打橫嚟講：N毛大亂香港文藝界
「五毛黨」一詞，源自強國維穩工程，出糧給無個人主見的網上打手，要佢哋貼文讚又得、鬧又得、吠亦得，總之，肯畀錢，就乜都得，好便宜好Cheap㗎咋！每條段子五毛，遂稱呢班黨棍做「五毛黨」也！後引伸為在網上發癲亂噏的憤青，也叫「五毛」。
五毛黨內，思想左傾的，是為「左毛」；左到極至超級極端者，就係「左膠毛」嘞！簡稱「膠毛」。
陰陰濕濕，唔敢以真名真面目示人；又或成長於陰暗環境，滿腦子陰謀論的「膠毛」，有尊號，謂之「陰膠毛」或「陰毛」也！
近日，有件五毛北妹被升grade為五餅，喺中港矛盾氛圍緊張下，不顧和諧大局着想，竟透過香港藝術發展局首屆「ABC藝評獎」，狂插香港本土電影，製造「敵我矛盾」對抗的左膠式狠批，哈！藝發局竟判佢奪冠，由香港人的公帑中，賞佢五餅（五萬大元）。
今劑「藝評獎」的評審，除一兩位有分量的評判可見得吓人之外，其餘幾件騎騎呢呢得啖笑的，是如何「埋班」的呢？敦請民政事務委員會主席馬逢國解釋吓好喎！呢班騎呢人好似「戥腳」湊夠數咁拉雜成軍，即「腳毛黨」啦！
「腳毛黨」內，有位曾在某一傳媒當記者的潘姓女士，有乜資格做評審呢？
全行都知一樁醜聞，乃有人曾老作，沒有見過諾貝爾獎得主高行健，卻憑空杜撰了一篇訪問稿登了出來，無恥得可稱為「恥膠」，正「恥毛」一條。毫無誠信，亢奮叫mic啱佢。
一群體制五毛黨即「體毛」，大亂香港文藝界，不特止可悲，更是低俗可笑。嗯！忘記了！那件北方姑娘，現在潛伏在一份自詡知識分子報館秘撈，當人係盲毛。
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊（目及）實政府
