自從17年尾離開埃及後，我哋不斷同冬天玩遊戲。喺意大利過咗個漫長嘅冬季，等到4月北半球夏季時，我哋又吱咗去南半球阿根廷過冬季，到阿根廷12月終於可以唔洗著羽絨，點知我哋又回歸北半球......
好似好複雜，其實簡單啲講，我同意佬連續一年半都未著過短袖衫，羽絨堅著足一年！
屎等爛等，終於等到3月最後一個星期日，即係今日，亦即係每年意大利轉夏令時間嘅日子。嗚啊，春天啊啊啊！難得等到初春，終於可以遠離火爐，同意佬拿拿臨出去兜咗200公里好好感受一下火爐以外嘅温暖。
同陽光玩遊戲外，更開心係意大利同香港時差今日開始由7小時縮短到6小時，咁我同香港又近返啲啲～嘻嘻
#意大利的初春
#三月最後一個星期日
#LagoDelTurano
