話說九巴調晒啲鏡仔巴士去屯門，唔好話配合邊個台，但呢啲咪識玩囉！呢啲無咩架，又無咩成本但又做到BRANDING。
聰明的抽水是咁的。
話時話早排感覺家陣好多客戶都唔知係咪太想做生意，好多都FOCUS ON攞生意，要人流，好多時講BRANDING都力不從心咁，覺得無需要或唔重要。不過講真，依家好多時講果啲BRANDING野，唔知點解好多客都覺得我講外星文咁，又或者PR同MARKETING同SALES PROMOTION大兜亂分唔開，例如攞住你份CLIPPING REPORT質你：「點解我咁多COVERAGE但無咩數返？」
但鏡仔們的出現，除咗因為明星效應，加上全城喜愛之外，我漸漸覺得客戶會開始諗返少少BRANDING野，吸納返一啲比較年輕嘅客群，慢慢儲呢班客成為將來嘅長期客仔。
多謝鏡仔，你哋嘅勤力除咗俾香港人娛樂，亦為近日派COUPON度日的客戶添上新朝氣，終於大家都會諗下點樣吸人流同令到人感覺個BRAND YOUNG啲、有活力啲之類嘅方向，而唔係再諗住跟大圍派COUPON就算。點解大家覺得去度度都一樣係IP，係因為好多MARKETER又好、老細又好，俾以前嘅SUCCESSFUL FORMULA綁住，覺得跟住未必成功但衰極有個譜。
係，HELLO KITTY永世都有班妹豬打咭，但更靚嘅靚女睇100次都會嫌嘅時候，有咩方法令到大家眼前一亮？
市場要好睇、客戶要感覺新鮮，就要百花齊放，咩古靈精怪野咩都有先好睇。MAKRETING其實沒有做不到，只有想不到。
雖則你可能話：「唓，家陣咩都係叫鏡仔、錯仔去就得啦。」但你睇SERRINI、林家謙、二汶、阿祖呢班本地陀地借電視入屋又好，佢夠晒騎呢或真誠夠薑令你關注又好，佢哋每個人帶住嘅MESSAGE同價值觀，係影響緊SERVICE PROVIDER同買你SERVICE嘅人。你話鏡仔出嚟就得？12個人12個奮鬥故事，12種性格BACKGROUND，12種不同嘅CHARM。你鍾意偏鋒咩？ERROR未必係你杯茶，但你又唔介意同佢一齊飲茶。人哋行出嚟唔係得個殼YOU KNOW，佢地仲包含好多意義，係套PACKAGE，係整體。
疫情下，好想做生意，做PROMOTION，我哋都經常忘記咗整體。
單係大叔的愛，平時可以剪埋啲花絮就算，大不了加插啲MAKING OF，但人哋就係用心又整啲周邊訪問對談，又整啲人物VIDEO仔教整愛心飯盒，多嘢睇之餘仲令觀眾感覺到呢個人物其實就係身邊人咁。SOCIAL MEDIA POST，周邊甚至FANS自發做嘅SOUVENIR都質量高嘅時候，你就知道，世界在改變之餘，多元化嘅方向同玩法，重新提醒我哋一班PR & MARKETER，遊戲要有競爭先好玩。
問題係，你夠唔夠膽諗條RULE，然後想辦法實行出嚟，變成影響力迫全部人陪你一齊玩？
#開發你新的秩序
#非行業資訊純粹個人豬UP
