Search
#潮流新知
#球迷世界
【為何又是拜仁…】
男小編係廠迷，舊年點俾人淘汰我仲記得…
不過今屆我哋嬴硬，唔洗講咁多！2月作客首循環要嬴一場先~
其他球隊賽程：http://uefa.to/2hRunr9
#aifie #足球球迷 #歐聯抽籤 Arsenal FC Bayern München #兵工廠 UEFA Champions League #今屆過關16強 #點解要有咁多個鐘時差 #捱眼訓都要睇 #支持愛隊
｜冷知識—點解去旅行會有時差反應？ 向西飛原來冇咁易Jet lag 生活規律成年人會更大反應
去旅行很多人都試過有時差反應（Jet lag），主要是因為生理時鐘所控制的生理節律被打亂，有研究指服用褪黑激素萃取物會有助調節生理時鐘。
邊境終於開返，阿源興高采烈地馬上飛到世界的另一邊，去美國探女神。或許是緊張，阿源遲遲不能入睡，翌日醒來好像沒睡覺一樣，整天沒精打采。正正是因為Jet lag！
https://hk.appledaily.com/lifestyle/20210104/KF5MGXL3KFBHDGYDMNYODV5JPA/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#冷知識 #Jetlag #時差 #旅行 #生理時鐘
#果籽 #StayHome #WithMe #跟我一樣 #宅在家
《做生意，要「逢三買一」》
現在「疫」市， 週街平鋪。 如果你在舖頭做生意，長遠應該如何發展呢? 什麼人發達多?
全文內容:
。。。。。。。。。。。。。
舖頭做生意，開300間分店都冇用， 開下開下好容易一世交租，believe me .... 做生意，長遠要「逢三買一」。
琴日同個朋友早餐飲杯嘢， 佢好成功，今時今日逆市都繼續開好多分店，賣平價時裝， 即係一二百蚊一條裙，幾十蚊件衫嗰啲。
最近仲喺最一線一線嘅位置租咗間舖，I'm talking 彌敦道、羅素街嗰啲嘅質素開舖。市好時分分鐘過百萬租值，今日以超平價就租到。
唔好開名，但佢真係好本事， 市況咁差都搵到食，開緊好多分店。 但我同佢講，你小心喎! 市差，低位租舖，個個都識。 但續租嘅時候，市況一好，就分分鐘租金倍升，到時續唔續到租就見真章! 唔通下下只係諗住做一張租約就賺到錢?
我再問佢:「你咁多間舖係咪全部租㗎?」 佢話「係，全部租!」 咁我話， 你更加要小心喎，開30間店、開300間店咁又點? 一個浪冚埋嚟，社運/肺炎，分分鐘全部玩完。 唔理你個牌子點大，玩完就玩完。Forever 21, Victoria Secret 個名都夠大啦。
因此我覺得最叻嘅人，唔係逆市租舖，做一個租約，而係逆市買舖，揸一世。 我明，唔係想買就買，首期冇咁多。但你問我，情願開少幾間分店 ，買入自己一間舖， 再開小幾間分店，再買入到間自己適用嘅舖， 咁樣做生意真係穩陣好多，長遠我未聽過有人後悔。
反而我聽過太多人後悔，就係不斷地擴張開分店，幾間，十幾間，到幾十間，全部舖都係租嘅， 再有發展商引你入去佢哋嘅商場， 一入咗去就越踩越深，慢慢慢慢變成一世為業主打工。
咁如果搵到賺到，應該租幾多、買幾多舖呢?
如果你間舖只需要幾百呎左右 ，我會建議「逢三買一」。 即係話每開三四間分店，盡量第四五間係自置嘅。 再開到第六七間分店嘅時候，就第七八間分店係自置嘅。
如果你間舖係要較大間啲嘅，講緊係火鍋店/酒樓咁嘅 size，就逢五買一， 即係每開五六間分店，第七八間係自置嘅。每開十/十一間分店，就有兩間係自置嘅。
點解? 創業嘅時候，第一二間，做咗先，睇下自己有冇料到， 話唔定一開就執咗，咁以後唔使再講租舖買舖。
一間可能自己瞓身管理OK， 兩間就開始睇你分唔分到身，三間就真係見真章，睇你有冇管理本事做得大的連鎖店。得嘅，第四間盡量買落來， 即時差啲嘅位，細間啲都好， 大有大做，細有細做，起碼間舖係自己嘅，你自然更會用心落力做。
自置物業做生意，問銀行借錢都多啲。 除咗物業按到三四成以外，銀行又可以借錢俾你裝修， 再睇下你公司盤數，分分鐘可以再借多條credit line 比你做生意，借下借下，分分鐘攞出嚟嘅首期唔使一半。
有咗自置舖，咁你就可以「進可攻、退可守。」 好市嘅時候，百花齊放， 分分鐘間舖升值，可以向銀行加按做多啲生意。市差? 咁你就可以執曬啲租嘅舖， 但仲有啲自置嘅舖保住你嘅品牌，留住你盤生意，唔會全線結業。 佳寶係咁，大家樂、翠華、太興係咁，凱斯餅店、Colormix、Maple、樓上、天然美髮、位元堂、祥興食品、龍豐藥房、 大班餅店、米蘭站、麥當勞、日本城， 各大銀行及大型連鎖鐘錶珠寶店都係咁，都係揸住好多自置物業。 進可攻，退可守。
信我啦，情願開少啲分店，買多幾間自置物業， 一步步擴張 ，長遠冇人後悔。長揸舖，時間係你朋友。我反而識太多朋友，係好後悔好多年前無買間舖，即使而家有幾多間分店都好，都變成一世交租。長遠交租，時間變成敵人。
「逢三買一」。我身邊發達嘅朋友都係揸舖多，而唔係交租多。你想做邊個呢?
。。。。。。。。。。
【李根興的生意哲學】剛出版，創業故事+理論+揀舖+忠告，合共約360頁，定價HK$198。訂書可whatsapp我 (＋852) 90361143。 有我親筆簽名及 personal message。各大書局、書展、711及OK便利店七月遲些也會有售。
Note:【特別限量版】二千多本未上架已售罄。兩版內容一樣，只是封面不同。
盛滙商舖基金公司網頁
www.bwfund.com
李根興創業之友 (講生意) https://www.facebook.com/EdwinNetwork/
李根興商舖之友 (講舖) https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
