Search
開心BBQ慶生大會
首先要好多謝我班學生
個個都好有愛
見到大家買海鮮又買遊戲用品
怕我整親條腰要我坐定定唔使郁
佢哋一手一腳包辦晒所有大小事務
好有愛亦好𡃶我
亦見到大家每次搞活動都搞搞新意思來互相氹大家開心確係好窩心
每一次你哋都唔肯收我錢我都唔好意思
但係真係好多謝你哋每一位咁𡃶我同我身邊嘅人
終於要等到1031先可以見到大家
多謝大家為我慶祝生日
多謝大家嘅心思精心挑選每一份生日禮物
當然唔少得有我專屬嘅生日蛋糕🎂
好開心好開心好開心
多謝多謝多謝
期待下次聚會
祝福 各人都要身體健康
#2020生日記事本
【俾女朋友搶手機 要我玩密室逃脫】下
(上)：https://goo.gl/S7UtwG
喺第一個提示度，我搵到一張女朋友畫嘅太陽。
【第一次】、【太陽】，我即時聯想到同日出／日落。
但而家已經夜晚8點，日落已經過咗好耐，日出又有排都未到，而是女朋友話提示一定係屋入面嘅物品，所以我覺得要轉一轉方向。
我再次翻轉女友成間屋，睇下有冇任何太陽嘅擺設，但係無功而還。
我坐咗喺梳化度，叫自己冷靜諗一諗，愈急反而愈浪費時間，女朋友畫得出嚟，一定有意思。
先由女朋友嘅興趣入手，再睇下同太陽有冇關係⋯⋯太陽花佢唔太鍾意，Big Bang佢又冇聽開，而日出日落我哋都未試過專登上山睇。
我再環顧一次成間房，一定係我睇漏眼⋯⋯手袋、衫、裙、唔關太陽事⋯⋯直至我望到牆上面一張電影Poster，開始又有啲頭緒。
張Poster係女朋友最鍾意嘅一套電影，亦係我第一次同佢喺屋企睇嘅戲。
當時我覺得套戲好悶，冇乜劇情，只係一男一女嗎喺度傾偈，但睇完隔咗一陣先愈睇愈鍾意，然後仲一齊去買碟收藏，定期重溫下。
買碟⋯收藏⋯
我即刻行去女友放CD嘅地方，遂隻遂隻拎出嚟，終於畀我搵到呢隻《Before Sunrise》，一打開，果然又有另一張白紙。
但係今次唔係圖案，而係一句說話：「你食屎啦！」
⋯⋯！？
『鈴！』
女友屋企電話又響起。
「終於畀你搵到第二個提示喇喎！」我一拎起個聽筒，佢就咁講。
「點解妳會知？」
「你望下電視機上面。」
頭先竟然一直冇察覺到，原來電視機頂放咗一個小鏡頭，女朋友一直透過視像睇到我嘅一舉一動。
「就算你有咩事，我都即刻知。」佢話。
「咁妳即刻放我出嚟啦！」
「加油，嘻嘻。」
佢又收咗線⋯⋯而我手上只有一張寫住「你食屎啦！」嘅提示紙。
食屎⋯⋯我嘅自然反應令我望住開著咗燈嘅廁所⋯⋯
唔通女朋友重口味到咁？
條鎖匙就放咗喺廁所入面，畀佢扔咗入馬桶，而馬桶入面有屎⋯⋯我要拎鎖匙就要掂到啲屎！？
冇理由嘅⋯冇理由嘅⋯⋯雖然我唔敢相信，但我戰戰競競咁移動腳步，慢慢咁行入廁所，隱若間好似聞到一陣屎味，我再好小心咁揭開塊廁所版⋯⋯⋯
嘩，好彩，入面乜都冇！我即刻洗洗手行番出廳，一路行，電視機上面個Cam 一路跟住我嘅方向轉，女朋友一直睇緊我嘅每一步，佢頭先見我搵廁所，一定恥笑緊我。
今次我實係毫無頭緒，我諗全間屋都唔會有咩物品係關『屎』事啩？
我半投降狀態坐咗喺梳化，坐咗一陣，我望一望個鐘已經係【08:35pm】。
大鑊，【9:00 p.m.】前個女仔就會搵我，到時畀女友發現就好大件事，我即刻又再企番起身，行嚟行去，希望刺激下個腦，睇下諗唔諗到句嘢有咩暗示。
【第一次】、【食屎】、【第一次食屎】完全唔關事⋯⋯究竟妳想點呀？！
我嬲到行去電視機度，對住女朋友望到實一實嘅Cam，大叫咗一句：「你食屎啦！」
然後，我突然記起啲嘢⋯⋯
第一次鬧交，我同女朋友講嘅就係⋯⋯你食屎啦，因為呢句佢嬲咗我一星期，我送咗對耳環畀佢先肯原諒我。
我望望手錶，【08:45pm】，仲有15分鐘，我知道下一個提示一定喺對耳環度。
但係女朋友間房真係好亂，周圍都有唔同嘅飾物，我根本係大海撈針⋯⋯
好彩我記得對耳環係用個紅色盒裝住，用咗7分鐘度，畀我喺書架上面搵到。
我拎起個紅色盒，當我以為入面一定有提示嘅時候，一打開竟然係⋯⋯一條鎖匙。
搞掂！？
冇下一關喇！？
我拎住鎖匙出門口，成功開到門，女朋友原來就係門隔籬。
我：「我係咪完成挑戰，妳可以原諒我喇！？」
佢：「嗯⋯⋯」
我：「咁我部電話呢？」
【08:59 p.m.】
女朋友一邊遞個電話畀我，一邊同我講：「其實，我冇打開過你部電話，都冇賣你Game入面啲裝備。兩個人一齊信任好緊要，希望你以後都唔會再呃我。」
【09:00 p.m.】
我輸入密碼解鎖，女朋友果然冇呃我，所有Message都係unread，而Game入面一粒奧義都冇少度⋯⋯最緊要嘅係，佢睇唔到啱啱傳過嚟嘅Message：「先生，你隻求婚戒指已經造好喇，聽日隨時可以嚟攞。」
我：「咁而家我哋入番屋度，執番好啲嘢再出去食飯？」
女朋友笑住點點頭，拖住我入去佢間房。
一入到房，佢好熱情咁𡃶我，可能鬧完交之後特別想親熱下⋯⋯
所以我都好配合佢，但佢好用力咁將我壓低喺床邊，伸直我隻手，再喺床邊拎出一對手扣，將我扣住喺張床度⋯⋯
嗰刻我知道⋯⋯遊戲有排都未玩完⋯⋯
（故事完）
－－－－－－－
呢四篇故事，唔係真人真事嚟啦當然，不過既然大家當咗係，唔想掃興。
直到寫完先同大家講番～
所以，冇下集了！
不過可以照留言：F5，等我出下個故事～
支持創作，輕輕按個分享～
【同女友玩「誠實遊戲」 點知中晒伏⋯】
（上) : https://goo.gl/9zfMXG
(下)：https://goo.gl/yLp2aQ
【俾女朋友搶手機 要我玩密室逃脫】
(上）：https://goo.gl/S7UtwG
（下）：https://goo.gl/8DLoH4
【Like 莎比亞 追故事】
【同女友玩「誠實遊戲」 點知中晒伏⋯】下
話說我女朋友叫我寫低嘅十樣隱瞞佢嘅嘢，然後再交換睇。
(未上集睇咗先)：https://goo.gl/9zfMXG
我當然跟足指示，寫低咗以下十樣：
1. 我試過同個女仔單獨食飯
2. 我試過同前度WhatsApp
3. 我話瞓覺，其實打緊機⋯⋯
4. 我話同FD食飯冇女仔，其實有好多⋯⋯
5. 我話新買個耳機 $90，但其實係$1200
6. 我電話收埋好多J圖
7. 成日有女性朋友搵我傾心事
8. 試過有女仔同我表白過
9. 前日話同FD食飯，其實就係個女仔
10. 臨走佢𡃶咗我一啖
我自己都知係花式自殺，但現場氣氛令我要講真話。
輪到睇佢嗰張，我深呼吸一口氣，做好心理準備，帽事嘅！！！
1. 暪住你偷偷織頸巾
2. 暪住你偷偷整蛋糕
3. 暪住你偷偷上烹飪班
4. 偷偷買咗Switch畀你
5. 已經訂咗復活節嘅台灣機票
6. 發現你課金但扮唔知
7. 知你未瞓打緊機但由你
8. 跌爛咗個Mon，但自己畀咗錢人換驚你鬧
9. 已經準備好聖誕禮物
10. 有時唔開心但扮冇嘢怕你擔心
嘩⋯⋯幾乎全部都係好嘢嚟，咁樣陰我！？
我見到佢睇我嗰張「誠實紙」睇到黑面，又嬲到手振⋯⋯我同佢重申一次：「妳話過唔嬲㗎，我先寫出嚟⋯⋯」
之後佢慢慢咁行去燈制，熄咗燈，我有少少驚，希望間房冇任何較剪、菜刀、𠝹刀⋯⋯我記得佢話過如果我偷偷識女仔，一定會一刀切咗我⋯⋯
「喂？」我問：「而家要做啲咩？」
「收聲！」女朋友好大聲咁喝我：「一樣一樣同我解釋清楚。」
佢：「同邊個女仔單獨食飯？」
我：｢以前大學啲朋友⋯⋯唔靚㗎！咁啱撞到先一齊食！」
佢：「咁同前度WhatsApp講啲乜？」
我：「都係問候下大家，放心⋯⋯我對佢冇晒感覺。」
佢：「點解手機咁多J圖？」
我：「唔關我事，係啲Group無啦啦Send嚟，我叫咗唔好！」
佢：「邊個女仔同你表白？」
我：「公司啲同事⋯⋯但我拒絕咗。」
佢：「𡃶你都叫拒絕咗？」
我：「佢突然𡃶埋嚟，我避唔到呀⋯⋯我真係對佢無意思。」
由於環境太黑，我睇唔到女朋友嘅反應同表情，只係知佢一直沉默。
根據遊戲規則，下一步係我哋一齊行出房，扔咗張「誠實紙」落垃圾筒，然後當咩事都冇發生，鬆一口氣，大家從此信任大家。
「咁係咪玩完呢個Game⋯⋯？」我試探一下口風。
「Game係玩完，但懲罰⋯⋯」女朋友答。
「懲罰？唔係話唔嬲㗎咩？」我。
「嬲同懲罰係兩回事，我一啲都唔嬲，但照可以懲罰你。」女朋友。
「妳玩晒啦咁！」我。
「你仲勁啦，有人𡃶你喎！」女朋友。
我知道再講落去一家我輸蝕，於是問：「咁妳想罰我咩？」
「拎你電話畀我！」平時女朋友好鍾意Check我手機，但我次次都唔畀。
「唔好啦⋯⋯」但我冇得揀，於是慢慢咁遞畀佢。
「密碼係咩？」佢問。
「0921。」
我以為佢會坐低慢慢睇，點知佢拎完，衝咗出房，直出埋大門。
我即刻跑出去，點知佢用個鎖，鎖咗鐵閘。
「條鎖匙喺屋入面其中一度，自己搵啦！我留咗啲提示畀你。」佢一路講一路同我揮手拜拜：「我會慢慢睇你電話，希望冇其他嘢呃住我啦～」
「⋯⋯」
喺無助嘅困境中，「誠實遊戲」已經完結。
但成件事竟然變咗「密室逃脫」⋯⋯
仲有我手機入面啲秘密⋯⋯
【誠實遊戲（完）】
***睇下仲有冇人想睇之後嘅【俾女朋友搶手機 要我玩密室逃脫】
***1500 likes 200個share 就繼續
***想睇落去，留言：「F5」
讚好莎比亞睇故事
糖果人宇宙竟然有4部電影，6個糖果人？快來看每個角色的關聯！ 🔥電影裡的3大隱喻一次解析！蜜蜂是什麼 意思 ？為什麼要照鏡子？糖果的真正意涵！ ... <看更多>
𡃶 意思 在 邊個過話白色情人節只可以送白巧克力回禮- Bakery - Facebook 的推薦與評價
餅乾代表朋友👍🏻 糖果代表甜甜蜜蜜喜歡你 🍬 圓形嘅派好以圖周率一樣代表「無止境的愛」💗 如果想要搞搞新 意思 不如就送Ambom Boenda千層蛋糕🍰 ... <看更多>