香港好似呢幾日話打風，仲話什麼雙颱風，好精彩? 不如睇睇地球另一邊既歐洲。
個畫面係咪好熟悉又令人興奮呢? 成個風兜野車埋去英國度，咁會唔會8號風球架? 會唔會唔洗返工架?
首先呢，英國人鐘意返工既程度一定無香港咁強，同時間，佢地都無8號風球呢回事，而且，個風「打到正」，唔代表一定大風d。
香港位於(亞)熱帶，夏天會打風好正常，一年或者都會有兩三次打到8號風球，而所謂「打風」，其實熱帶氣旋來襲，個風愈近，風力愈強 (一般而言)。
相反，英國位於溫帶，要有熱帶氣旋侵襲，首先要有熱帶氣旋從熱帶開turbo衝埋黎，而且未變性為溫帶氣旋，先至有機會，微乎其微過某國既萬年一遇。同時，英國其實一年四季都有溫帶氣旋影響既機會，密起上黎2-3日就會黎一個，冬天個d什麼暴風雪都係拜溫帶氣旋所賜。大家睇圖見到紫色個d，無錯係好大風，不過都係風暴外圍為主，而主要大風既地方都係沿海地區。另外，香港打正風，落大雨就一定架喇，不過英國「打風」唔一定落好大雨，反而風前吹東風既時候會多d機會有大雨，「風尾」轉吹西風天氣好快好返，情況比較似日本。
講開又講，英國位處西風帶，你見d溫帶氣旋都係行得好快，天氣變化為都好快，所以英國既氣象局同香港天文台一樣，天氣預報既可信性同最新蕭析無幾多分別。
