[職場胃腩]Network鯨如性行為。你想?哦,咁啱呀?我都想,但點解我要同你?
可以直接睇Patreon 全文,呢篇免費的(https://bityl.co/4dut).亦畀你熟習下個界面。當然覺得好睇就去訂吧(https://bityl.co/4Y0h),月尾訂即時扣錢,12月1日又再扣,我會回一個月月費畀你。
煙草特醇
Network鯨如性行為,過癮,但點解要同你?
真人真事:那年十八,母娼起二,溫啤霞
Be interesting, my friend
傳音過王傳音:搞個 個人名牌,其實唔難
Let me 心噏 after writing so much
TLDR:個個都知Network鯨緊要,但你想Network鯨,對家做乜要理你?我碌電話睇埃汾Facebook或者Patreon唔好?所以,首先你自己要 become an interesting person。另外,略為搞下你嘅個人品牌,都係必要嘅。唔使咩好大工程,開個FB Page或者開個blog都可以。唔使錢,咁你都話冇時間嘅,就睇返第一句啦下。
煙草特醇
1. 一路都有讀者叫我寫多啲「職場」文,特別係「暗黑職場」(例如呢篇,好大迴響,主要係個題改得好)。自問職場上冇乜咁巴閉,冇乜嘢可以教人,「頂多係跳過幾次草裙舞咁」。不過後來諗到,「我其他方面都冇乜咁巴閉」,都仲係厚顏無恥咁寫,而讀者又受喎。所以,好吧,職場胃腩,重出江湖。
2. 今日想講嘅係,一條巨鯨,Network鯨,哈哈哈,係咪好爛呢。呢個課題想寫好耐,今次觸發點,係冇嘅。勉強嚟講因為我剪頭髮,10分鐘就諗咗呢篇文嘅flow。See?平日練功最重要,你睇到係台上一分鐘啫。
3. 篇文雖然放在Patreon,但open to all.等同平時嘅FB Page Post,不過多啲圖就放Patreon,同埋益埋Patreon讀者。亦都等冇用過嘅熟習下Patreon平台。唔會係常設環節,當然如果反應好嘅,客串可以變正餐。實不相瞞我之前有啲電台節目或者專欄都係客串變正餐,做人抵得諗都幾重要。啱睇就去訂Patreon吧(https://bityl.co/4Y0h)
Network鯨如性行為,過癮,但點解要同你?
4. 講返,Network鯨,大家都知係咩一回事。或者係啲event正餐前嘅foreplay,有時叫Mingle,拎住杯嘢周圍派卡片。或者係乜乜IPO會,台上有台上講,台下有台下講(香港特色),交換下卡片,盤下人地做乜,得閒飲茶。或者係有人搞局,放工去飲嘢,介紹個朋友你識。留意本文只係討論以工作,上位,搵著數,做生意之類嘅Network鯨。約炮求偶當然都有Network鯨,有時第一種會變第二種,但都係分開講。
5. Network鯨重唔重要?你問錯問題了,梗係重要,係好撚重要。香港地嘅嘢(第度都可能係),識人好過識字,幾時都係。如果呢樣你都唔信嘅,都唔使落去,「你去碰幾年釘,之後再返嚟睇」。
6. 我覺得討論「Network鯨重唔重要?」好似討論「應唔應該有婚前性行為」咁,浪費時間。
7. 所以,同性行為一樣,唔使討論重唔重要,爽唔爽。如何成功?如何做得更好?先係重點嘛。
8. 但,同性行為一樣,大家都想,大家都知過癮。「但你有冇諗過對方感受呢又」。直接啲講,「返去搵你_ _ 出火啦」,你想性行為,哦係呀,好呀。但關我鳥事?我唔想喎(主要係唔想同你)
9. 唔係嘩眾取寵,好多人都同你講Network鯨好重要(廢話),教你點Network鯨。但,有冇諗過,「點解人地要同你Network鯨」?點解我唔係睇多套葉念琛(新嗰套相當唔掂),寫多篇文,訓多兩個鐘,而係要同你Network鯨呢,又?
10. 即係唔係話功利計算,做朋友唔係應該咁計較。但做朋友都講「無友不如己者」,Network鯨唔係做朋友嘛,難聽啲講句,「大家都係搵著數」。最熱心Network鯨嘅係乜人?梗係小薯。好合理啫,你想識人,你嘅時間唔多值錢(sad but true )。你係王維基嘅,大把人巴結你啦,使撚Network鯨咩。你去到邊都人人爭住識你,你要諗下點樣 奀Network鯨,趕走班友又唔好傷害佢地弱小心靈。
11. 咁但,多數人都係小薯做起架啦,唔想行呢步嘅,下世投胎做富二代。所以你一定面對呢個問題:對方嘅時間值錢過你,佢識嘢嘅多過你,佢人脈廣過你。咁,點解人地唔係玩電話,要同你Network鯨呢?
真人真事:那年十八,母娼起二,溫啤霞
12. 好多人會笑,但我再講一次,我真係一個introvert。唔係咩有啲名氣成就(而我冇)就扮晒「其實我好唔鍾意應酬」嗰種,由第一日我都唔鍾意,亦因為我唔掂。點睇我都唔係一個善於社交嘅人,外型也不討好,著平嘅西裝,侏儒村嘅恤衫,好多時呔都唔打,亦唔帶錶。正路一枱人,你只會係出於禮貌唔好skip咗我先會畀卡片我。
13. 咁但,唏,你以為你唔鍾意就唔使做?唔鍾意都要做。我都做過呢種,不停出席呢啲場合,塞卡片畀人啦。或者在個cocktail party中,真係crying in the party,那年十八 母校舞會 站著如嘍囉咁,人人講年尾去邊滑雪,下年花紅幾多,我年尾就在屯門打大快活邊爐。
14. 唔好以為只係「小薯」先係咁。實情去到2014年嗰時,喂,我做咗10年融8年分析員啦,人工職位都唔算太薯啦,但都係咁。你有求於人時就係咁。我好記得,嗰時轉咗工,去到間細嘅公司,真係識你老鼠。咁而嗰時就真係比較「財演」。我最鍾意呢,就係去啲業績會。
15. 業績會有乜?除咗有業績,仲有會,仲有記者。我就去搵佢地傾計,特別係搵啲後生嘅妹妹仔(事實財記係多女仔)—唔係有乜企圖(唔好嗰度屙嗰度食,職場第一誡),而係,因為妹妹仔入世未深會聽我講。「換著啲阿姐十尺外見到我已經閃開,呢條友很煩」
16. 係喎,嗰時做乜?嗰時就塞卡片畀啲妹妹仔。「拿,你可以訪問我的」「拿,你可以叫我上節目的」。成件事十分《出埃及記》嘅溫啤霞, 「你搵我啦!」「你搵我呀!」。
17. 唔止,更加丟人現眼嘅係,我仲叫埋太宰治(以前條靚嘅花名)同我一齊去!真係母娼起二,買一送一,黃子華話齋,未試過雙飛你嘅人生唔完滿。而《母娼起義》就真係一套戲,巧睇,電影節上過,我睇咗,仲同個韓仔導演握手。套戲講乜?英文名就叫Mother Is a Whore。就係個仔孭住不良於行老母周圍接客,好感人的。當時我情況都差不多。太宰治做乜?未試買一送一,「你當佢未成年啦」。但,佢就負責周圍同啲記者講,「拿,你可以搵佢架」。
18. 以上種種,全部係事實,當年幫襯過,I mean收過卡片嘅,可以作證。
19. 點解搞到咁核突呢?咁固然因為我唔靚仔,著侏儒村嘅恤衫,又唔帶勞力士,唔係一個金融才俊。但,今日我依然唔靚仔,仲係著侏儒村嘅恤衫,亦唔帶勞力士,亦唔係金融才俊。但而家情況冇咁差了。
20. 前後有乜分別?好簡單,我出名咗嘛。問題係,無啦啦點會出咗名?雞同蛋嘅問題。
Be interesting, my friend.
21. 講咗咁多,想講嘅係,大家都係Network鯨,都係搵食,咁你作為弱勢小薯,對方點解要理你呢?人地時間寶貴過你,識嘢多過你,人脈廣過你。你有乜著數畀到人?
22. Unless 你有
23. 而作為一個小薯,你總冇可能介紹到好路數畀對方,你亦教唔到佢乜,咁你可以有乜嘢畀到人?
24. Be an interesting person !
25. 呢個就係我成篇文想講嗁嘢,唔該,Be an interesting person!唔係蘇波榮,好多人都係蘇北京波榮。而在北京人口入面,北京波榮仲大鑊過北京asshole
26. 對面坐嗰個,可能係某投行高層,可能係某CEO,可能係王維基,咩都好。佢乜都勁過你。但你身上係咪就冇佢想知嘅嘢?唔係
27. 世界可愛之處,就係以上呢啲人,如果有幸(對佢地嚟講係不幸)同你同枱,佢地一般都唔會不停玩電話唔理你,真心假意都好,總會同你傾下計。
28. 亦未必真係只係循例,難聽啲講句,佢地都不幸同你同枱,都要苦中作樂,即管睇下你呢條友,有冇咩有趣嘅地方。
29. 呢啲咪你嘅機會咯。
30. 總有啲嘢,係佢唔識,你識。或者佢識,但你熟啲。或者佢識又識,但唔好意思講出口,而你冇所謂。
31. 具體係乜?我唔知。但我發現啲勁人(即係你想去識嘅人),總有啲好奇心。你介紹完你做乜,你仲有乜嘢講?點解王維基要聽你講故事?例如你係搞北韓旅行社嘅(其中一個讀者係!),喂,interesting,「肥仔金係咪香咗?」「北韓啲路人係咪假嘅?」。呢個係一個好有趣嘅身份。
32. 我只係舉例,咁你話,你個人冇乜特別嘢。咁,唔該返返去上面嘅核心問題。既然你冇乜特別嘢,對方做乜要理你?好得閒?我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)(https://bityl.co/4Y0h)
33. 所以,唔該,Be an interesting person!
34. interesting person,就只不過係,「呢條友有啲意思」。門檻比你想像中低好多,畢竟你都識講,「阿豬阿狗都KOL」。總好過你只係介紹自己,我係邊度做,做乜,講完。
傳音過王傳音:搞個 個人名牌,其實唔難(有冇人唔Google知邊個係王傳音?)
35. 不過,仲有一個問題。你可以諗下,2014年,埃汾同太宰治「母娼起二」嗰時,埃汾係咪一個北京波榮嘅人?我估唔係,其實同而家差不多。
36. 但,冇人識你嘛大佬。邊個大王?冇人識你呀!你有幾interesting,都係冇人知。
37. 而事實,要自吹自擂,好多華人都覺得幾難為情(當然包括我呢個introvert),亦都幾非洲和尚乞人憎(呢個字幾時會變hate speech?).你總會見啲友滿場飛,name dropping,上星期我又點點點,呀你在星展喎你識唔識呀乜乜乜,靚女都忍佢,係仔嘅,恨不得打七佢。
38. 所以,除咗Be an interesting person外,仲有最重要嘅一步—個人品牌。我覺得我而家變到好似Brian Cha周融或者黃明樂 Ada Ho咁寫文了,哈哈哈,但我講得出佢地四個嘅名,證明佢地都係有個人品牌。
39. 個人品牌呢樣東西,唔係我強項,亦都已經寫咗三千字,可能搵日再講。但呢個年代呢,係真係冇藉口的。
40. 好簡單,唔使你咩搞個網站,或者做特約飛機稿,但至少你搞個Facebook Page,一個仙都唔洗。或者開個blog,拎煙寫下嘢(但唔好多,很煩的)。你唔寫字嘅,咁搵個位放你啲相或者片(唔使比堅尼相,除非搵老細係你嘅工作一部份)。咁你都話唔得閒,或者唔知貼乜嘅。咁又返返去核心問題咯,你自己都覺得冇嘢好睇,咁我做乜要理你呢?「我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)。」(https://bityl.co/4Y0h)
41. 你係王維基嘅,人人識你,唔使搞呢啲無聊嘢。同樣地,你係星展香港CEO嘅,話知你係南美佬(而星展香港CEO真係一個南美佬),冇人知你乜名都好,都人人畀面你(而南美佬本尊係十分風趣但又demanding的,我都面過聖,拿,name dropping呀)。吳明林卡片都係印「記者」之嘛,謝霆鋒都係印「茶水部主管」之嘛,朱生卡片都係印I’m CEO, Bitch 之嘛(是真的)—而我甚至唔使講邊個朱生。
42. (另一職場心得:但凡卡片幾十個梯圖嘅人,避之則吉。特別係仲要對摺嗰啲。你有幾撚巴閉呢,又?)
43. 可惜,你會睇到呢度嘅,你多數都唔係吳明林謝霆鋒。多數你張卡片上個梯圖,都唔多吸引。你好呀我係埃汾呀,我在星展做Director嘅(事實我係,但有乜新鮮羅白皮?),哦,你拍戲的?一街都Director,一街都VP啦。梯圖現非唇嘛(亦因為咁,見工之類,基本上唔使睇人梯圖,睇人工代表一切,因為梯圖可以任印,但公司唔會無啦啦畀多舊錢你)
44. 你有個地方,放你啲嘢嘅,就唔會出現以下嘅埃汾對白(原文照錄):
45. 「我有寫文的」「寫乜文?」「乜都寫啲」「例如呢?」「都真係咩都有啲喎,金融為主咯」「即係股票貼士?」「又唔係喎」「咁即係乜」「咩都有啲咯」「……我過去拎杯嘢先」
46. 拿,呢啲就浪費對方寶貴時間啦。掉轉頭,我有個blog,有個Facebook Page畀你睇,係咪簡單好多?呢個係我在老朋友身上學的,大佬,咪得個講字。最緊要有舊嘢睇,畀人見得到。你話你想寫文嘅,請去寫。寫咗出嚟先有得討論。
Let me 心噏 after writing so much(呢句抄陳祉俊的,無友不如己者,記得Follow 佢FB Page同埋訂Patreon)(https://bityl.co/4dtz)
47. To sum up:莫道你在選擇人,人亦能選擇你。你想Network鯨,人地未必想理你.咁你有乜賣點?就唔該你自己做一個Interesting person,唔使有錢,唔使高級,甚至唔使有乜才華。但總之,就係畀人覺得,呢條友,有啲意思。另外,你再Interesting都可,冇人知嘅,即係富貴不還鄉錦衣夜行,所以請你建立你嘅個人名牌。唔使好大陣仗,但開個Facebook Page,開個blog,開個拎煙指點下江山,開個ig(唔係貼你嘅比堅尼相,除非呢個係你工作嘅一部份),就係咁簡單。
48. 其實唔難。再講多次,未訂Patreon嘅,去訂(https://bityl.co/4Y0h)。因為月尾,佢即時扣錢,12月1日會扣多次。所以呢幾日join嘅我都會回返一個月畀你。
「黃子華 勞力士」的推薦目錄:
- 關於黃子華 勞力士 在 君子馬蘭頭 - Ivan Li 李聲揚 Facebook 的最佳解答
- 關於黃子華 勞力士 在 君子馬蘭頭 - Ivan Li 李聲揚 Facebook 的最佳解答
- 關於黃子華 勞力士 在 張晨("鳥"不起) Facebook 的精選貼文
- 關於黃子華 勞力士 在 2009 嘩眾取寵22 勞力士- YouTube 的評價
- 關於黃子華 勞力士 在 黃子華~ 勞力士(Rolex)篇! - Facebook 的評價
- 關於黃子華 勞力士 在 2009 嘩眾取寵 的評價
- 關於黃子華 勞力士 在 2012 洗燥29 名錶 - YouTube 的評價
- 關於黃子華 勞力士 在 勞力士- By 朕御用名錶ZHEN WATCH LTD - Facebook 的評價
- 關於黃子華 勞力士 在 勞力士- By 朕御用名錶ZHEN WATCH LTD - Facebook 的評價
- 關於黃子華 勞力士 在 YouTube 公佈香港地區2018 年度熱門影片排行榜 的評價
黃子華 勞力士 在 君子馬蘭頭 - Ivan Li 李聲揚 Facebook 的最佳解答
[貧窮限制我想像力]你睇,十五歲仔都買綠水鬼!唔係戴綠水鬼!係買綠水鬼!又高一個層次啦。
1. 一般唔睇頭七日報,自從我冇再坐地鐵返工(since 2006)我就唔再拎免費報紙。但,今次個報導好,我鍾意佢標題嘅綠色字,加埋下面仲有段綠勞行情,好似香港有人燒炭例牌會有埋樓盤資料原業主幾錢買咁,only in Hong Kong
2. 所以話,勞力士呢個名真係好幽默。黃子華話過的,有邊個靠勞力搵食嘅勞力士,會買得起勞力士?(*)越戴勞力士就代表佢越唔使靠勞力!
3. 又,上面呢個gag,黃子華未講時我已講過。正如「梵高理財」都係,我啲朋友可以作證。但當然韋拿踢法似我,唔係話黃子華抄我或者話自己巴閉,只係想講,我啲諗嘢思路有時係同佢差不多嘅。即係個個新界仔打籃球都學佐敦咁(**)。
4. 講返,真係堅秋,唔係老豆送,仲要自己買!當然我估都係老豆畀錢佢買。但即係,你啲友聽見劉鳴煒生日收十皮利是都嘩嘩聲嘅,我真係要講句
5. 貧窮限制你想像力呀!
6. 大佬,MOS一件15歲小朋友都自己買隻綠水鬼呀!劉鳴煒老豆係邊位呀?劉孝偉定劉鎮偉呀?
7. 又,綠水鬼呢啲嘢,我當然唔識,我只係識金寶綠水。正如我啲朋友講車講咩牛呀馬呀我都跟咗好耐先知係乜(咁至少我未使上網Google嘅),都話呢啲男人四部曲唔啱我。我啲佬朋友不停咁恥笑我用罪大滔天嘅索尼相機,佢地話索尼最西就係相機你就走去用(同時間我會食Pizza Hut嘅意粉,同意粉屋嘅Pizza).飲酒我都永遠係
8. Chardonnay 或Sauvignon blanc,更加恥笑我拎住支雪茄好似幫人hand job咁
9. 唏,都話四部曲呢啲嘢我唔曉。你見埃汾平時寫文,都係講下日本嘅郊區鐵路呀,澳洲有人去葬禮幫死者講嘢呀,日本黑社會耆英化呀咁。咩《男人四部曲》唔啱我唱的, 「不過我會唱《裙下之臣》」。如果過去十幾年你有同我唱過K,應該都會聽過我唱。係喎,去到新加坡我都照唱的—新加坡當然有K唱啦,真係Sing K
10. 最後補多兩樣
11. 第一,諗起十一萬,我都係諗到「價值十一萬美金」嘅西德隱形液晶體顯影眼鏡
12. 第二,被啲損友設局偷嘢呢,我都試過,個故事其實好可歌可泣,睇舊文(https://fbook.cc/3GFS)。TLDR嘅,當年,時為1988咁上下?小學雞埃汾,在大興村畀人呃咗部Game Doctor(至於咩係Game Doctor…….可以寫返幾篇文)。好似都要六七舊水?真係童年陰影,痛不欲生,當場喊出嚟(唔係唔喊呀?)。講緊幾舊水。但而家人地係十一萬嘅綠水鬼,通脹幾咁勁
13. 講返,當年最神奇嘅係,好似Toy story 漏低咗隻勞蘇咁,但我阿爺居然買返部畀我!仲係再新一個型號。噢耶,有祖父幹真好。幸好我部Game Doctor 冇半夜爬返屋企搵我,然後發現我玩緊部新機,”He replaced all of us!”之後入魔變咗Doctor Evil咁
14. 但呢個故事真係令我早早見到人性嘅醜惡,同埋,有祖父幹真係好。正如舊文講,冇耐我阿爺就死埋,我老豆敗晒佢副身家,我就冇得靠父幹。唔止,因為我老豆得一個仔(兩個女),但我唔生仔,所以呢個家族亦冇人可以再靠父幹。十分之咁《百年孤寂》
15. 呀仲有,呢個故事,我老母講足咁多年。絶對係二三四次傷害,每年啲咩拜年食飯都要講。絶對係我青春期陰影。佢講撚到幾時?講到我十七八歲啦,應該係有次我發火叫佢咪撚再講。(當然係用個撚字)
16. 而我估呀少年,冇咗隻綠水鬼,可能會買返隻地通拿。希望佢隻綠水鬼唔會爬返去搵佢。水鬼會掹腳的!陳友講嘅 (https://ggle.io/3Te9)
(*)不過,埃汾太祖母,舊派貴婦人,就曾經話「勞力士係地盤佬先戴」,極之霸氣。而其實地盤佬真係搵到錢買勞力士喎。又都話香港人好有錢,求其普通文員仔都用LV愛瑪士。我在英國就真係冇撚見過有呢啲事啦。
(**)但埃汾唔打籃球啦,小小都唔打。打嗰個新界仔係我朋友同學,叫做 Fisherman Lok,而家打NBA。嗰時Fisherman Lok已經好多女fans的說,由坑口排到蛇口呀
-----------------------------------------------------------------
Ivan Patreon 狼耳街華人,一星期至少三篇港美市場評點,其他免費好文推介,每日一圖,仲有FB Page post summary.一個月一舊水唔使,開張一個月已近 500人訂,仲有兩篇免費試睇:https://bit.ly/31QmYj7
黃子華 勞力士 在 張晨("鳥"不起) Facebook 的精選貼文
《黃子華係一本預言書》
「我覺得講得出『我好鍾意返工』呢句說話既人,一定係鬼上身。」
「每日我哋就係睇緊『尋找仆街的故事』,
當你一瞓醒就尋找緊一個仆街嘅時候,
呢個世界冇人唔係仆街,你只可以係『未仆街』,
但你一定會仆畀我睇。」
「你識得黑色幽默,你唔衰得去邊。
但冇人會討論呢啲問題,因為大家都知,呢啲係道德問題,而邊個討論道德問題,邊個就係不道德。」
「人類嘅食物鏈係簡單好多,淨係分為三層嘅啫,
最低層無產,中層係中產,頂層係冚家產,
絕冇不敬嘅成分,因為呢啲頂層嘅人民,
佢全家唔係田產、房產、就是地產,
真係名副其實冚家都係產,所以有時叫冚家產叫咩野啊?
叫冚家富貴啊。」
「點解呢個世界有戰爭?
因為我哋有武器囉。
咁點解我哋要有武器呀?
因為佢哋有武器囉。」
「女人不嬲都好鍾意用啲好偉大既字眼……『永遠』。
永遠夠偉大喇掛?
但係女人同嘅永遠,係有實質數字既:
三次,三次就係等於永遠。」
「人生三大矛盾:搵食啫,犯法啊?我想㗎?
宇宙最高法則:係咁嫁啦,好出奇呀?」
「勞力士,有邊個靠勞力搵食既人帶得起勞力士丫?
越帶勞力士既人就越表示佢唔駛用勞力!
呢啲,就叫做幽默啦。」
「共產主義唔係話唔好,你成個國家都係得4個人咪幾好囉!仲要係最好其它嗰三個人都有錢過你!」
「相對論話:空間唔係絕對既。咁即係話,一個空間,可以有多過一個面積啦。
我躉樓,就有一個空間,兩個面積。
一個係實用面積,一個係建築面積。」
「大家只要有飯吃,生活穩定,就咩都可以唔理!
安定生活,先是人民嘅真正鴉片。」
「做咩買串魚旦,大家都咁多錢,但我少佢兩粒架?
噓!我唔要你畀多兩粒我,我要你拎走佢嗰兩粒。」
「幾時揸保時捷最好?塞車嗰陣。
大家都塞兩粒鐘。你嗰啲叫嘥時間,我嗰啲叫曬時間。」
「你明唔明,ADIDAS嘅偉大唔在於製造咗ADIDAS,
佢嘅偉大在於佢能夠製造一大堆無數咁多嘅白飯魚,
你一望我對波鞋你就係白飯魚啦。」
「BB係有一個正式嘅生理嘅學名,佢嘅學名就係
『大肚劇痛家吵屋閉賴屎賴尿供書教學無風無浪都起碼都洗你四百萬仲係一定唔還錢』。」
「座樓係人地嘅,叫負資產,好斯文嘅,
座樓係自己嘅,就叫負家產。」
「一個每日嘅理想就係打風嘅人,又點會覺得慚愧呢?」
「我就係抱『嗰啲、呢啲』精神去拍嗰部戲,果然第一日導演就投訴個劇本唔夠好。
我安慰佢話華仔偉仔咪拍『嗰啲』劇本囉,
咁我哋係應該拍「呢啲』劇本囉。」
-------------------------------------------------------------
上面句子只係冰山一角,好多仲要已經係幾年,甚至十年前講。
子華神最厲害嘅地方係佢睇嘢「超前」,前到十年後都仲啱用。
所以當子華神都講出一句「笑唔出」嘅時候,或者我哋都要有心理準備,香港喺未來幾年都係「笑唔出」。
不過,見到子華神今年做舞台劇,都衷心祝福。
雖然前境悲觀,但希望大家都可以喺隙縫之中,做自己鍾意嘅事。
IG: cheungson88
*會慢慢Update短文上IG!
黃子華 勞力士 在 黃子華~ 勞力士(Rolex)篇! - Facebook 的推薦與評價
黃子華 ~ 勞力士 ( Rolex )篇! ! ======================== 即Like & Share 【娛樂八卦台】 http://www.facebook.com/entgossip. ... <看更多>
黃子華 勞力士 在 2009 嘩眾取寵 的推薦與評價
2009 嘩眾取寵22 勞力士. 黃子華Dayo Wong 棟篤笑- 官方頻道 · 0:38. 2009 嘩眾取寵23 幾點? 黃子華Dayo Wong 棟篤笑 ... 黃子華Dayo Wong 棟篤笑- 官方 ... ... <看更多>
黃子華 勞力士 在 2009 嘩眾取寵22 勞力士- YouTube 的推薦與評價
44K views · 5 years ago ...more. 黃子華 Dayo Wong 棟篤笑- 官方頻道. 224K. Subscribe. 224K subscribers. 97. Share. Save. Report. Comments1. ... <看更多>