坐舢舨遊漁港 🌊
上次嚟到鴨脷洲，其中一個最期待嘅行程就喺坐舢舨船！！（ 城木其中一個 package 就包咗「浪遊漁港1773」門票 ）🌸 只要預約好時間就可以上船，整個導覽大約1小時 👉🏻 會途經13個地標，船家仲會停喺珍寶海鮮舫前面俾大家影相打卡 📷
坐上舢舨可以聽住語音導賞遊覽各景點，另外仲會「參觀住家艇」，可以聽到水上人家嘅歌聲，了解下昔日漁民嘅生活 🐟 如果訂到午餐票更可以喺住家艇上面食特色艇仔粉 😋（ 亦都可以睇下酒店可否代為安排，或者自己打電話同艇家預訂都得）～
目前就只有兩個舢舨家有賣艇仔粉，不過因為呢日流叔放咗假所以食唔到（另一家都已經收咗工）😭 放住介紹嘅相俾大家睇下先 ～ 聽講個湯底主要係用大地魚淆
成，不得了 ～ 超鮮甜的 🍜 有機會一定要試下呀！
另外嚟到鴨脷洲當然都要食下海鮮 🦐🦪 今次就試咗一間好有口碑嘅小店「澄海小館」，除咗滷水打冷，亦都可以去附近街市買海鮮來料加工 🔪 必食嘅有滷水鵝同蠔仔粥，啲蠔仔粒粒脹卜卜好鮮味！！我哋仲叫咗滷水拼盤、豉椒炒蜆、蒜泥開邊蒸蝦、脆炸鮑魚，食到好滿足 😋 其實呢日仲有其他行程，食懷舊糕點、飲涼茶、漁業展覽廊等 …… 會再分另一篇介紹的 ❤️
更多分享睇呢度：#鴨脷洲旅遊
Urbanwood Hotels #urbanwoodhotels
#城木酒店 #香港 #鴨脷洲 #旅遊
#香港仔漁港 #香港仔 #避風塘 #浪遊漁港1773 #aberdeen1773 #hkhotel #apleichau
#travelhk #hongkong #lifestyle
