關於 error自肥 企画 結局 ，我們在網路上蒐集到這些相關的討論、資訊與評價

【 ViuTV黃金時段三綫綜藝收視齊升 】

醜婦終需見家翁。

自ViuTV和奇妙電視（2018年改稱香港開電視）開台以來，黃金時段的收視都是秘密，直到五月底（31/5），身為「老大哥」的無綫失驚無神的公開三大中文頻道（77台、81台、99台）每晚六時至十一時的電視直播收視結果（沒有提供網站串流直播的數據），當時我已私下明言，大台此舉擺明車馬是向廣告商「展示實力」，借另外兩台收視僅得單位數字，反過來彰顯自己收視仍然「高企」，奇就奇在選擇公開的日期不遲不早，竟然在人氣超勁的《ERROR自肥企画》完結之後才這樣，委實居心不良，不過亦間接反映大台確實感到威脅，才會出此下策。

事實上，公開「隔籬台」收視是一個無法返轉頭的舉措，收視有升有跌，總不能報喜不報憂，如今大台經已「洗濕咗個頭」，往後日子就只能夠繼續大開水喉沖走泡沫 ── 見真章。《ERROR自肥企画》結束後，ViuTV的黃金時段一度失去焦點，直至六月初（7/6）開始，分別推出一小時真人騷《造美人》和上半年最煞食的「超級皇牌」《調教你MIRROR》，才是TV Buddy真正需要擔心的時候，畢竟廣告商從來走在最前綫，單從《蘋果日報》財經版早前一篇專題報道，已指《調》的冠名贊助費高達200萬港元，平均每集10萬元，大勝無綫的《愛．回家之開心速遞》的每集三萬多元，便知道Sound Bear咩料啦，那怕81台部份黃金時段的節目收視仍然維持在20點以上，但不代表品牌願意賣帳，還要視乎企業形象和市場接受程度，看看自己的社交平台，哪些藝人出現頻率最高，大品牌會邀請誰人代言，就知道市場正在吹甚麼風，收視高低已非唯一考量。

最新一期收視報告（統計2021年6月7日至6月13日節目收視）周二（15/6）公開，99台周一至周五的三綫綜藝節目：《造美人》、《中女唔易做》和《調教你MIRROR》分別錄得3.2、5.5、5.4，較對上一個星期的韓劇《優雅的朋友們》、《中女唔易做》（第二周）和《搵食達人》錄得1.8、2.7和2.7的收視高出一倍，而《中女唔易做》第三周的5.5收視更是上星期99台最高收視節目，險勝《調教你MIRROR》。81台又如何？最高收視是周一至周五《逆天奇案》結局篇，收視為24.9，晚上九點半開始跌穿20點水平，《一笑渡凡間》僅得18.6，十點半的《500日後》更只得11.4，相當慘情，而跟《調》同時段的《晚間新聞》反而力守8.5點，較預期為高。

向來遭大部份香港人無視的77台又如何？周一至周五的黃金時段收視，最低0.6（《駕輕就熟》），最高1.6（《開在新聞最前線》），其實跟99台相若，撇開三綫綜藝不說，後者最低為0.9（《囝囝女女730》），最高為1.7（《今餐有料到》），反而周日，77台的收視有驚喜，日本外購的綜藝節目《空間改造王》收視高達4.1，播電影《錦繡前程》也有2.6，而99台的《健康要Fact Check》有3.1，音樂節目《Chill Club》有2.5，跟《Chill Club》同時段播出的《勁歌金曲》不足10點收視，僅9.8，看來與「三大」世紀破冰，大改革兼調時段的幫助不大，所以請不要問「醜婦」是誰了，明就明。

（17062021）

#游大東 #游大東影視筆記 #調教你mirror #MIRROR #姜濤 #陳卓賢 #邱士縉 #呂爵安 #ansonkong #ansonlo #盧瀚霆 #江𤒹生 #李駿傑 #柳應廷 #王智德 #楊樂文 #陳瑞輝 #邱傲然 #梁祖堯 #中女唔易做 #香港開電視 #造美人 #TVB #逆天奇案 #一笑渡凡間 #搵食達人 #空間改造王 做乜膠睇電視 港人講電視 梁祖堯 港女講劇 #ERROR自肥企画 葉一知 潘小濤 ＃viutv 抵制tvb戰線 - 鍵盤救港 香港開電視 Hong Kong Open TV #CHILLCLUB #健康要factcheck

考一考大家。
如果你有一個朋友，從未睇過《花姐Error遊》同《ERROR自肥企画》
　
你會點樣介紹佢哋睇？
我試過問朋友，得到嘅答案係：
　
「睇啦！好好笑啊！」
「佢哋會食屎同食蟲啊！」
「四條友好搞笑…」
「真係要睇！Mike導痴x線！」
　
要認真介紹其他人入坑，係一件好難嘅事。
因為兩個節目都無一個非常特定嘅主題，亦無特定內容。
　
基本上你打開電視，都唔會預測到佢今集會做乜。
你話《Error遊》係旅遊節目？好多地方都輕輕帶過，又唔啱賞花季節，睇日出又遲到…
　
咁係咪睇佢哋挑戰正常人做唔到嘅極限呢？其實又唔係…
　
保錡喊到豬頭咁唔敢笨豬跳，花姐輕鬆縱身一躍。
　
最後只係夠膽玩滑翔傘，連作為觀眾嘅我都覺得感動。
　
《Error自肥》更加痴線，完全估唔到Mike導想做乜，到底要Error自肥定自虐。
　
但同時唔知點解…
當你睇咗第一集，會好似中毒咁繼續睇落去。
　
而《Error自肥》最後一集，好多人都期待會出現咩爆炸式嘅痴線嘢，係咪會炸咗Viutv廠？！
　
結果，Mike導靜靜地請Error食蛋撻薯片，無整蠱，無爆炸，純粹總結返十幾集用嘅budget，而最後一節更加仿效EVA嘅結局，討論咗一大問題。
　
見到網上評語一致覺得好高質，好大膽創新。
　
但有幾多人真係認真思考Mike導想帶出咩訊息畀觀眾，你領悟咗乜嘢？
　
不過與其話帶出訊息，倒不如話引領大家深思更加貼切。
　
Error四子有以下呢一段對話：
　
Dee：呢度係邊度？節目係咪已經完咗？
肥仔：係娛樂完成，但係播映時段未終結嘅世界。
193：係熄電視之後嘅世界。
保錡：呢個世界曾經存在，但一日有互聯網，佢都唔會再嚟臨。
　
呢個時候，Dee拎起手機，
　
有把聲講：『只要你而家一拎起電話，呢個電視播出嘅所有嘢，就會了無意義，係咪要咁做？』
　
呢段自白式對話，令我諗起《娛樂至死》呢本書。希特拉都曾經講過：「控制年輕人的最好辦法，就是給他們足夠的娛樂八卦。」
　
雖然《娛樂至死》出版於1985年，內容講嘅係「電視」將一切變得娛樂化，令人民失去思考同判斷能力。
　
喺電視出現之前，提供資訊、知識或娛樂嘅有報章雜誌、收音機、漫畫、書、電影…
　
但電視嘅出現，將所有人類嘅專注力放喺電視上。現今都市人可能未必想像得到，其實「網絡」嘅出現，正正就係《娛樂至死》當年嘅「電視」。
　
你每日會花幾多時間喺網絡上？Youtube、討論區、社交平台…網絡世界幾乎可以畀你接觸到所有資訊娛樂同知識。
　
而為咗喺包羅萬有嘅網絡世界突圍而出，大家都會將所有嘢「娛樂化」同「碎片化」。
　
Dee話駕駛Error拍節目，係驚搵唔到自己。
保錡回答：「努力迎合期望，唔會填滿你嘅空虛。」　
　
當193介紹完Error成員。
Dee話：「呢幾個人睇落有啲陌生，就算我喺入面都有咁嘅感覺。」
　
肥仔回答：「呢啲片段，係片段嘅存在，缺乏前文後理。」
　
其實亦好似網絡世界碎片化一樣，當網絡世界擁有太多資訊，社交平台每秒都有更新，youtube嘅片好似睇極都睇唔晒，大家唔再有專注力去睇或思考。
　
為咗吸引大家注意力，唯有將所有嘢碎片化同娛樂化。追隨KOL講政治，好多人連睇套電影都唔捨得花時間，轉移去睇啲簡短解說「五分鐘睇晒《哈利波特》」。
　
當然，娛樂都可以好有深度，例如英雄電影都有《Watchmen》同Marvel系列嘅分別，即使有時Marvel英雄都有好多深入主題，例如《幻視與汪達》嘅「忒修斯之船」哲學探討，但又有幾多觀眾去瞭解。
　
當追完套劇集，熄咗電話，就拎起手機去同其他人討論劇情。
　
就好似一開始阿Dee想拎起手機，之後亦都話自己其實唔一定要駕駛Error，做網絡紅人都可以娛樂大家㗎， 我有養貓、我識跳舞、我可以拍搞笑短片…根本唔需要Error同電視。
　
之後，Dee反駁肥仔，媒體每日都有報導重要嘅事。
　
193話：「所有嘅資訊後唔能夠令你作出現實反應，又或者唔容許你作出現實反應…
　
肥仔：都係娛樂。
　
當你坐喺Office、地鐵、屋企…望住呢一堆碎片化，缺乏前文後理嘅「資訊」同「知識」，但你又唔作出反思…
　
咁亦即係193所講：「了無意義，片段化，泛濫、無用嘅麻醉藥。」
　
當所有資訊碎片化，所有人都唔再有專注力去思考，或接收重大意念。
　
最後，Error探討「電視」呢個命題。
　
肥仔話本來娛樂係電視嘅存在目的，但因為網絡出現，電視變成對抗零碎娛樂嘅武器。
　
阿Dee反問，拍段咁嘅嘢係咪無budget同搞gag？
　
如果大家唔去深入思考，肥仔亦回答：咁剛才嘅解說，對觀眾嚟講就係搞gag同爆budget。
　
亦即係一堆廢話…
　
《娛樂至死》書中所講，當大家沉醉喺只只得娛樂嘅世界，亦唔識去思考點解自己淨係追求娛樂…其實比起文革式愛國洗腦，更加可怕。
　
可能你會話：「喂！我返工已經好辛苦，想娛樂吓自己都要被你屌啊？！」
　
唔係話唔可以娛樂，但人唔可以一昧追求娛樂，放棄思考同學習。
　
的確，學習同思考嘅過程係好痛苦，但學習所得到嘅喜悅，遠比只追求娛樂更大滿足感。
　
我唔介意用媒體用娛樂去包裝資訊，正如我呢個Post用《Error自肥》做引入，而唔係單純講《娛樂至死》呢本書。
　
但希望大家吸取娛樂同時，唔好放棄吸取知識，如果未搵到答案，咁就再試一次，唔好停止嘗試！唔好逃避！
　
其實要做到靜靜思考非常簡單，下次去廁所屙屎，唔好帶手機，帶本書或就咁行入廁所，畀自己大腦好好思考一下。
　
（戴頭盔：我自己都唔確保100%睇得明，睇唔明咪思考吓、討論吓囉。）
　
如果你對《娛樂至死》呢本書有興趣
我會喺Patreon更詳盡，深入淺出地講解～
訂閱Patreon：
https://bit.ly/2JPFX8x

【 格仔導演劉諾衡fb開張粉絲湧入！】

「自從多咗人Follow之後，都有好多人PM鼓勵我哋嘅，其實每一句都好感動，但有一句特別啲嘅，好多人呢輪都講：『變咗好期待星期一，唔知點解？！』咁我覺得呢個係一句幾好嘅稱讚，因為星期一不嬲喺大家印象中，係一啲唔好嘅嘢嚟㗎嘛，但有好多人話因為《ERROR自肥企画》，好想星期一快啲到，平時都唔會咁講，我覺得呢句Comment係比較特別啲！」這是兩星期前「格仔導演」劉諾衡（Mike）透過WhatsApp短訊回覆時說的話。

的確，自從《ERROR自肥企画》周五（21/5）播畢之後，很多朋友、網友、粉絲都叫苦連天，尤其是「大結局」的最後一節「玩到咁大」，沒比較沒傷害，難怪他們都不約而同在個人社交網站打字「發洩」：「以後冇得睇《自肥》點算呀？世界末日喇！」

天下無不散的筵席，舊的不完，又怎會有新節目呢？所以奉勸各位讀者，如果真的想念「無制限OT編集団」，不如重溫他們過去兩年的舊作，包括兩輯《花姐ERROR遊》、《美女郊遊遊》，還有《大海男兒》和ERROR的《我們很帥》MV，甚至可以撈埋年代久遠一點的「Mike導」作品，比如《脫毒工程》和《胸╳計》，假如仍覺得心癢難耐，建議大家可以追蹤「無制限団隊」各成員的IG。

咩話？冇IG？fb專頁囉。最新消息：「Mike導」已於周日（23/5）凌晨開設fb專頁 劉諾衡 Mike Lau，消息傳出後，一班「無制限」粉絲於Telegram群組「發晒癲」，有點像「SOGO感謝祭」成千上萬的人等待百貨公司大門打開一刻衝入去掃平貨那樣，「Mike導」的fb專頁於短短24小時內，總追蹤人數（Followers）已衝破1.5萬人，截至周三（26/5）下午四時半，追蹤人數已升至為21,343人，走勢凌厲。

怎樣找到他的專頁？只需要fb搜尋「劉諾衡 Mike Lau」即可，你會見到他的個人簡介是一句歌詞「Life’s too short to not go for broke」，來自Eminem於2013年推出的單曲《Berzerk》，收錄於大碟《 The Marshall Mathers LP 2》裏，事實上，「Mike導」胸前的紋身「You only get one shot」同樣出自Eminem的歌曲《Lose Yourself》，於2002年出版，是電影《八里公路》（8 Mile）的主題曲。「Mike導」解釋：「Eminem係有一段時間我好鍾意嘅Rapper，我覺得佢嘅人生好熱血囉！」

✴️為慶祝「Mike導」fb專頁開張，特此向大家送上「Mike導在山上Chok晒Pose超型寫真」一張。

【 ERROR ╳ 格仔導演系列報道 】
《ERROR自肥企画》最後一集最後一節想講甚麼？
https://bit.ly/3oXSTcv
助理編導Rain P因「自肥」IG粉絲破萬：
https://bit.ly/3yynHVQ
《睡到三點》的創作理念：
https://bit.ly/3ynR2lw
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（26052021）

#游大東影視筆記 #游大東 #error自肥企画 #無制限ot編集団 #格仔導演 格仔mike導絕對應該有應援會 William on the way 做乜膠睇電視 我睇咗啲乜嘢 港女講劇 快樂的 港人講電視 葉一知 潘小濤