去得日本，個個都覺得「血拼時候又到了！」
我呢個咁典型既港女亦都唔例外啦😌
但今次話明係窮遊，身上只有6、7千蚊玩4日4夜，
又要包食包transport，可以洗既錢真係唔係剩返好多💸
好多人都話去日本一定要買藥妝，因為平好多，
但其實大家有冇諗過你去一次日本買既藥妝，可能10年都用唔晒，
又或者你買既數量，係咪真係已經可以賺返張機票？
所以我今次一件藥妝都無買，只攻一啲香港買唔到既野！
1）古著
香港唔係買唔到，只係好多都好舊，要靚既又會好貴🙈
我諗好多人都知道下北澤最出名既就係古著！
好似左上圖既呢一對Chanel既鞋，只係2500円❤
可能你哋會擔心：會唔會係假架？
日本一向打擊冒牌貨，如果咁都比我遇到的話，都係2500円姐🤔但普普通通買對自己鍾意既鞋都抵丫👍🏻
左中圖：Prada旅行袋 21000円 ( from WEGO )
正中圖：LV真皮旅行袋 40000円 ( from 驚安之殿堂 )
右中圖：Disney 75周年日本限定皮褸 92 out of 200 17000円 ( from 下北澤古著店 )
2) 特別設計的服飾
中上圖呢件衫其實我都掙扎左好耐，刺繡花斗篷款短恤衫👍🏻
6900円好似都貴，因為平時睇normal既衫都係1000-4000円不等。
但起碼返到香港唔會見到自己件衫周圍同人撞，個種氣餒既感覺，我諗只有女孩子先明白🤦🏼♀️
3) 家中日常品/小擺設
係香港，你想搵一件靚靚既家中小擺設或者有品味既想法，下下都要幾百幾百咁去，買隻靚小小既碟都要成百蚊😩呢方面日本真係平好多好多！
右上圖：南瓜車吊鐘 1800円
左下圖：貓貓洗衣袋 300円
右下圖：木碟木餐具 300円
4) 模型
講到最尾終於講返少少男仔野喇～男生最喜愛嘅秋葉原我就冇去到喇～但我就係驚安之殿堂被呢款RG系列嘅高達吸引左，日本3月25日先出架咋❤ 只係2400円咋😍😍
其實仲有好多好多野我買咗，只係未有時間全部影低🙈
擔心買完咁多嘢之後冇啖好食？
Family mart, Lawson, 7仔, 松屋, 100円壽司, 拉麵, 牛丼...
其實仲有好多好多既選擇架👏🏻👏🏻👏🏻
成日好想去日本瘋狂購物既姊妹們，仲有咩要諗呢？😌
其實除咗買嘢，食我都好有研究既🙈
想知東京、大阪到底有咩好玩抵買好食，歡迎留個言俾我啦🙈🙈🙈
#喪買行動 #2個路癡去旅行 #expedia #窮遊日本 東京 #寧願少喫餐
