【#Nj評〈哪吒之魔童降世〉】精彩程度不能睇少
尋日除了睇港產賀歲片外，其實還看了〈哪吒之魔童降世〉，想不到係咁好睇。我打得呢篇文預咗俾人鬧，點解… 因為套戲係國產動畫，更加係2019年全球票房十大，我本來都理解唔到，跟大家一齊以為只係大陸自己人夠疊水撐得起個市場，原來質素之高真係值得大收旺場。既然係好戲，我更加要推介。
.
我對封神榜的印像停留在小時候的TVB劇集，很喜歡。今次套戲集中講哪吒，一個聽了幾百次的故事難得拍得唔老土，好好笑，討好，感動，最緊要係打鬥超精彩。電腦動畫水平十分之高，流暢動作緊張刺激，非常多花款的交手，經典武器充滿生命力，認真打搞笑打交替，飛天遁地幻術非常精彩。還有人物造型一流，李靖英氣，龍王三太子成個刺客教條咁款，哪吒爆seed似龍珠咁型。
.
故事方面都好用心寫，集中於哪吒人見人憎最後透過行動證明自己，他亦不認命克服魔性自己命運自己話事。當中提及到他與龍王三太子的友誼與先天角色衝突，父母對魔子的不放棄與平衡陳塘關百姓的期望，簡單來說每名角色都有著取捨、掙扎。充滿情感的一套戲，所以係會睇到眼濕濕甚至有人喊。都有朋友聽過呢套戲粵語配音出色，對白改得十分本地好笑，無錯的確如此。但不能否定電影本來便是十分高質精彩，粵配只是錦上添花。假如你睇完這篇文章，願意俾個機會佢，要快，上映幾天播放的戲院剩下不多了。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你帶頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
