女同事最近食lunch食兩粒鐘，搞到team head詐型要出聲。以前我公司有個極品，lunch time去做facial同修甲，已經用咗個幾鐘，跟住再買個飯盒施施然喺個位食，基本上食完飯之後佢已經冇再做公司嘢，我都唔想有人重蹈覆轍，所以就關心下佢呢排做乜食咁耐。
原來佢去咗銅鑼灣同男朋友食lunch，而我公司喺金鐘附近，冇錯，搭地鐵得兩個站，搭巴士亦得，不過連埋腳程車程就難免會用多咗時間，真係要日日一齊食咁痴纏咩？
「我男朋友日日同一個女同事食飯，換轉你都嬲啦！咁我咪走去同佢食囉！捍衛愛情呀！點知佢話我咁遠嚟，唔想同我求其食，但日日要諗食咩又好困擾，反而同同事食比較輕鬆。」
我：「呢種感覺我明，不過講返正經嘢先，我驚你捍衛完愛情之後捍衛唔到自己份工喎！」
佢嘅著眼點係男朋友經常同另一「個」女同事食飯，重點係個量詞，係同一個人，而唔係一班人，所以就冒住lunch time食兩粒鐘畀人話嘅風險，日日由金鐘走去銅鑼灣宣示主權，我覺得呢種歇斯底里嘅方式好攰，男友覺得困擾之餘，佢自己都好頻撲，成件事好唔enjoy。
我：「減少去嘅次數啦！知你班後生唔驚冇咗份工，但唔好冇咗個男朋友吖嘛。我同你都成日食lunch，唔代表有嘢嘅，兩個人喺得埋一齊，信任係最基本，有時拍拖出街諗食咩係煩㗎！今日同我簡簡單單落樓下美心MX啦！捍衛愛情就要先比對方抖氣，捍衛份工就唔好日日去銅記。」
結果我哋就落咗去lunch，期間佢WhatsApp男朋友話食緊嘢，對方覆：「好，小心啲！」
「佢hea應我，小心啲咩？小心啃親呀？」
我：「我估佢叫你小心啲我。」
「等我話畀佢知食緊個意大利製造Divella扁意粉好彈牙又有鮮味龍蝦汁，仲有加拿大藍青口，引下佢先。」
我：「啲咩莘莘學子世界和平嘅形容詞就唔使講喇，直接send圖畀佢啦！」
「好！」
可能睇到賣相吸引，佢男友秒回：「龍蝦汁藍青口扁意粉？新嘢？得午市？」
然後佢哋就一輪WhatsApp講下晚市都食得呀，今晚再同佢食呀，去 美心MX (Maxim's MX)個page拎coupon仲可以喺早市惠顧任何食品換領「濃濃龍蝦湯螺絲粉」一客呀……總之全程就佢有佢玩手機，我有我食lunch。不過算啦！見到身邊人開心，自己都會開心嘅，樂得清靜唔使做心理輔導，自己上fb睇下辦公室日報。lunch又好，dinner都好，食得enjoy係好緊要，好食又有coupon就更加係bonus，真係點止捍衛愛情同份工咁少，直情捍衛埋你嘅味蕾同個胃呀！
龍蝦汁藍青口 在 龍蝦汁藍青口扁意粉(7 - Facebook 的推薦與評價
美心新出既龍蝦系列 第一次見到實物係擺得靚過宣傳相既野食 • 龍蝦汁藍青口扁意粉(7/10) $48 青口既味道正常，但分量取勝 配菜既西蘭花 同 ... ... <看更多>