《猛禽暴隊：解瘋小丑女》 - Pop art漫畫風格養眼 人物各有各打關係淡簿
《猛禽暴隊：解瘋小丑女》嘅導演喺美術設計方面花咗唔小心機； 電玩 X 漫畫 X 普普藝術嘅風格好玩養眼，電影節奏同鏡頭亦好in好爽。
主線劇情講述幾位各有特殊技能，又同時落難潦倒嘅女性角色各自嘅不幸遭遇。而佢地組織成為所謂猛禽暴隊Birds of Prey，其實幾乎已經去到電影尾段。所以隊員之間建立到嘅情誼同默契甚為淡簿；各有各打，各有各做嘅感覺強烈，加上各人需要冒險嘅目的自私兼個人化，令觀眾難以投入。
動作場面算精彩過癮。小丑女嘅武器夠晒玩味，動作爽快利落，場面設計亦睇得出有花心思。不過Maggot Robbie武打動作底子太渣啦，好多鏡頭睇得出係替身上陣，打完一大輪cut個鏡頭補番個大頭，甚為把鬼。
睇得出導演明知觀眾會因此大嗌回水，所以專登加咗兩場滾軸溜冰場口補飛，仲要確保你見到係小丑女個靚樣，等大家gur番啲。但係諗深層，Maggot Robbie嘅溜冰技術，其實咪係喺拍《冰之驕女》嗰陣5個月訓練嘅成果囉...
至於大奸角「黑面具」，角色廢到不行，變態唔係、惡又唔係、聰明又唔係，總之兩頭唔到岸，角色只係自私自利毫無深度，感覺似小頭目多過大魔王。加上伊雲麥葵格演正氣角色太多，演自私小人神形俱fail。
整體嚟講，《猛禽暴隊：解瘋小丑女》節奏畫面豐富過癮，可惜人物單簿，關係淡而無味。加上替身代打穿崩位處處，戲味大減。
鬼哥俾57分。
#猛禽暴隊 #解瘋小丑女 #MaggotRobbie #BirdsofPrey #小丑 #Joker #伊雲麥葵格
maggotrobbie 在 瑪歌·羅比 - 维基百科 的相關結果
瑪格·艾麗絲·羅比（英語：Margot Elise Robbie，1990年7月2日－）是一位澳大利亞女演员。早期主要出演電視劇，包括《泛美之旅》（2011年-2012年）等。 ... <看更多>