關於 foodiesdnn自助餐 ，我們在網路上蒐集到這些相關的討論、資訊與評價

《平價自助晚餐💰》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨 自助晚餐 💲價錢根據日子有所變動
.
星期一至五 大$348 小$288
星期六至日及公眾假期 大$368 小$308
.
➰ 前排係網上留意到呢間酒店既自助晚餐做緊遊龍戲蜀風味主題，由十月一號做到十一月三十號，個價錢相比起其他同類型既都真係幾划算，呢晚就去左一試😉
.
頭盤（7/10）
普通沙律菜、唔會太鹹既🌟煙三文魚、大隻日式八爪魚、枝豆、海帶、番茄仔🍅
.
冷盤（7/10）
食落都無沙既螺、蜆、蝦、赤蝦、青口、小龍蝦、帶有海水鮮味既🌟蟹腳
.
刺身（6.5/10）
三文魚、吞拿魚、劍魚腩、八爪魚，不過全部係一早切好曬放喺度，所以有感鮮味差咁少少，比較失色👉🏻👈🏻
.
湯類（7/10）
西洋菜陳腎湯、番茄酸為主既意大利雜菜湯
.
熱食（7/10）
中式方面為左切合川菜主題，只要讚好酒店Facebook專頁或者追蹤Instagram，就可以有一隻免費既🌟川椒龍蝦，肉質彈牙，帶有咕嚕肉嗰種甜酸汁同花生碎，幾有特色😍仲有蛋白都嫩滑既賽螃蟹🥚四川擔擔麵欠缺麻醬香，會似係肉燥麵多啲🤤除左以上主打，仲有滑身既清蒸海上鮮、嫩滑🌟香酥雞🙆🏻‍♀️西式方面較為一般，燒牛肉眼扒配黑椒汁、烤羊腿、羊扒配香草汁，可惜稍微乾同韌身，所以中式比起西式會略勝一籌
.
甜品（6.5/10）
雪糕有四款🌟Haagen Dazs，包括抹茶、雲呢拿、薰衣草藍莓、比利時朱古力🤣其實雪糕控既我都係第一次試薰衣草藍莓，果然有好濃烈既薰衣草味🌟水果種類有西瓜、菠蘿、蜜瓜、哈密瓜、火龍果😎其他甜品有自助班戟、泡芙、奶凍、提拉米蘇、黑森林等等，不過口感同味道遜色左啲，黎呢度多食雪糕就對了🙃
.
飲品（7/10）
汽水、橙汁任飲
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Corner 18 (天后)
地址：天后英皇道18號如心銅鑼灣海景酒店1樓 (天后站A1出口)
營業時間：
星期一至日 07:00-21:30
#FoodiesDNN天后
#FoodiesDNN香港
#FoodiesDNN自助餐 @ L'hotel Causeway Bay Harbour View 如心銅鑼灣海景酒店

《自助午餐🙃》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁‍🗨 自助午餐 💲價錢根據日子有所變動
.
星期一至五 大$378 小$278
星期六至日及公眾假期 大$468 小$318
.
➰ 好似都半年無出自助餐文，其實中間一路都有去唔同地方食，不過食物款式同內容相對地多無時間打😢今次呢間係同屋企人比較經常去食自助午餐既一間🤔
.
頭盤（7.5/10）
依舊係大路既沙律菜、煙三文魚、風乾火腿、沙樂美腸，但勝在新鮮同唔會過鹹，🌟六款芝士、餅乾🍪
.
冷盤（7/10）
以前係自己夾既，不過可能衛生問題，近排轉左做每檯一個海鮮盤，出到去等人地夾🤭款式有蟶子、螺、比較新鮮爽口既🌟蝦、幾多膏既🌟蟹蓋、青口、蜆肉多沙唔太建議、長腳蟹多肉但就真係太鹹，同埋無生蠔既
.
刺身（7/10）
魚生不過不失，都係普通三文魚、吞拿魚、八爪魚🐙
.
湯類（7/10）
當日係中式既老黃瓜豬骨湯
.
熱食（7/10）
西式方面有牛排、雞翼、腸仔，呢啲係入面個爐度燒無特別擺出黎，不過經過嗰區既時候廚師會主動問下你要唔要，味道不過不失🤤中式有湯麵、燒味、點心、酸酸地開胃既蕃茄粥🌟印度薄餅熱辣辣帶點脆邊同煙靭、咖喱選擇都唔少，泰越式有串燒同埋豬頸肉🐷
.
甜品（7/10）
雪糕係🌟起碼十款Haagen Dazs，普通同獨特口味都有，仲可以整炒雪糕，作為雪糕控既我絕對唔會放過呢個加分位🍦另外有三種口味Frozen Yogurt，但係乳酪唔係好夠凍溶得較快，班戟就係即叫即整，加入自己鍾意既配料🌟Choco Brownies質感唔錯，朱古力味香醇濃郁，可惜蛋糕、杯裝甜品同馬卡龍稍為遜色，水果有啲切左一粒粒，亦都有啲係完整一個個🤣
.
飲品（7/10）
一人一杯餐飲
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Café Kool (尖沙咀)
地址：尖沙咀麼地道64號九龍香格里拉大酒店閣樓 (尖沙咀站P1出口)
營業時間：
星期一至四 06:30-10:30；12:00-14:30；18:30-21:30
星期五至日 06:30-10:30；12:00-15:00；18:30-21:30
#FoodiesDNN尖沙咀
#FoodiesDNN香港
#FoodiesDNN自助餐

《和牛主題自助晚餐🍴》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
因為屋企人好鍾意食自助餐，所以成日周圍去試唔同餐廳同酒店既自助餐☺️但係好似一直都無咩點出文介紹過，始終食物種類多，跟住又係出長文，唔知大家有無興趣睇😖出一篇黎試下水溫，希望唔好令我失望🤪
.
👁‍🗨 自助晚餐💲價錢根據日子時段有所變動
.
星期一至五 17:00-19:00 大$418 小$278
星期六、日及公眾假期 17:00-19:00 大$438 小$278
星期一至日 19:30-22:00 大$598 小$308
.
➰呢間餐廳既自助晚餐都幾多人食，有啲食物係會輪流或者限時供應⏰所以要打醒十二分精神，準備隨時出去排隊攞嗰啲限量食物😂
.
頭盤（7/10）
沙律都有好幾種，可以係自己加配料又或者係整好左一盤盤既🥗配煙三文魚、巴馬火腿等等，最怕煙三文魚太鹹，但係佢無呢個問題，仲有三款芝士同埋麵包🍞
.
冷盤（7/10）
全晚供應既有生蠔、蝦、青口、長腳蟹等等，任攞唔嬲，可惜生蠔唔夠肥美飽滿⏰輪流供應既有麵包蟹，食既時候容易拆開啖啖膏，仲有開邊龍蝦同埋蟹鉗🦀
.
刺身（7/10）
當晚有甜蝦、赤背、帶子、立魚、油甘魚、三文魚，全部都切到正正方方好得意，食落都無咩筋🍣仲有壽司，望落精緻，但係我就無食，留肚食其他嘢嘛🙈
.
湯類（7.5/10）
中西湯各一款，中湯係花旗蔘花膠螺頭，西湯係酥皮蘑菇忌廉湯🍄我就揀左個西湯，個酥皮幾鬆化香脆，食完凍野梗係飲返個熱辣辣既湯暖下胃🤗
.
熱食（7.5/10）
近期主題係佐賀牛，成盤擺係度，望落油脂均勻😈有兩種食法，分別係放落醬油湯底既🌟壽喜燒佐賀牛同埋火炙佐賀和牛壽司🔥個人比較鍾意前者，食落口感比起軟熟，而且牛味都無被醬油味蓋過😍仲有🌟牛扒，燒到粉紅色，肉質都頗嫩，加左燒汁同黑椒調味😋推介呢度既🌟鵝肝，細嫩軟滑，入口即化，唔太油膩，成晚食左無數舊🤤無羶味既🌟羊架易入口，肉質都腍⏰限時供應既有片皮鴨，鴨既份量比得夠慷慨，醬汁惹味🦆至於粉麵有卡邦尼意粉，但太飽無食到
.
甜品（7.5/10）
多種類到眼花瞭亂，大部分撻係一口size，食多幾舊都唔怕😎仲有蛋糕，蛋卷同埋杯裝北海道3.6牛乳布甸，個人略嫌布甸口感唔太洁身，牛奶味亦都可更香濃🥛不得不提🌟心太軟，一大特色係可以加上句子比你傳達心意，慶足節日一流😏過左一排先切開依然流心，食落有香濃朱古力味🍫最後一樣⏰限時供應既係抹茶口味疏乎厘，不過頗多糖會係甜左啲🍵仲有唔少得既雪糕，呢度有自家製或者Haagen Dazs雪糕，仲要有🌟Haagen Dazs杯裝雪糕同埋比較少有既雪糕批🍨
.
飲品（7/10）
紅茶、咖啡、奶茶、檸檬茶、蘋果汁，甚至連排毒水都有，全部自助服務，可以無限添飲🍹
.
整體黎講，呢度既食物種類都唔少，冷熱相比之下，個人比較鍾意呢度既熱食🤓如果有更多特色多國菜，好似印度或者泰國菜，就會更加滿足🙃
.
師奶心態之又係時候講下優惠💰四人或以上同行，四月壽星免費，朋友八八折，不妨黎慶祝一下生日🎂
.
🔛 整體評分（7.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Mr. Steak Buffet à la minute (銅鑼灣)
地址：銅鑼灣告士打道280號世貿中心6樓 (銅鑼灣站D4出口)
營業時間：
星期一至日 12:00-14:30；17:00-23:00
#FoodiesDNN銅鑼灣
#FoodiesDNN香港 @ Mr. Steak Buffet à la minute