《鏡與影的四十五分鐘 半場調整成勝負分野 熱刺對車路士賽後分析》
.
鏡與影的四十五分鐘，哩九隻字足以形容哩一場倫敦打吡，車路士作客熱刺雖然大勝一場全取三分，不過賽事過程並非如比數所料咁易食，上半場藍軍更可以話比熱刺迫到無乜太多喘息機會，勝在半場時杜曹一下臨場調整，加上對手應付不及時之下造成大勝局面，成功延續聯賽不敗走勢。
.
喺歐戰過後杜曹喺今場波作出少量人手調整，基柏取代左上場受傷既文迪為正選門將，防線換上堤亞高施華為中中堅，將基斯甸臣移為右中堅同魯迪加合組三人防線，同時將艾斯派古達移到右翼衛取代列斯占士，左翼衛就繼續由馬高斯阿朗素擔任，而中前場除左由夏維斯取代上場打正選既薛耶治之外，依舊維持前線既盧卡古同蒙特以及中場既高華錫拍佐真奴為今場正選十一人名單之中。
.
熱刺除左喺主場有優勢之下更有王牌孫興慜復出，開賽後非常主動地搶佔區域地帶，無球在腳時亦不惜體力由前場開始進行迫搶，同時整體地將防線推前向藍軍施加壓力，比起以往主要縮後打反擊今場波風格完全唔一樣，相信哩一點都未必係杜曹賽前所預料得到，亦令車路士班球員明顯唔適應哩種節奏，尤其喺一啲五五波爭奪時都處於下風，嘗試避開硬碰硬既身體對抗，打得相當吃力。
.
尤其係前線就只有盧卡古一位應付兩至三位白衫球員之下，蒙特同夏維斯所輸出既跑動空間並不足以為客隊創造進攻機會，喺中場明顯打少個之下加大左高華錫同佐真奴既負擔，如果唔係孫興慜把握唔到一下黃金機會，相信車路士早以成為在落後既一隊，有見及此杜曹亦馬上喺半場進行調整，喺夏維斯同蒙特之間選擇抽起後者換入覆蓋面更廣跑動量更大既簡迪上場，而賽事形勢亦馬上顯得一百八十度既轉變。
.
唔知係咪熱刺同時作出調整還是體力無以為繼關係，白衫球員半場出返黎明顯無晒上半場所作出既迫搶力度，講緊既分分鐘係連20%都唔知有無，三線距離亦相當鬆散，而喺簡迪在場加上杜曹刻意指示球員加大壓迫以及力量對抗之下，上下半場兩隊既形勢可以話完全調轉，熱刺只能夠透過後場一啲大腳長傳製造攻勢，並無乜太多可以組織既空間，相反車路士就多方向地由左中右三線進行進攻，都能喺主隊禁區製造到唔少具威脅既埋門，而其中施華除左為藍軍先開紀錄果球頂入角球之外，亦多次成功喺角球中擺脫負責防守佢既阿里進行頭槌攻門。
.
雖然最終都能大勝全取三分，不過球隊上半場既表現完全係喺水準之下，注意到蒙特近幾場個人都比較迷失，加上球隊狀態尚未處於穩定，喺種種因素之下杜曹都有必要作出處理，而喺黎緊對陣曼城之前都有場盃賽賽事會舉行，相信都會係一個調整同主力球員稍為休息既機會。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《當歐聯冠軍成為上限 如何再度向上突破？ 淺談杜曹與車路士今季的目標與前境》
https://s.fanpiece.com/A7Fkfzl
.
#Chelsea #車路士 #熱刺 #英超 #杜曹
https://s.fanpiece.com/er4gGPe
黎明facebook 在 黎明Leon Lai 記憶的花園- 首頁| Facebook 的推薦與評價
他是Leon Lai (黎明)，也許對很多人來說是陌生的，但如果你有參與這十年，相信大家並不陌生。 這裡不是官網，但卻讓我們可以慢慢的將這份回憶娓娓道來，慢慢地與大家分享。 ... <看更多>