關於 careerexpo2019 ，我們在網路上蒐集到這些相關的討論、資訊與評價

《暴露年齡系列》

想問下呢度有冇人經歷過買套票租錄影帶睇嘅年代？

我經歷呢樣嘢嘅時候人在加拿大，經常去一間華人開嘅錄影帶舖頭租電視劇睇，但你知一套劇閒閒地十幾廿集㗎嘛，眨下眼就用晒成疊套票，當時邊有得online睇，BT同download都唔使諗，我大學仲玩緊ICQ咋！

咁都算喇，讀完書我返香港先，當年個女朋友仲留喺溫哥華，我哋係要打Long D維繫，冇whatsapp，冇facetime，每個月電話費真係好甘。我有時會諗，如果嗰段日子已經有而家嘅科技同各樣技術，所有故事係咪會變得唔一樣呢？

回憶總是美好，但係又好老土，科技應該要不斷進步，令生活上嘅大小事項可以喺彈指之間解決。真心希望有更多人才可以投身創科事業，將一啲革命性嘅idea付諸實行，再提提大家，今個星期六就係科技園嘅CareerExpo2019大日子，已經有160間科技園園區公司準備好1,600個職位空缺等緊你，當日仲有蕭叔叔親臨現場教你見工說話技巧，有志喺創科領域發展嘅朋友，記得要把握機會出席。

多一個人才，成就更多科技上嘅進步，我哋先唔使再買套票租錄影帶、人生唔使再只係有ICQ，遠距離戀愛唔使打貴一貴嘅Long D；同樣地，你出席完今次CareerExpo之後，就唔使晚晚OT唔知為乜，可以同其他志同道合嘅人一齊推動香港創科，順便脫埋毒、成個靚仔晒、千年風濕好返晒……Sorry，誇張咗少少，總之記得出席啦！活動詳情寫晒喺度喇👇👇

日期: 2019年3月9日 (六)
時間: 10:30 - 17:30
地點: #香港科學園 第三期大展覽廳
http://bit.ly/2BYnO1b
#Makeanimpact #Shapethefuture #科學園職業博覽
#HongKongSciencePark #HKSTP ＃CareerExpo2019

有時啲客會同我呻好難請人，又會問究竟請人仲有咩渠道？其實我想講，正正常常待遇合理，又或者份工有意義，點都會請到人做嘅，你老細係咪口爽荷包乾呀？抑或份工好似機械人咁，令人好厭惡先？

呢啲內心嘅獨白我當然冇講出口啦，不過公平啲講，站喺求職者嘅立場，搵工嗰陣咪一樣係咁少渠道。

當年我入行做記者，係完全冇人介紹，又見唔到招聘廣告，靠一股傻勁去自薦，準備咗十個A3公文袋，印咗十份CV，再加一篇自己寫嘅文章，查好晒各報館地址再寄出去，命中率低到「寄10中2」，得兩間有feedback，好在最後都有報館請咗，但係諗返轉頭，你要我再自薦都未必做得出，唔知當年邊度得嚟呢份勇氣同決心。

記得當年叫我上去見工個部門主管講笑：「呢個年代仲寄信嚟自薦？好似時光倒流咁喎，不過你好彩，有個同事最近辭職，我哋啱啱想請人。」

聽講佢請我都涉及感情分，事關佢入行嗰個年代，搵工得一個渠道㗎啫，就係買份報紙，用紅筆圈格格，再逐間打電話去問請咗人未？好在科技進步，而家唔使咁原始喇，有求職網站、有app，仲有一啲職業博覽會，好似科技園公司舉辦嘅CareerExpo2019，更加會即場提供面試機會，對僱主同埋求職者嚟講絕對係直接又方便。搵工又好，搵人又好，最緊要有渠道吖嘛！

至於科技仲可以進步到乜嘢地步，令大家搵食同埋生活都能夠再舒服啲？咁就真係要靠致力創科嘅人士喇！全靠佢哋敢夢敢想，抱住一份要顛覆傳統嘅精神，世界先至會不斷向前，如果所有嘢都原地踏步，我哋可能仲停留喺買報紙圈格格搵工嘅年代，所以嚟緊3月9號星期六，希望更多有志於創科事業嘅求職者，會親臨現場參加科技園嘅CareerExpo2019，今年總共有160間科技園園區公司提供1,500個職位空缺，唔好埋沒你嘅理想、天份，同埋能力。

去之前可以睇下條片，聽聽上年參加過嘅創科公司同埋求職者有咩感想。

活動詳情:
日期: 2019年3月9日 (六)
時間: 10:30 - 17:30
地點: #香港科學園 第三期大展覽廳
http://bit.ly/2Vc1nfZ

#Makeanimpact #Shapethefuture #科學園職業博覽
#HongKongSciencePark #HKSTP ＃CareerExpo2019

成日都講人哋見工嘅經歷，不如我講下自己以前interview有咩受氣嘢。

好多年前，我去過一間好大嘅公司見工，當年仲未做headhunt。填完表喺房坐咗兩個鐘，簡直係度秒如年，然後我忍唔住出去Reception問見得未，對方個態度就係嗰種：關我咩事呀？我都幫唔到你㗎喎，你等得就等啦！

我見唔等都等咗兩粒鐘，OK，等多陣啦！反正已經係下晝5點，你想放工都要先解決我啩！如是者又等到5點半，忍無可忍終於要爆發，開門諗住直接走嗰陣，有個鬼佬行過問我做咩？我話嚟見工但係等咗兩個半鐘都冇人理，鬼佬同我say sorry，然後叫返我入房傾咗陣，原來佢係大老闆，全程好好禮貌，話題愈傾愈深入，雖然有啲說話係流於表面，但起碼氣氛輕鬆舒服，最後佢叫我等等，話會即刻搵HR過嚟。

6點正，HR終於出現，我估鬼佬話咗佢幾句，所以呢個HR塊面黑過我鞋底，嗱！咪住先！我知人人都有忙碌嘅時候，不過約3:00嘅人係你，要我等咗三個鐘嘅人又係你，如果要黑面，係咪應該我黑先？

戲肉嚟喇！相信我累佢畀老細詐型，佢將所有冤屈氣發洩喺我身上，先challenge我間大學唔出名，再challenge我之前嘅公司好細，其實我讀咩學校同埋做過咩公司，你call我上嚟之前都喺CV見到晒啦，唔滿意咁你叫我嚟interview做咩？咁同大美人當年個電話錄音有咩分別？你唔捧佢咁簽佢返嚟把……鬼呀？

等咗三個鐘你叫我谷住氣走？咁不如我令你谷住氣收工啦！我直接起身同佢講：「頭先同你老細傾咗半個鐘，佢對我background都好有興趣，但如果你覺得我各方面都唔符合，咁真係冇辦法，同埋守時係對求職者基本嘅尊重，你連呢樣都做唔好，點樣做HR？麻煩你畀返張form我。」

可能呢個HR未試過咁樣畀人發難，直至我拎返張form再行出門口，佢全程都呆晒冇講嘢。我離開佢公司嗰陣係6:05，天都黑埋，寶貴嘅三個鐘就咁冇咗。突然諗起呢件事，因為見到香港科學園職業博覽喺3月9號舉行，到時唔止有即埸見工機會，仲有蕭叔叔教你説話技巧，其實真正嘅interview只要有內容同埋互相尊重，根本就唔使浪費雙方咁多時間，以下條片係去年嘅精華片段，值得其他公司借鏡。

成日話見工係雙向，不過好坦白講，求職者傳統上都係比較弱勢，你有一身好本領，仲要睇對方覺得你順唔順眼，無論點都好，尊重係最基本嘅元素，若然大家嘅理念同方向唔一致，夾硬入去做都冇意思，反觀科學園嘅創科招聘及求職平台就一直提倡打破傳統框框，畀熱衷於科技並有志投身創科工作嘅人互相認識，有興趣嘅朋友可以參考以下報名詳情：

日期: 2019年3月9日 (六)
時間: 10:30 - 17:30
地點: 香港科學園第三期大展覽廳
立即報名: http://bit.ly/2BziYqV

#科學園職業博覽2019 #CareerExpo2019 #Makeanimpact #Shapethefuture #HongKongSciencePark #HKSTP #香港科學園