#親子行山路線分享 #親子好去處 #戶外好去處
大帽山，行過好多好多次了。有好多路線上山，而最適合家庭、最簡單。。。就係搭巴士到達大帽山郊野公園入口。或者坐的士、揸車直上大帽山觀景台⛰。
而今次，我哋選擇先到 #川龍村 嘅 #彩龍酒樓 飲茶☕，特別推薦蝦餃、鯪魚球、牛柏葉、西洋菜、腸粉。價錢唔算平，不過勝在大大粒，味道好😋，在大自然中享受一餐，舒服過平時嘅冷氣酒樓。
然後，酒樓對面，坐51號巴士，大帽山落車。入口係 #扶輪公園燒烤場 ，周末周日特別多人，會聞到陣陣BBQ味🍢。仲有個大帽山茶水亭，上山前嘅最後補給站，#發哥 都係呢度買嘢架，成日都想野生補穫佢。
大部分人會選擇行車路，但因為我哋覺得避車好麻煩，所以選擇旁邊嘅 #麥理浩徑第八段，全樓梯會比較辛苦😵，如果有細小朋友，建議沿番車路慢慢行，但要留意車輛，同埋冇樹蔭，記得帶備太陽帽🧢或者遮。
大約半小時多嘅樓梯旅程，到達平地野餐區，可以野餐、放風箏🪁。接住行番出車路，繼續上到觀景台，亦係最多人打卡影相嘅好地方📸。
影完相，我哋就落山了。如果繼續向上行，可以去埋「天氣雷達站」，即係山頂嘅圓形大波波。
我哋「樓梯上，車路落」，觀景台位置折返，加埋影相，大約用咗兩小時。而比較花時間的，反而係搭車🚌，因為只有一架巴士會途經，平日要一小時先一班車㗎，周末周日就半小時一班。上山玩嘅話，要預先計劃巴士時間呀！
#hiking #hikingkids #hikingbaby #family #行山樂 #hkmom #hkblogger #microinfluencer
