係Discord Pridelab吹水會時不時會聽到有人分享中學時代先接觸到「同性戀」呢個字，亦有人上網搵好多海外Forum，先發掘到性/別小眾嘅小宇宙。
但係點解我哋要自己上網搵先學到性/別小眾知識呢？到底香港嘅教育制度裏面，有冇提到性小眾或者LGBT呢啲字眼嘅呢？唔通下下都要讀性別研究先識性教育🤡🤡🤡？？
成日都話香港好落後，到底我哋知唔知實際嘅狀況係點樣，同埋我哋可以點樣改善呢？
香港《學校性教育指引》從1997年開始就無大變動過。最多2001年講過話會將性教育融入喺初中同高中嘅*好多*學科裏面。噉到底係呢一份指引裏面，性/別小眾嘅成份出現過幾多次呢？
🔍我哋搵下關鍵字：
「性戀」出現過9次，分別在中學程度課程
🙋🏻♂️「性與道德和倫理」入面「以欣賞和公平的態度，了解有不同生活方式、性方式和性取向的人」（人地寫「取向」呀，所以同性戀生活方式係唔同啲，而且有得揀）
🙋🏻「性身分和性取向」入面「消除恐懼和偏見（例如：「害怕只因經常與同性朋友來往而被誤為同性戀者一類」）
🙋🏻♀️以及高中課程「婚姻和終生承諾」裏面「生活方式的選擇」（留意係寫「選擇」）
其他同相關嘅字仲有「雙性戀」、「抱獨身主義者」、「單身人士」同埋「不生育的已婚人士」。
按照《指引》，我地讀小一之前（學前教育）就要學「安於身為男孩或女孩」。「跨性」呢兩個字無出現過，而「變性」就出現過一次，被形容為「異常行為」，同偷窺、易裝癖、露體行為睇齊。
有研究相關課程嘅學者話過「現時教師因校務繁忙，無法應付和再進修性教育課程，於是外判予坊間機構入校講解」。坊間有幾多個團體做緊呢類服務呢？至少衛生署、關懷愛滋、賽馬會、家計會都有舉辦過活動，有機構會邀請同學仔成為導師，邊學性教育，邊同身邊同輩分享正確性知識。
即使坊間越嚟越多「性教育account」，但係資料又未必經過驗證，又無歷史脈絡。大家一言我一語，一忽忽咁，資料唔容易流傳同保存。你覺得香港嘅性/別小眾應唔應該整理一份建議指引collection呢？性/別小眾依家嘅生活、術語、 唔同嘅慾望、遇到嘅困難、暴力問題、權力不對等etc，可以點樣俾讀緊書嘅同學仔知道呢？
#pridelab #pridelabhk #馬天娜 #性事傳紙仔 #hklgbt #性別 #性教育 #lgbtyouth #校園
discord lgbt 在 LGBT Waukesha - Did you hear we've got an official discord... 的推薦與評價
Join the LGBT Waukesha Discord Server! Check out the LGBT Waukesha community on Discord - hang out with 10 other members and enjoy free voice and text chat. ... <看更多>