關於 chewyfoodtastingparty2021 ，我們在網路上蒐集到這些相關的討論、資訊與評價

【CHEWY FOOD TASTING PARTY 2021🥳】Fusion 菜雲集～顛覆味蕾❣️

上星期六去Grand Hyatt Hong Kong 出席【超力試食會派對2021】，顧名思義係有得試食，作為一名資深吃貨當然食盡場地美食。超力除咗粉麵類出色，米、湯類都好好味加上糯米粉、木薯粉製成嘅甜品真係食到無停過口，Venus 同大家重溫當日Party盛況🎉

🍣日式菜式：海膽壽司．拖羅丼
》食材：【日本愛知縣愛知之香】
米粒較大且圓潤飽滿，做壽司最佳選擇，食落淡淡甜味，產地源自日本，非基因改造，連續三年得到A’以上評價㗎！用新鮮食材配搭此米，係屋企都做到出街食味道！

🍜中式菜式：酸菜魚濃湯配芝麻泡沫
》食材：【天鵝牌星洲炒米粉】
粉面除咗好食，其中一個主因係夠快，依包米粉無需過冷河，放湯、炒、炆即食得，非常適合都市忙碌人，泰國大米製造口感彈牙，原來米粉同酸菜魚味道都好夾，下次打邊爐轉食米粉試下先^^

🍚中式菜式：經典豬油撈飯配脆豬皮
🍛西式菜式：牛肝菌法國蘑菇珍珠米燴飯
》食材：【中糧金滿家香稻絲苗】．【熊井美國珍珠米】
講起米有人鍾意食絲苗米，有人鍾意食珍珠米，絲苗米整煲仔飯一流，珍珠米整壽司、Risotto就充滿口感，Venus屋企都係用熊井美國珍珠米，未試過整Risotto，係現場試食過味道好好，諗住放假都試整下

🍲湯品：
》食材：【北海道牛乳鮮粟米濃湯】．【澳洲牛肉薏米蔬菜湯】
平日係屋企煲開中湯多，西湯好飲但過程繁複所以好少煲，我推介以上2款湯包比同我一樣鐘意飲西湯又懶得自己煲嘅朋友仔，加熱即飲，粟米湯好香甜幼滑，蔬菜湯非常開胃，煮西餐時必備！

🍮甜品：斑蘭椰汁糕．士多啤梨椰汁糕．傳統糯米糍配朱古力爆炸糖
》食材：【超力純淨木薯粉】．【超力水磨特級純淨糯米粉】
Venus超鍾意食煙煙韌韌嘢，糯米糍、湯圓、年糕以及各種糕點都好鐘意食。試食後先知原來糯米糍配爆炸糖係幾好食woo，大家都試下！

食完一輪美味Fusion菜就試玩遊戲🤹🏻‍♀️估唔到我夾公仔咁勁，第二個幣就夾到！仲有排隊搵著名漫畫家Bill Yim幫我極速畫咗幅搞鬼人像素描，過咗一個好開心下午🥰

❤️Thanks for having me 超力食品

#CHEWYFOODTASTINGPARTY2021 #GrandHyatt #Fusionfood #BillYim #超力試食會派對2021