓜打至瘀黑內傷,也表演過太極拳流行的「雀鳥在掌上飛不了」的深厚內家功力,但諸事八卦的徐曉冬揭發這是視頻人員協力造假:西瓜曾被擲在地多次,雀鳥也是被縛腳的。我只是在奇怪,本來有人做假,有人在打假,可以一百年互相隔空指罵沒完沒了。偏偏接二連三的擂台賽都打得成,除了內地的法例原來相當開明外,要知道一直以來徐曉冬是被挑戰居多。這些師傅造假不只騙人,連自己也騙倒了,然後約戰徐曉冬送死。後來輪到詠春拳丁浩,算是比較拳來腳往,也不過兩個回合就頻頻被摔倒爆光,幸好裁判大叫super打和。
最好笑就是今年頭的地下格鬥大師田野。這一把年紀的大叔,上擂台前穿著整件貂皮大衣,揚威耀武說自己是甚麼UFC金腰帶,還不是一開打就被打爆鼻樑,半臉鮮血淋漓,然後又即場包紥到像科學怪人般再打。徐曉冬已經不忍心用拳,只輕手游鬥和出掃腳踢跌他,有人形容他放了整個太平洋的水,其實他是真正心地善良。田野之後亦擺明搏出位,希望能成為大丑角,希望有人請拍電視剪綵或開武館,無恥到無極限。
徐曉冬打倒多位大師固然勇猛,更大快人心是他好幾次的訪問中,大膽揭露國內拳賽黑幕。視頻經常看到,甚麼中國拳手侮辱日本拳王,大敗俄羅斯三屆冠軍之類,都是有單位出重金禮聘在國內留學生扮演拳手。因為國民最愛看中國人打日本仔,那些日本或蒙古學生哥每次「出場費」也有五至六萬人民幣,捱一場打,便夠交兩年學費,好過做麥當勞。徐曉冬最痛恨有人炒作民族情緒,大賺愚民之財。而老百姓也過份自戀低智,太愛打飛機。
但更冒險是,他在2017年批評國寶級陳式太極宗師陳小旺「打假」、「騙子」,願意三十秒打倒他。背景雄厚的陳小旺,他本人沒有,或他的徒弟也沒有一個走出來跟徐曉冬隻掀約戰,以保陳式太極拳威名,反而循法律途徑入稟北京法院,結果徐曉冬罪成,要賠償要道歉,還被判為D級公民,從此不可坐飛機、高鐡,不可買樓,仔女不可唸私校。結果格鬥狂人只能改名換姓徐冬瓜,把自己的臉塗過閃電俠妝,才能上台跟各位大師光明正大比武。
你問我,愈來愈覺得他是中華英雄。如果唔妥佢,當然約佢上台打過最實際,功夫就是應該這樣分高下。我私人買陳小旺三十秒內一定將徐曉冬震飛出馬路中心,報乜鬼官!(圖右:田野 圖左:裝鬼臉扮眼瞓的徐曉冬)
魏術館好唔好 在 素顏天使 PLAINFACE ANGEL Facebook 的最佳貼文
身邊好多朋友仔近年都喜歡跑步🏃🏃♀️💨,仲要係去世界各地參加唔同嘅馬拉松活動,順便去埋旅行。咁鐘意做運動又鐘意旅行嘅你就記得留意以下由 臺灣觀光局 同埋 MW Sports 合辦嘅活動嘞!
去台灣同超過5️⃣0️⃣0️⃣人一齊喺戶外🌿做瑜伽
【It's TIME for YOGA | Taiwan Yoga Carnival 2018】
日期:2018年11月3日至4日
地點:台灣新北市朱銘美術館及苗栗戶外場地
報名方法▶️有待公佈
今日喺發佈會仲有國際瑜伽冠軍魏秋琪 Stefanie,聯同助教與及學員一齊示範瑜伽動作
喺香港同🐻喔熊OhBear一齊食住台灣小食跑🏃🏃♀️💨
【Taiwan Festival | OhBear Run Hong Kong 2019】
日期:2019年4月27至28日
地點:香港西九文化區
設有夜市展區,🐻OhBear Run 特色跑步賽包括10K精英組、殘障人仕組別等,🥇頭獎設有5位數字獎金。
報名方法▶️有待公佈
想知道更多詳情就記得留意 Taiwan Tourism Bureau HK / 臺灣觀光局駐香港辦事處 嘅 Facebook 更多公佈啦!
#臺灣觀光局 #MWSports
____________
博客瀏覽量超過 1️⃣5️⃣0️⃣0️⃣ 萬!
Blog:plainfaceangel.blogspot.hk
FB:素顏天使 PLAINFACE ANGEL
IG:djpatricia
魏術館好唔好 在 飲食男女 Youtube 的最佳貼文
太子新填地街尾段,晚上黑森森,唯獨路口三間食店人聲鼎沸、光如白晝,是打冷老號陵發相連三鋪。舊日,浴德池在旁邊,隔籬上海街、砵蘭街霓虹舞動,麻雀館、舞場、卡拉OK……燈紅酒綠漸黯然,陵發至今64年,愈做愈旺。經營老店的魏家三兄弟年過花甲,早已衣食無憂,但仍兢兢業業,要讓92歲的老父見了開懷。古有70歲老萊子,為了逗樂雙親,穿上彩衣,扮作小孩跳舞。戲綵娛親,有力又有心,於古於今都是一種幸福。
陵發相連三個鋪位,左右兩鋪招呼客人,座無虛席;中間鋪是明檔廚房:一碟碟切好的鵝掌翼、凍魚大眼雞烏頭、鹹菜花生蜆仔肉陳列檔前;砧板師傅在起鵝片;熱盆韭菜豬紅炆門鱔炆春菜冒着白煙;滾油炸蠔餅、明火燴蠔仔粥,不消幾分鐘就上桌來。「打冷,好似快餐,即叫即有。」老闆魏鎮南說。
以前打冷講求快,他謂求求其其放鹽放糖去吃就算;現在打冷高級了,講求醬料和調味。磨豉醬、普寧豆醬他選最靚最高級的,蝦醬從大澳入貨,連豆瓣醬買貨回來也再加工;豆腐雞腳自家炸好或炆或滷,保證新鮮。
「我們做事,最緊要放一個心下去。」南哥說。這裏的滷水鵝注重濃郁肉味,藥材只是添香。大廚黃師傅透露,一煲滷汁歷史悠久,他03年從老闆手上接過來一直保養至今。凍魚鮮甜不柴,也是沿用傳統方法在魚水中慢慢浸熟。所謂「魚水」,即用浸過魚的水,加鹽加薑,魚就不會浸淡了。
炸蠔餅、蠔仔粥人人讚好。蠔肥量足,有的大似鵪鶉蛋;因着水域和品質,貨源經常改來改去。蠔仔粥鮮甜無比,靈魂在於湯底,用大地魚老雞豬骨螺片黃豆,熬足五小時出味來。
鹹雜仍是南哥親自調味,譬如生鹹菜,啤水兩小時,搓透撈糖,加入南薑粉、麻油添香;指甲大小的蜆仔肉工夫最多,女工逐粒逐粒揀,啤水啤到無沙無泥,南哥方入味,少有店家肯去做了。鹹雜或鮮香或爽脆,送一碗綿稠的潮州白粥,其味無窮,絕不比豐腴鬆香的鵝片遜色。
父親 大牌檔起家
70歲的南哥,四歲起就在檔口「掹人衫尾」幫父母招徠客人。話說父親魏林盛和平後由鄉下潮陽來港,最初給大牌檔運煤炭,又賣過經濟飯,1955年來到新填地街尾浴德池旁邊做起大牌檔,檔名「陵發」取「零舍發」諧音。最初兩枱八凳賣魚蛋粉麵;未幾在旁多開一檔「陵記」,開始打冷。
89年,陵發入鋪浴德池後面,多了「潮州白粥」四字,「冷字我們潮州話是人,打人打人比較粗俗,不如說食白粥,踏實些。」南哥解釋。05年,浴德池舊樓拆卸,搬到隔鄰三間自置地鋪。今天,陵發和陵記兩個字號依舊掛在店前,由他這個大哥和二弟魏鎮坤(Martin)、三弟魏鎮輝合力經營。
「阿爸在大牌檔賺了第一桶金就去了做物業投資,供樓供鋪。」Martin回憶。人稱「六叔」的父親,買下不少物業。「阿爸45歲已經退休,無做幾十年了,看着你們做。」南哥笑。當年在店,父親的角色是和事佬,夥計扭計、想不通,由他疏導勸解;店務全落在妻子和兒子們身上。
兒子 陸續回歸
73年,南哥和鄉里在父親佐敦道上兩個鋪位搞潮州菜館,間中返陵發幫手。為了子女升學,他87年移居加拿大,照樣做潮州菜。接着老二Martin 89年也移民去了,父親召回在匯豐做文職的老三來接力,舅仔負責廚房。
「媽媽那時是檔口的主力人物,洗切,整大腸,樣樣都是她做。阿爸只是深夜夥計收工去麵檔企三句鐘淥麵。」南哥說。96年,母親因腦瘤做手術,他返港陪伴,頂替母親在店幫手。幫着幫着,父親要求他留下來。一留,就到今天。
「阿媽最辛苦,永不退休。潮州女人又慳又勤力。」Martin也很疼惜母親,母親08年健康惡化,他回港侍奉在側。「我本擬阿媽百年歸老就返回加拿大,我老婆仔女全部在那邊。阿爸叫我留下,說:『阿媽走了,還有我你要照顧噃!』自小,阿爸都好疼惜我,我永遠不會逆他意思。」
事實上,父親心清目明,起居有家傭照顧,Martin還是回鋪了。「阿爸教我們做生意,今日生意好,明日生意不好,唔緊要,顧好出品,保持水準就得喇。」當年,他覺察有出品要改善,忍不住出手。從13歲起,他就在檔口幫父親,主力到街市入貨。回歸陵發後,他也負責早上收貨備料,在廚房幫廚,而最撚手的滷大腸至今仍親自炮製;傍晚開市他轉看樓面,做到凌晨才收工。
夜檔的艱難
雖說64年老字號,除了位處近70年歷史的舊樓,陵發鋪內完全不見殘舊痕迹,磁磚白牆異常光潔。「清潔那方面,阿輝夜晚就算夥計做完,他仍會再做兩三個鐘,夥計抹了他都用乾布捽過。」南哥很欣賞弟弟的勤快。
「用過的東西都爛掉了,現在最舊的是人,我自己都70了,兩個弟弟也六十幾。」南哥哈哈笑。當初,他帶領夥計做廚房,教會夥計就退出來。
每天傍晚,他五點半返鋪開檔,八點左右三弟阿輝回來接手開檔,他就跟樓面,在街上時站時坐,一眼關七。三兄弟各司其職,一埋位就無停手,整晚也沒交談一句。「三兄弟做事一定有摩擦,通常今日鬧完,明天就無事。也沒空去理,沒空去記,明天又開始了。」
這頭新填地街尾,也曾有過霓虹不夜天,陵發不乏江湖捧場客。「回歸前,六幾年七幾年那時代的人很複雜,有時他們打打殺殺,周圍『吹雞』去哪裏哪裏打架,通常有好多在這裏傾大佬指示去做事,他們辦完事回來吃,吃完就走,又不會托你水龍(走數),打架出去打。」南哥在新填地喊打聲中打長大,只記住人家的好。「我們做夜檔好辛苦的,大佬知道我們搵食艱難,也會叫細路仔不要來搞事。」
沙士一役,百業蕭條;自從深圳24小時通關,才是夜檔的真正難關,「跳舞場客、卡拉OK,那些人一班班來消夜,現在都無了。」以前陵發開到凌晨五點;現在兩點已沒甚麼客人,不得不打烊了。
為父 心事
「如果不是阿爸,這裏散了。」嚴肅的老三阿輝提起父親,開始有點笑容,「阿爸對我好好,我傷風感冒看醫生看不好,他就拿藥給我。」
當年兩個哥哥移民,阿輝臨危受命,除了煮、切,甚麼都做,「阿爸教我做人做生意都要老實,兄弟間不要計較。」過去整整30年,除了農曆新年店休6日和每月例假,他不曾放心走開一天,「做飲食要親力親為,我病假一日都無請過;62歲了,歐洲都沒去過。」
「舊老闆六叔日日在窗口同我們打招呼。他眼和耳仔都好好,只是腳行不到。」做了近20年樓面的阿鄭指一指對面大廈說。原來92歲的六叔就住在店鋪對面,雖然要爬一層樓梯才有升降機,也不肯搬走。Martin替他找了一部爬樓梯輪椅回來,圓他的心願。
「阿爸好和善,講理由。以前我在店鋪跟人吵,他就會拉開我去飲杯茶,傾偈緩和一下,回來我就不覺一回事了。」Martin指,父親從八十年代已不過問店鋪事,現在每日望鋪,只是一種懷念、關心。
「看着兒子在做生意,他從樓上望下來都很開心。所以我們有煩惱事都不敢跟他說,只說開心事給他聽。」南哥補充。陵發生意上軌道多年了,客人常回頭,就算市道淡靜,來打冷的仍然絡繹不絕。「現在不做好似好可惜,阿爸又在,他那麼開心,惟有維持下去啦!做得幾耐得幾耐。」南哥身體大不如前,最近才入過醫院;但老父的心,他明白。
Martin和阿輝不約而同希望多做幾年退休去,一個想返加拿大享受晚年;一個想去見見外面的世界。而三兄弟的子女都無人想接手,南哥了解:「以前十五六小時我們一樣捱,回家只是一張床,睡下去,起身就出來鋪頭了。有了錢好像沒了家庭,我不想他們翻版像我一樣。」從前多辛苦他也甘心,「就是想仔女多讀書,到外面找好工作。」
潮州人出名慳儉,「賣花姑娘插竹葉,好嘢、滷水鵝自己捨不得食,要賣出去的。就算鹹蛋一隻都只食半邊,有時花生送粥,自己都是食粗嘢。」南哥一生習慣,吃飯「求其要快」,每晚夥計吃甚麼他就吃甚麼。這夜,他為自己加餸一碗「魚凍」,「即是結凍的魚,汁好似啫喱膏。鯇魚用豬肉汁煮了,又甜又鮮。我由細到大最鍾意食。」
珍饈不及家常菜,最堪咀嚼的,還是親情滋味。
撰文:韓潔瑤
攝影:關永浩
陵發潮州白粥
地址:太子新填地街625-627號地下
營業時間:從缺
電話:6440 7169
詳情: http://bit.ly/2Llve08