多謝 晴報!~ 呢篇真係好detail好有心機，好多連我可能都唔太記得無咩諗起既都有係度，嚇一跳～睇完好似重溫左呢十年做過咩事咁。
（原文）
《法證先鋒IV》演員背後是太子爺好捱得 做導演獲獎 （發佈時間: 2020/03/17）
《法證先鋒IV》好多演員現實中都是猛人，例如飾演被炸死黃醫生的陳俊堅是老闆、飾演Monique初戀外籍男的是星級髮型師，甚至連無名無姓的角色，都是全球首位華人齒科法醫。經常在「Dr. Man」李施嬅旁邊輔助的「阿勳」張子丰戲份不少，原來是唱片公司的太子爺！
現年32歲的張子丰中學時期已到加拿大留學，就讀皇后大學，當時家人想要他讀理科，可是擁有8級鋼琴造詣，會彈結他的他對電影情有獨鍾，於是主修電影，副修心理學，期間曾到美國洛杉磯的紐約電影學院進修演藝技巧。
2010年，張子丰大學畢業後回港在電影公司做製作助理，雖然表面上是個P.A.，但由於公司專門為荷里活電影拍攝香港戲份，所以曾參與《世紀戰疫》和《特務戇J》等大製作。
其實張子丰爸爸就是環星娛樂老闆張國林，可是他不想靠家人，累積了幾年經驗後，他於2012年與朋友創立公司（現已解散），專攻電影、廣告、MV及短片製作，代表作有過百萬點擊率短片《那夜凌晨，我坐上了大埔開往旺角的GoGoVan》，當年此短片更獲Google評選為「香港10大最成功Youtube廣告排行榜」首位。因短片反應激烈，他終跟不少大品牌合作。
除了幕後支援，張子丰還想當歌手，2011年首次演出舞台劇《情歸何處》，合作演員包括米雪，姜皓文，陳秀雯等等，並為舞台劇創作主題曲。2013年，張子丰終於加入樂壇，推出其首支歌曲「1880」。
2014年，張子丰單飛成立全新創作品牌，成為導演。翌年他與周國賢推出「死亡三部曲」系列，作品屢獲好評。其後他繼續為吳業坤、譚嘉儀等執導MV。2016年，他身兼監製、編劇及導演推出網劇，以及一系列微電影，與張繼聰、盧海鵬等人合作。2017年，他執導電影《吃貨神探之獵獸行動》，反應一般，他自嘲承認是部「爛片」，但其實至今，他執導作品已多達50部，當中不少得過獎。
前年，張子丰擔任演員，曾參演《解決師》、《愛·回家之開心速遞》。去年他轉投邵氏兄弟旗下，正式加入TVB，同年又成立新製作公司，拓展音樂業務。
張子丰集幕後製作、歌手、導演和演員身份於一身，還屢獲殊榮，如：最佳編劇、最佳微電影製作大獎金獎、最佳微電影男主角、最暢銷本地男新人等，8年間奪取20個獎項。
雖然前路無可限量，不過他坦言當初爸爸是有點反對：「以前爸爸唔鍾意我做幕後，認為做藝人好好多，但我覺得趁後生先有唔同靈感浮現。」而且多方面發展有時亦難以拿揑：「有時導演會怕我原本係導演身份，唔好意思挑剔，其實對演員嚟講係唔好，因為會難發現自己問題。」然而張子丰從無退縮，所以才能成就今天的自己。
撰文：張芷晴
https://skypost.ulifestyle.com.hk/article/2592945/
齒科法醫 在 [新聞] 梁家駒法醫串《法證先鋒》 - 看板HK-drama - 批踢踢實業坊 的推薦與評價
梁家駒法醫串《法證先鋒》
梁家駒法醫串《法證》
2011年11月24日
在劇集《法證先鋒III》中，有個「肥佬」飾演齒科法醫，雖然出鏡不多，但就好搶戲。
原來現實生活中，他是一名真真正正的法醫，他叫梁家駒。
梁家駒的名字雖然普通，但其實他的背景一點也不簡單，他是首位華人齒科法醫、是前律
政司司長梁愛詩的契姪仔、家族經營的是有一百五十多年的壽衣公司「梁津煥記」。 背
景猛料，拍劇又冇錢收，連續客串三輯，究竟為乜？「我想多啲人認識齒科法醫。」
甘草演員
梁家駒很忙，《法》劇出街時，想約他做訪問，他剛好在公幹。回港後，訪問要分兩次做
，一次在他的午飯時間，第二次是趕在他開診前的早上完成，訪問出街之時，劇集剛好播
完大結局。 三輯的《法證先鋒》，主角都已面目全非，但梁家駒就仍然有得留低，「導
演同我講：『梁醫生，你係唯一一個三個season都出現，已經轉晒人㗎啦。』哈哈，即係
我已經做咗甘草演員。」除了幕前演出，梁家駒亦有份參與編劇的工作，「啲人會問拍嘢
同真實有冇分別？當然係有少少戲劇化咗，但編劇部同事好認真，我哋一齊做好多資料搜
集。」其實○三年沙士後的婦女節目《都市閒情》，才是他在無綫的處男演出，節目中他
教煮餸，「嗰次之後青姐（梅小青）問我：『梁醫生，有冇興趣幕前演出呀？』我話試吓
啦。」
他先在《法證II》與佘詩曼、鄭嘉穎和林文龍（右圖 ）合作，又在剛播完的《法證III》
飾演張可頤的師父
面對傳媒，梁家駒駕輕就熟，事關每逢有大案，他都會以專業知識去講解，《警訊》是他
拍得最多的節目，但拍劇卻是另一回事，「初頭真係以為好簡單，點知原來咁難拍，譬如
要講好多句說話，忽然間食螺絲NG，全組人要嚟多次，壓力好大，我要一句一句咁讀，然
後剪接。有次我要望演員講對白，演員就攞張貓紙喺鏡頭後，我就扮望住個演員，其實係
望住張貓紙。」除了客串拍劇，他亦上過不少無綫節目，如《兄弟幫》、《正識第一》，
不過原來梁家駒最想拍的是飲食旅遊節目，「我個樣似阿韜嘛，又鍾意食嘢，哈哈，但個
個都以為我講笑囉，如果有人叫我，即刻联飯應！」
無綫出名人工奀，酬勞點計？他說：「淨係《正識第一》有封利是當車馬費，又送咗
TVbuddy公仔俾我，我冇乜所謂。我覺得有需要向大眾解釋乜嘢叫法庭科學，既然有一個
咁好嘅平台，可以做到教育大眾，我好樂意去做呢樣嘢。」
國際舞台
為了令大眾對齒科法醫有更深認知，他經常到本地中、小學及大學講talk，亦會受邀到海
外教書。牙齒、指模、DNA是國際公認辨認死者的三種方法，在澳洲墨爾本考獲齒科法醫
專業資格，但他並沒有加入政府的法證事務部，「我唔係政府人員，唔係受政府人工去做
齒科法醫。」
齒科法醫似乎仍不被香港政府重視，是以梁家駒所參與的海外工作，如南亞海嘯、峇里島
爆炸案等，都並非受香港政府委託，他坦言最初確實有不開心，但現在懂得放輕鬆，「香
港政府唔明白唔緊要，我字眼要小心啲，唔可以話香港政府係『井底之蛙』呢個詞語，哈
哈。好多年前已經睇通睇化㗎啦，我教我嘅徒弟、學生幫到人就得，唔好計較任何嘢。」
再者，他現在的位置已經超出香港範圍，跳進國際組織，「喺各人嘅認知，中國人齒科法
醫，第一個就知道係梁家駒，無論遠至國際刑警、國際紅十字會，我冇諗過可以坐喺呢啲
組織入面嘅委員會去俾一啲advice。」
家族從事殯儀行業已有一百五十多年，雖然他不是指定繼承人，但有空仍會回店幫手
阿嫲話事
梁家駒在一個傳統的家庭長大，他的爺爺、父親分別在他兩歲及廿二歲時過身，嫲嫲梁伍
少梅便成家中的最高領導人，他當上齒科法醫，有部分是受嫲嫲影響，「細個已經安排好
，家族生意由阿哥（梁家強）繼承，家姐做律師，阿嫲想我做醫生，一啲做警察嘅uncle
問我知唔知法醫入面有齒科法醫，我做吓資料搜集，發覺原來幾interesting。」碰巧港
大牙醫學院有個齒科法醫小組，所以梁家駒就決定選讀，「畢業後自己過咗澳洲讀齒科法
醫。」
由於嫲嫲是生意人，加上是保良局第一代女總理，因此梁家駒自小認識不少城中的達官貴
人，「嫲嫲喺律師樓見到梁愛詩，覺得佢乖巧聰明，於是收佢做契女。」雖然梁伍少梅人
緣甚好，但對自己的孫仔孫女就管教嚴厲，就算當梁家駒大學畢業，擁有自己的社交圈子
，仍然要每晚十時半前回家，否則冇門口入。當時仍是單身的梁家駒，多次因為嫲嫲與女
友分手，「好多都頂唔順我屋企人囉，尤其是喺外國讀書返嚟嘅女仔，佢哋覺得成三十歲
仔都咁怕屋企，梗係會擔心。」當然，最終他都能成家立室，還一再強調：「我屋企好幸
福。」
Source:
https://www.ihktv.com/next-1133-drleung.html
內有圖片
--
※ 發信站: 批踢踢實業坊(ptt.cc)
◆ From: 112.118.130.74
※ 編輯: wasabi1 來自: 112.118.130.74 (11/24 09:59)
... <看更多>