【支持本Page營運請加入成為Patreon會員，謝謝！】
//從傑斯被捕分析網絡言論及行為被捕的四層風險：事先報備：本Page直至所有成員被捕前，都唔會改變本身立場，所以如果有日呢度突然話勇武無撚用，叫大家轉投和理非陣營的話，大家應該知道乜事……//
D100網台主持傑斯被國安處拘捕，理由係佢搞嘅台灣支援義士計劃「千個爸媽，台灣助學」涉嫌洗黑錢同埋資助分裂國家。今日做得時事節目主持，就有預咗被捕嘅心理準備
首先第一樣令我驚嘆嘅自然係，黃絲嘅財力真係大得驚人深不見底，原來傑斯呢個都唔算第一線嘅籌款基金，竟然都輕易籌倒過千萬款項；同之前襲警罪教師楊博文話籌50萬幫屋企人醫病，最後竟然籌咗成587萬一樣。
其實有關籌款有好多是非可以講，例如雖然而家差佬係亂拉人，但我唔覺得律政司會響被捕者資產同籌款總額上面做手腳：即係如果呢啲數係真的話，果位教師有兩個聯名物業竟然都夠膽話家貧要籌旗、「千個爸媽」之前一直比人鬧好難Claim倒錢，但最尾原來有6百萬拎咗去投資股票……實在有點兒那個。
但係基於不分化不割席，加上今日個主題唔係想講呢樣嘢，所以我響度就唔特別深究；我所關注嘅係，究竟作為網台時事節目主持，要承擔嘅風險有幾大。
首先今次警方拘捕傑斯嘅原因係洗黑錢，表面上就唔關佢本身言論事，再加上佢本身嘅知名度，如果以我本人同佢相比的話，當然係蚊脾同牛脾，有排都未拉到我。但，而家國安處所謂「洗黑錢」嘅定義係等同於「大量不明來歷資金眾籌」，試問而家有幾多個時事評論網台或KOL單位，無做過類似籌集課金嘅行為？燒山雖然成日燈，但佢始終對錢銀有關嘅觸覺最敏銳，當日走佬去台灣，最大嘅原因其實就在於燒山曾經搞過相關嘅眾籌（雖然啲錢好多都唔知用咗去邊，然後不了了之），知道政府日後必然會用呢個把柄拉佢。
其次，國安處另一個拘捕傑斯嘅理由係「資助國外分裂勢力」，咁你好自然會諗，下一步必然係會將「發表煽動國家分裂言論」嘅條款包含在內。雖然響法治已死、共慘黨亂咁黎嘅今日，基本上所有反政府言論都可以被屈成港獨，但始終以國安標準黎講剷除威脅都有先後次序：
1. 最高危嘅，當然係支持港獨、台獨言論；除咗獨立，自決、界定香港人係一個民族呢啲言論都包含在內／同埋曾經進行大規模籌款並講到明資助海外流亡人士──基本上要拉一定拉哂呢批先
2. 次高危嘅，係支持勇武抗爭，認為特區政府必須被推翻等，此項言論符合「煽動武力推翻中共及特區政府」／曾經進行大規模籌款資助抗爭者──雖然根據法例，係要包含鼓吹、煽動成份嘅言論先至犯法，但為咗徹底剷除勇武支持者，呢批會響第一批被拉哂之後成為第二批眼中釘；同時當眾籌已被等同洗黑錢嘅時候，就算你資助嘅唔係海外流亡人士，只要筆錢去到百萬元以上，都會響拘捕名單入面
3. 暫時算係安全，但有隱患危機嘅，係要求美國政府制裁中港政府及其官員，又或曾經籌款資助抗爭者──前者雖然未有涉及「武力元素」，未有違反國安法，但都係果句，點樣界定「武力推翻」其實係任共慘黨講，所以當國安有理無理拉咗先嘅時候，無需要感到意外；
至於後者則係延續「眾籌＝洗黑錢」嘅定義，當上面班友拉得差唔多，就會再落一層將所有借政治搵大錢嘅人一網打盡。唯一比較安全嘅，應該係用Patreon之類嘅平台間接收錢，以及講到明係提供服務比大家，而唔係暗示拎啲錢去幫抗爭者作為籌旗的的話──因為你係賣服務比人，比錢嘅亦只係買服務而唔係為咗資助某種行動，咁就無得用上述嘅理由檢控。
4. 最後一步，就係將所有批評共產黨、特區政府；為支爆、中國被制裁沾沾自培喜；鼓吹群眾上街，甚至響節目公開叫過「光時五決」、「結束一黨專政」嘅時事KOL一網打盡──去到呢步，都應該包哂所有由勇武本土去到飯民和理非，好多可能響國安法立法後，都自以為無踩紅線好安全嘅黃標KOL在內。
然後你會明白點解黃標KOL，走佬嘅走佬，怕死嘅則改為日日照讀新聞，XXXX甚至驚到連聽眾打上去講「香港共治」都要爆粗鬧番人兼Cut個原因就係咁──無他，呢班黃標KOL都係搵餐晏仔啫，犯不著搵自己嘅安危去搏，係咪？
當然，符合上述條件嘅人未必即刻會被拉，要拉亦未必所有人拉哂，因為一來知名度同籌款數額，都會係國安處考慮優先次序嘅條件，先拉嘅梗係一班能夠造成寒蟬效應嘅頭面人物先啦係咪？
其次，呢個亦係更重要嘅，拉一批唔拉一批，就可以造成內部猜忌，然後又會有班弱智黃屍狗走去「捉鬼」，話「點解呢個成日鬧政府鼓吹勇武抗爭，但一直無被拉？一撚定係鬼！」製造內部分化，呢樣嘢口罩騙徒__世__就最鍾意做。
點都好啦，響五六年前，好多香港人諗都無諗過嘅「以言入罪」時代經已來臨，但正如我之前所講，如果你有去開前線，經歷過無數受傷死亡同被捕危險的話，相比起黎呢啲「文攻恫嚇」根本係濕濕碎；但對於果班一直匿響冷氣房，以為自己響網絡指點江山兼順便CAP下水嘅和理非廢老同看風駛𢃇之徒，就真係好撚大鑊，因為佢地從來無被捕嘅心理準備，亦無諗過要為香港犧牲，響度我奉勸呢班人，政治水唔係易食架；
至於有評論員KOL因為怕死而流亡海外，依點我亦相當體諒，不過走咗的話，你就係響安全地方發表言論，咁就唔撚該唔好對仲留響香港冒險嘅激進派指指點點，尻吹乜撚嘢飯民和理非不合作運動先至係正途──真係正途呀，你就唔會走撚咗去啦！
黃絲kol名單 在 黃絲kol 的推薦與評價
【批判台#4】資訊爆炸！ · 23-8-10 BNO黃人爆喊控訴，老公搞唔掂？ · 點樣說服身邊朋友，由黃絲變藍絲？ · 黃色Channel可行嗎（飛Mun證Fiona 回應） · 鄧炳強局長再發話|有流亡 ... ... <看更多>