响英國重未悶死系列 (4) Vintage Car Show
開咗厘個Page咁耐，唔係講陪老婆睇花，就係帶阿女去玩。每次終於係佢地兩個陪我去Vintage Car Show。我完全感覺到係悶死佢地，我老婆行行下就帶咗阿走咗去啲攤擋睇嘢，之後就同我投訴話唔係車都係車🤣
我本人就緊係好開心啦，响香港邊有咁多古董車睇呢，就算有都唔會有咁大型。其實我唔係極之喜歡車嘅人，不過我就好喜歡懷舊嘅東西。去到英國，我發現經常發現街上都有唔同嘅古董車，尤其是夏天，就更加多。
Vintage Car Show其實响英國經常都有，因為有好多唔同汽車品牌嘅古董車會。佢地久唔久都會合辦Car Show，除咗交流之外（同時show off😎），都會做籌款做下善事。
古董車對我黎講，除咗靚之外，亦同時代表咗生活嘅品味同鑑賞能力，厘兩樣嘢唔係有錢就可以堆砌出黎，係需要有好多配套。無錯，有錢的確可以响全世界買最貴，最快，最先進嘅車。可以好威，好型。或者可以買最有價值，最有歷史嘅古董。
不過，古董車唔只係價值同歷史，還需要維修、保養、甚至重整或者還原嘅配套。就係零件，車房嘅技術、經驗同心機，就唔只係錢就可以買得到。要明白响英國，其實好多有歷史嘅古董車，並非係價值連城（咁緊係有唔少係啦💰）。而係好多車主因為個人嘅品味同堅持，而搵尊門車嘅房或者自學保養，甚至由一個舊爛殼，用時間心機還原出黎嘅。可能最後架車嘅金錢價值唔係高，但係我覺得比嗰啲香港周街都係「波子」就有品味得多，至少無一份俗氣😪。
所以，去睇Vintage Car Show真係一個享受，因為係欣賞緊嘅，唔只係好多好多保養得好好嘅古董車，而係嗰一份文化氣息同歷史承傳。我走去同唔同嘅車主傾偈，有啲後生嘅就係將父母甚至祖父母嘅車保養或者還原到自己厘一代，而有啲上咗年紀嘅就諗住將架車傳比下一代。我真係問下自己，如果我重响香港的話，除咗自己層臨死之前才供完嗰層樓或者小小現金之外，有乜嘢有記念價值嘅嘢可以有仔/女傳落孫呢？
好彩依家有架豆泥Defender，阿女希望你鐘意😜！
#英國VintageCarShow #悶死老婆同個女 #不過都會再去 #品味嘅嘢係唔可以用錢買嘅 #有乜嘢可以有仔傳落孫
*******************************
响英國重未悶死系列 (1) 薰衣草田
http://bit.ly/2vQJScC
响英國重未悶死系列 (2) 又黎薰衣草田
http://bit.ly/2vQu09U
响英國重未悶死系列 (3) 英國放狗
http://bit.ly/2vPMZAS
*******************************
86 零件車 在 台灣FT-86 BRZ FR-S 新舊良品零件交流 - Facebook 的推薦與評價
歡迎有任何FT-86 BRZ FR-S 新舊良品零件在此交流本社團不負責買賣交易後的任何是非，請各位買賣家必須要小心並交易前溝通要完整再交易以免受騙。 無收取任何費用， ... ... <看更多>