Search
【#士佳說 】張士佳：此落彼起
昨日港股在A股護航下再回勇，ATMXJ 中以騰訊#700表現最強，微信雲存儲付費服務，又有新的可觀生意收入；期待已久的LOL(英雄聯盟)的手遊版終於推出廠，近期又不斷回購，北水連日都加倉，就算是即市及短線整固都顯得溫和，如果硬要買科技股，#700 算係唔錯嘅選擇，不過我局限自己在科技股持倉，所以我冇買。
假期回來，最值得注意的是西非國家政局不穩加劇市場對鋁供應的憂慮。鋁價升至10年新高。LME期鋁一度高見2011年5月以來最高水平，俄鋁#486最值博，因爲欲重啓停產13年的意大利氧化鋁精煉廠，開市已 gap up14%。相信鋁業在需大於供下值得期待，較為落後的#2068中鋁國際，#2600 望多兩眼，俄鋁升幅太大回一回再上最合適。
國家發改委公報『十四五推進西部陸海新通道高質量建設實施方案』，概念都係相繼續利好基建走強，先前提到了主要有水泥，昨日我...
↓↓↓↓點擊下圖，詳文講述↓↓↓
#SKYSIR #張士佳 7.9.2021
美國制裁香港嘅經濟影響
1. 美國國家安全顧問奧布萊恩（Robert O'Brien）周日表示，取消兩制可能導致美國制裁，並威脅香港的金融中心地位。
2. 已知嘅係中國好多嘢已無須經香港。基本上中國公司都可以自己出外國集資，大把人肯借，道理同阿里巴巴(9988)美國上市大把ibanks爭住做一樣。
3. 咁制裁香港想達到咩目的呢？
4. 點解又要返香港上市呢？因為呢度足總球證球員觀眾全部自己人，近乎無風險，仲借到大量美金。自己去紐約倫敦借到，very good；多條香港渠道，no harm。
5. 制裁香港，例如好似俄鋁（486）咁搵啲公司嚟祭旗，又要停牌又唔用得美元交易。如果制裁令部份H股停牌，就會出現抵押品無法變現嘅問題，一係被call loan，一係下次再借捱貴息（點都有辦法借到，成本問題啫）。
6. 同港商經歷過97金融風暴打穩陣波唔同，中國企業實行低毛利高負債模式，永遠資不抵債，好依賴數期準去續命，有數捱過還款期，不外乎賣貨同舉債，香港地位令中國公司少一招發債。
7. 毛利低，數期又就到，逼佢減價賣。外債借成本高咗，國內貨幣減息貶值，降低倒閉風險，甚至國有銀行合併嚟守住銀行體制。但首階段貿易協定寫明唔可以用貨幣貶值，一邊升值一邊低息，物價又無法上漲，出現通縮。
8. 有一個地方都發生過類似情況，叫日本。
［匯控做壞規矩？］PRADA 都彈弓手唔派息！
1. 事忙，但多新聞，快寫。果然意大利人冇死錯人，梗係等人地行先自己跟住尾。由二戰已經係咁。
2. 基本上，兩句講完。同匯控一樣，PRADA（1913）（＊）上個月出咗業績（3月18日），當時有宣佈派息—留意當時啲疫情應該已經幾甘，4萬人確診，3千人死。
3. 咁但，結果今日，都係反口，話彈弓手唔派息了。重視合約精神嘅，可以試下去廣東道（？）示威。我見有人話匯控違反合約，我好想佢搵返個合約條文出嚟。
4. 經濟報嗰陣（https://bit.ly/353ZsQY），最後一句真係畫龍點睛，十分重要。
5. 就係：PRADA股份尚未除淨
6. 拿！緊要呀！未除凈，有啲人就冇咁hard feeling，雖然一早講咗係假象。（https://bit.ly/2yBXmLI）
7. 睇返，PRADA3月18日出業績，成個月都未除凈？你可以比較下，匯控恒生，都係出業績內一個月已除凈。港交所（388）甚至兩個星期搞掂。「意大利人做嘢係慢手腳啲」。
8. 但又，「歐洲中國」都唔夠正宗中國嚟。中資公司，普遍都搞得耐，騰訊（700）兩個月，建行仲勁，3月尾出業績，7月頭先除凈。
9. 又，由於冇乜人買PRADA收息（收色就有，你懂的），所以唔會有乜人嘈。
10. 甚至乎我一度以為根本冇乜人會trade：你見香港好多外國（中國以外）公司都係十分冷淡，經典笑話當然係所謂嘅「納指七雄」—係呀，星巴克在香港上市的，編號4337，你自己去睇下，最好打去經紀行問下，話你想買星巴克，但唔想開美股戶口。
11. 但你見PRADA好地地，都唔少trade．主要原因係因為在意大利根本冇上市，香港唯一上市地方。呢個係港交所當年，想力拓其他地方（中港以外）公司嚟香港上市，少有算比較成功嘅例子。另外仲有俄鋁（486），當時亦都傾過巴西Petrobas（我朋友，應該話我師傅個朋友有份搞，就真係坐十鳩幾個鐘去巴西，開一陣會，又返返嚟），沙特阿美等等
12. 但又話說，我係好支持港交所搵多啲中國以外嘅公司嚟上市。但主要係私心。
13. 首先，就多啲嘢寫多啲嘢睇，唔好要我飛去東北睇供熱，或者去九江睇銅啦，好閹悶，「里數又唔多」（＊＊）．寫下任天堂呀，YG娛樂呀先好玩嘛。
14. 另外，亦都係因為出trip，本人成世人第一次去日本就係因為間日本上市公司搞trip。當年俄鋁好似都有搵人去莫斯科，可惜我冇得去。走多啲地方嘛。不過PRADA有冇去米蘭我就唔知了，去唔到咪去米蘭站。
15. 講返PRADA，仲有兩點。其實抗議有理。雖然錢唔多，但真係原則問題。佢同匯控單嘢，最大分別係：匯控似係被英國政府迫嘅，至少表面證供都係。但PRADA明顯係自己嘅，至少佢冇堆意大利總理干地出嚟。
16. 另外，匯控啲股東係咁嘈以股代息，如果係PRADA嘅，不如送個包畀你啦，好冇？
（＊）應該好多人知，但in case 有人唔知，PRADA股票編號係1913，正係公司創立年份。正如周大福1929亦都係。你話，可以揀架咩？可以，畀錢咪得。仲有咩例子？一時間醒唔起。
（＊＊）照計冇違反襟派人，至少我去到相當嚴嘅星展都仲係咁。出trip錢固然公司畀，但有時自己出咗先：結果我係到離職時先一次拎返，都幾皮嘢架，填form搞單都搞到手軟（＊＊＊）—但我只係出咗一次trip，星馬泰巡迴演唱。想講係，啲里數酒店會藉，係會落咗自己名嘅。我當年星馬泰當然唔多，但舊公司去英國，仲要坐商務，就幾係嘢。記得坐一次好似已經夠我上銀波蘿。Good old days
（＊＊＊）主要係assistant做，但部份我做，反正交信後都冇乜嘢做。
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
(主持：許文昌)
把花生留住，請付費支持：轉賬至滙豐銀行 023-280233-838，抬頭 HONG KONG INTERNET RADIO LIMITED
花生網頁: www.hkpeanut.com
PayPal 付款賬號: donation@hkpeanut.com
FB專頁: https://www.facebook.com/hkpeanut/
升旗易得道 2018年4月24日
主持: Tony Choi, 許留山
嘉賓: 邦先生
第一節 : 陳茂波紅跑車喪禮踩場，侮辱四萬警員，干犯辱警罪！馮煒光勾結藏獨，陰謀顛覆國家政權！
第二節 : 中興華為接連著火，Apple成為中美貿易戰犧牲品？俄鋁翻生，解密美國財政部紅頭文件，中興白武士出現！
第三節 : 獨家揭露香港劏場黑幕，首都大日子地皇荃立坊又一新城城市金庫全部血流成河！新北江炒家尹柏權，戰勝首富李嘉誠！
第四節 : 工程界上市公司要員大爆行内黑幕，創業板上市啤殼至愛，翠如BB家族發績趣聞
第五節 : 踢爆聯旺8217二百億市值之謎，未上市己賣盤？上市公司主席都係Keeper？入新世界等同做公務員！
======================================================
皇牌時事經濟節目!
逢星期二、五晚上: 嬉笑怒罵, 分析時事, 經濟, 政治, 歷史和心得!
