//超長文，click入去睇圖文並茂，另記得入去Clap文，收益會全部捐去前線。//
我知我知，香港警察正一垃圾，警黑勾結，濫權濫暴，目無法紀，大家都宜不得可以證據確鑿的挫死班警察。之但係…
#FactCheck真係好緊要
有人會話，大戰當前，不要斤斤計較；錯少少又點，對家啲新聞仲亂嚟；明明有利自己梗係要讓子彈飛；我哋而家打爛仔交呀，仲使講咁多？
在其他層面，例如阻紅隧、鋸燈柱、反擊黑社會等，我認為沒錯是可以接受。但如果用在資訊層面的話，我就寧願大家先忍手，確保資訊完全正確才like and share，因為：
1. 真確性，係我哋嘅武器
我相信大家都同意，外國媒體、外國輿論係我哋其中一個重要嘅武器，而外媒唔係立場哥哥姐姐，可以日做10幾20個鐘live，好多時都係睇邊條片真係好viral好有talking point，就問你攞source嚟post，就好似沙田新城市義士接受英雄式打氣條片咁，呢啲可以世界性咁spread出去當然係好啦，但係如果搞到CNN同你一齊炒車，share咗啲冇fact check過嘅fake news出去，個負面影響同樣係世界性嘅。
你話喇，錯多一兩次，下次外媒仲會唔會咁易同你Share啲料出去？
2. 未傷對家先搞到自己人
好記得嗰朝起身，見到YouTuber 大J 捉鬼個Post，然後個個都煞有介事咁去捉鬼，講到似層層。結果？最後又係集體炒車，搞到前線要自己出嚟澄清。
#我們沒有分化的本錢
好多人都以為警察臥底現咗身後，我哋就可以大安旨意將前線做嘅所有嘢推落警察到。有人話咁樣可以擾敵，令啲廢老藍絲信以為真，但我可以好肯定咁話你聽，唔會，絕對唔會。
根據史上講大話最叻，叻到可以靠謊言將成族人變成冷血動物嘅德國納粹黨文宣部大佬戈培爾所言，講大話要多人信，就一定要有咁大講咁大，越誇張越反智越好。
所以廢老藍絲會信鐳射筆係高殺傷力武器；會信美國佬派幾億錢俾我哋出嚟遊行；會信何君堯每一句廢（笑）話。他們會信這些常人覺得無䅲至極嘅大話，但就偏偏唔會信警察做臥底煽動這些似是而非未夠假嘅消息，反而未能擾敵反而先傷自己，令前線受壓。
大J咁紅都行得咁前，我係敬佩嘅，所以今次柒咗唔完美，可改善啦！
3. 杜絕對義士嘅二次傷害
自己柒咗，唔緊要，但柒到累咗人，就好緊要。好似下面呢個無良post咁：(click 入去睇啦!)
再睇睇此post留言：(click 入去睇啦!)
前線所受的苦難，你我聽到睇到都心如刀割。我唔知佢哋睇到呢啲仆街到唔應該出自人類口中嘅留言，會唔會覺得受到二次傷害，但我睇完，真心嬲‧到‧核‧爆。
我好想入去，幫佢哋抵擋呢啲冷嘲熱諷，不過當見到「釘書健」，我就知道柒咗就係柒咗，講咩都冇用。
都係嗰句，前線義士已經承受得夠多，好叻仔好叻女，佢哋唔同我哋割蓆，已經執到。講真，風頭火勢，做Fact Check係好煩好困難，但人哋咁英勇去為你擋子彈都得嘅時候，我哋做後排嘅花多少少時間去做Fact Check，唔好拖人後腿柒俾人睇，其實都唔過份啦？
