#紅豆賣旗初體驗 #香港人很有愛♥️
你今日買咗旗未呀☺️
今朝7點直接叫醒紅豆，因為我哋要由新界區過海去港島區賣旗籌款。 呢次係小姐第一次賣旗，睇得岀佢有啲淆底，因為知道要開口同好多陌生人講嘢。
今朝遇到第一件暖心事就係地鐵上發生，當紅豆企係車廂內，有位姨姨話要讓座俾紅豆，我哋婉拒咗佢嘅好意，因為佢比我哋更需要座位，佢手上拎住拐杖。
之後咁啱姨姨側邊有個座位，紅豆坐上去後，姨姨好友善咁同紅豆傾計，知道佢一陣間係去賣旗，手上拎住一陣間用嘅旗袋，主動話要同紅豆買支旗鼓勵佢。 呢個舉動，間接增加咗紅豆賣旗嘅信心。
其實我都有十幾年無賣過旗，以前中一、二個時參加過好多次賣旗活動，但之後已經無咩機會再參加，再次賣旗竟然係同個女一齊～
好多人見到係小朋友賣旗，都好有愛好主動同紅豆買。小姐由初初蚊滋細細聲講嘢，到之後可以大聲邀請唔同嘅人買旗，呢個係一個好好嘅體驗。
今次係為「願望成真基金」籌款，目的幫助重病兒童籌集更多資金，幫助佢哋實現生命的願望，是一件十分有義意嘅活動，希望大家行過見到有義工賣旗，可以慷慨解囊，小小的金錢可以助人成就大大的夢想❤️
#紅豆daliy #3Y9M21D
