隊員們賽後感言
相隔一年，福建女子籃球隊昨晚成功重奪銀牌賽冠軍。福建今屆以4戰全勝的姿態奪得冠軍，她們首場面對升班馬公民，在復出的林碧怡攻入17分及黃芷晴「阿一」射入4個三分波收獲14分，以71:53擊敗對手。第二場面對上屆女甲冠軍均安，在尾段尚餘約1分鐘仍落後5分，但憑新加盟的陳偉萍的低位及劉常學的剷籃，追至落後1分，加上卓婷尾段把握到罰球，以56:54成功反勝均安。去到勝方決賽面對上年銀牌亞軍七喜，第三節被七喜追至只領先1分，此時幸好有教練官健好連中2個三分波，加上新加盟的黃雅雯全場攻入14分下，以57:49擊敗七喜晉級總決賽。昨晚總決賽就再到碧怡射入5個三分波，全場收獲22分下，以58:40擊敗均安，奪得今屆銀牌冠軍。讓我們聽一聽部分福建球員對於今次奪得銀牌冠軍有什麼感受吧！
#0官健好 「好姐」
相隔一年，再踏進新伊館，感觸良多！銀牌賽初試啼聲，相信今年的福建絕對給人煥然一新的感覺。新舊交替，為球隊帶來不少改變及衝擊！球隊在戰術運用上多了很多變化，可以嘗試不同的進攻模式。新人樂於接受意見及批評，積極改善，亦很配合球隊方向。舊人亦被這份活力感染了，改變不少。
另外，今年教練團亦多了新面孔，正所謂「一人計短二人計長」，嘉樂sir的加盟令球隊勇於作出很多新嘗試。我們經常圍繞球隊討論，希望盡量展現各人的長處，令球隊有更大的進步空間。比賽期間，當球隊需要我落場時，嘉樂sir亦令我無後顧之憂放心落場為球隊拼搏。
重奪冠軍當然高興，但亦是一個中途站。短暫的快樂過後，馬上要為聯賽作準備及部署。期望球隊上下改善銀牌賽的不足，聯賽表現能更穩定更好！最後一定要多謝一班支持福建的粉絲們，每一場都落足力打氣，雖未能一一道謝，但滿心感激！
#6卓婷
兩年後重返新伊館有一種興奮嘅感覺，同時又會擔心驚以後都冇機會再來。畢竟年紀大咗，有種打一場少一場嘅想法，好想珍惜每一場比賽。可惜表現不及格，發揮唔理想，幸好隊友們打得好，球隊才能夠重奪銀牌冠軍。即使我在比賽中進攻未有幫助球隊取分，但領隊教練和隊友一直鼓勵和支持，這個銀牌冠軍為福建隊打下強心針，接下來聯賽會繼續努力 。
#31林碧怡
其實我真係好感動，因為上季自己無打，今季好珍惜落場同隊友拼盡的每一分每一秒，更加好想協助球隊贏回失落的冠軍。
這個冠軍我亦好想送比鄭學來教練，他是一位我好尊敬又愛既教練，我復出打福建絕對因爲是鄭Sir及好姐。昨晚是我打10幾年甲組第一次贏波喊，這個銀牌冠軍 對我及福建的意義真是好重大，對於我來說是繼續打籃球既另一個新起點，而對於福建是注入新血後第一個冠軍！再次多謝鄭學來教練及好姐對我既信任，當然還有多謝今季既另一位教練－黃家樂教練。
#99黃雅雯
今年是我第二年打甲組，但因為上年DSE嘅原因，上季打比賽都無乜狀態。雖然今年是第一年打福建，但隊友們都好睇住我，可能有時會唔習慣有啲變化，但佢地都會好用心去教我 。今次銀牌賽只是打左四場波，有好多野都未配合得好好，相信在聯賽會見到更好嘅福建 。第一次在甲組拎到嘅銀牌冠軍，雖然最後一場無乜表現，不過我都好期待一個更進步嘅我 更進步嘅大家 最後係大家真係要身體健康
#15劉常學
到一個新嘅球隊，一開始的確係有啲唔習慣，但由工商盃到現在，每一次嘅訓練我地都好努力咁互相配合及了解大家。今次銀牌攞到冠軍我相信係一個好開始，證明我們福建係可以做得到的，聯賽再繼續做好自己！
#10黃惠婷
好高興可以幫到褔建贏到今次既銀牌冠軍，亦係我首次拿到銀牌冠軍 ，所以十分興奮。第一次打甲組有d緊張，但多謝教練同隊友既信任，叫我放膽打唔好驚，令我在場上可以發揮出水準。在進攻方面只是幫手接應及搶籃板，在防守方面可以幫球隊拿籃板，鞏固籃底。最後可以幫到球隊真係好開心。
#5陳偉萍
第一年加盟福建，就能夠同球隊一齊拼搏及奪得失落了既銀牌冠軍，當然覺得好高興！銀牌賽對我黎講唔單止係一個冠軍，更係一個信心，近幾場比賽球隊係關鍵時候都能夠發揮到實力，大家互相信任及配合，一場打得比一場好。這個只是一個開始，希望我地係聯賽可以繼續做得更好🤪
Photo: Credit to Swish Photography 2 GOOD Teams
10黃惠婷 在 #10黃惠婷 - Jelajah | Facebook 的推薦與評價
相隔一年，福建女子籃球隊昨晚成功重奪銀牌賽冠軍。福建今屆以4戰全勝的姿態奪得冠軍，她們首場面對升班馬公民，在復出的林碧怡攻入17分及黃芷晴「阿一」射入4個三分波 ... ... <看更多>