【回春指標!仙氣級面部按摩膏】
Bb LABORATORIES PH Massage Gel Pro 胎盤原液按摩膏 300g
我問你,做女人最需要係咩氣?#冇錯就係仙氣 !但屍主你血液循環慢到要 #等埋發叔 先move on咁,面色暗啞無光,毛孔粗大,暗粒密佈...... 想用最短時間幫塊面咸魚翻生?嗱,去美容院做果啲咩面部護理按摩呢,瘋瘋是拒絕的!咪就係有果啲油浸咁嘅按摩膏,加埋某啲美容獅雙詠春巧手,次次都按到我塊俊臉俊過林雪囉!所以,瘋瘋決定以自己方式去增強皮膚健康同仙氣!
胎盤素近年喺港豬群組備受關注,推到做極上回春聖物!但坊間含有胎盤素嘅美容產品質素十分參差,引用「港豬package選擇論」,識得揀,梗係揀個背景卓越架啦!
Bb LABORATORIES於1997年成立,由日本京都警察醫院皮膚科高梨真教博士帶領一群專業皮膚科醫生組成嘅研究團隊研發。Bb LABORATORIES喺鹿兒島自設農場,係日本最大規模嘅胎盤素原液生產商。原料來自鹿兒島黑豚,唔講唔知,原來豬胎盤素比牛、羊與人嘅結構係更相容架!
好,當你知道呢盒胎盤原液按摩膏個background係咁勁勁嘅時候,就等瘋瘋進一步些牙佢固本培元嘅養生功效!
論外型佢成pair草莓奶昔咁,但比平時嘅面部按摩膏確實少十幾分油膩,亦唔會笠到人不安!唔錯,唔錯!一星期抽兩至三日拎佢嚟幫塊面massage廚,除咗可以調整皮膚pH值至黃金狀態,仲可以促進血液循環,加快細胞新陳代謝,改善微絲血管!老子拉勻一週都係日出先就寢,面色同毛孔依舊無懼世事變改,連黑頭都少咗!!!喂,好得下喎!
就算冇經過專人指導訓練,都可以以自己方式由內至外由下以上打圈按摩,按佢老虎5-10分鐘,胎盤原液按摩膏就會慢慢被皮膚吸收,由原本嘅草莓奶昔化為一層唔笠嘅薄油!之後就可以用卸妝棉抹走再用溫水洗面!由於血液循環瞬間被turbo,瘋瘋梗係唔L蝕,再敷半枝水感肌去賺盡個吸收力啦!這些美魔男機會仲唔肯肯定是屬於我的?!哇卡卡!
仙氣按摩膏成分:
水、胎盤素、透明質酸鈉、角鯊烷、摩洛哥堅果油、乳油木果脂、尿囊素、維生素B12、薰衣草、洋甘菊、氫氧化鈉、甘草酸鉀
Search