<100萬我唔識但佢要知問答比賽>
話說有日同女一齊睇電視。
🧒🏽（好緊張拉住我隻手咁講）:媽媽！媽媽！
🧑🏽（笑住答）:咩事呀？
（心諗：大小姐又有咩問題呢？ ）
🧒🏽:麵包超人又換臉喇！
🧑🏽：係呀，佢換咗臉就力量百倍㗎啦！😊
（心諗：佢成日都換臉㗎啦）
🧒🏽:不過呢，媽媽呀！我想知。。。
～呢啲時候，
通常我都知又到100萬我唔識但佢要知問答比賽，
次次都問到佢娘親-我，口啞啞😑～
🧒🏽:佢塊無用嘅臉去咗邊呀？
～嗱！！！嚟喇嚟喇！佢問喇🚨🚨～
🧑🏽（故作冷靜）：我諗應該係飛咗去好遠！
🧒🏽:即係邊度呀？
😱😱邊度都要知？係未我答個地方就可以過關？
🧑🏽:好遠嗰個山卦？呢~（指着電視入面個背景嘅山 ）嗰個綠色好遠嗰個山呀！
～今次我覺得自己答得好好！有埋明確地點，有埋圖睇啦！～
🧒🏽:下？...
🧑🏽:做咩呀？你覺得呢？
（通常呢啲情況，反問返佢，佢答返個答案，就完結㗎啦）
🧒🏽:好危險囉！
🧑🏽:危險？（一直諗點解）
🧒🏽（佢望實我隻眼講）：係呀！你諗下，麵包超人成日都換臉，而個頭就成日飛去個山度，儲埋儲埋，碌晒落嚟就會碌到山下面嘅人啦！
～🤣🤣🤣🤣🤣👍👍👍好笑呀呢下！～
🧑🏽:你又諗得幾長遠渦！！
🧒🏽:仲有呢......
～仲嚟？
100萬我唔識但佢要知問答比賽round 2
🛎🛎🛎🛎～
🧒🏽:麵包超人個腦仲喺唔喺度㗎？
～大佬！咩問題！！叫我點答？！？～
🧑🏽:應該喺度㗎！你睇佢一換完臉就會講嘢，應該仲喺度嘅！
🧒🏽:果jam叔叔好勁呀！腦都整到！
🧑🏽:😅😅哈哈哈，係呀！
🧒🏽:媽媽呀！
～點樣？仲有問題？～
🧒🏽：我去小便。
就咁，
100萬我唔識但佢要知問答比賽完畢。
#其實睇套卡通點解要諗咁多嘢
#4歲小孩個腦係諗咩？
#下次會唔會問我thomas或者迪迪寶個身體喺邊？
#麵包超人
#VVinnie
