有時問求職者攞CV，對方話要執一執先至send嚟，結果一等就三五七日，其實我係開心㗎，起碼代表佢好認真去看待呢件事，好緊張呢份工，好希望得到一個面試機會，所以先至會花時間花心機去執。
其實用幾耐去執靚份CV都冇問題，但要記住一個重點，就係你用三日時間去執，對方可能只係睇三分鐘。
Fresh grad嘅朋友仔經驗比較少啲，所以更加要留意，我見過一份CV劈頭就講佢自己玩好多學會，包括戲劇，天文，仲有幾項球類運動，然後又打咗一大堆參加過嘅比賽成績，而佢做過嘅part time同freelance就要去到第三版底部先見到，坦白講咁樣好蝕章，未必個個有心機睇晒你三版CV，而且有超過一半嘅篇幅同份工冇關。
我仲見過一位fresh grad嘅求職者話自己上一份工嘅title係CEO，咩料呀？富二代？咁你使乜apply我份工先？打去問先至知道，原來佢讀書期間同朋友開咗IG Shop賣嘢，所以將網店當成前公司，咁樣冇問題嘅，問題只係佢將自己個title改做CEO，唔使咁猛喎！你嚇親啲HR 㗎！點敢請你呀？
Send CV同埋去interview要盡量show自己嘅技能、長處、乾淨俐落嘅外觀，仲有處變不驚嘅應對，盡量把握時間去吸引HR嘅眼球。
Face to face去人哋公司見工嗰陣都係一樣，著得太hea或者太over都唔係咁好，interviewer根本唔了解你，亦冇時間去了解你，所以初次見面衣著恰當，仲有大方自然係最重要，如果有second in，稍稍改變配搭就已經OK。
寫CV技巧，interview注意事項，仲有見工嘅衣著問題，三言兩語好難講得晒，大家不妨喺度互相交流，有經驗嘅讀者亦可以畀啲意見fresh grad嘅朋友仔。另外再提多次，早前話G2000HK希望幫職場新鮮人打打氣，個優惠仍然生效，由即日起至4月21號購買任何套裝可免費獲贈價值$500專業見工相攝影服務；憑有效指定香港大專院校學生證即享正價貨品8折、套裝9折，購買領帶同時可享$100折扣！依家仲有一個有獎遊戲，隨時贏到全套西裝，詳情可以睇以下呢個連結：
https://bit.ly/2Xft8pa
#G2000HK #搵工一拍職合 #為你見工加油
fresh grad 搵工 幾耐 在 正常畢業後搵工要搵幾耐？ - 港澳日常板 的推薦與評價
搵唔到自己major嘅工要唔要apply下其他工？定一意孤行一定要搵到有啱自己嘅工為止？人工唔啱會唔會都照做？Fresh grad要求18k算唔算過份？ ... <看更多>