【Marvel's Avengers 伏味濃 ( 長文 )】
如果你係 Marvel 死忠, 可以 ignore 呢篇警世文
但經過 Anthem 一役, 我對遊戲好壞嘅判斷已經謹慎好多
以下係我玩過 Avengers 嘅 Beta 後感
講下啲好嘢先 :
++ 每隻角色嘅都非常有特色, 動作設計都完美表現出佢地各自能力
++ 技能樹俾你慢慢解鎖唔同攻擊動作, 令你覺得個角色好似真係有成長
++ 打擊感做得幾好, 例如 Hulk 真係有拳拳到肉嘅感覺
好嘢係咁多喇, 到衰嘢 :
-- 角色開口講嘢成日唔夾嘴形, 甚至見過唔開口但講緊嘢 ( 腹語 ? )
-- 好多奇怪 bugs, 例如角色會跌入無限洞穴
-- 任務重複, 絕大部份都係 : 行一段路 + 殺幾波敵人 + 守據點
-- 玩耐咗覺得攻擊只係不停無腦㩒掣
-- 敵人種類太少, 小怪 + 精英怪 幾乎全部都係人型機械人 , 精英怪只係大隻啲多血啲
-- 同時俾幾隻怪圍就覺得吃力, 角色能力唔似 Marvel 描述嘅 superhero
-- 角色裝備演化只係冇腦地㩒個掣, 系統就會自動你着上最高戰力嘅裝, 然後就見到啲數值升高咗, 完全唔使諗裝備配搭, 冇得針對自己打法配裝
最後兩點 最重要
-- 隻 game 喺 PS Store 賣 $ 479, 但仍然有 skin & battle pass 要用真錢買, 如果隻 game 唔係收 3A 大作價錢 就完全冇問題, 但而家食相好核突 ( 蜘蛛俠 仲要係 PS4 獨家英雄 )
-- 發行商話想隻 game 長做長有, 所以佢將會係 live service 式更新內容; 但我經過 Anthem + BFV 嘅洗禮, 已經對 live service 嘅 game 有恐懼, 所以唔會再相信啲廠話自己 live service 未來嘅內容有幾正, 呢啲 賣花讚花香 嘅說話
講到呢度, 所有論點加埋就已經令我聯想起 Anthem
加上啲 bugs / 虢礫緙嘞 小問題, 感覺隻 game 最少要額外半年時間執靚佢
( 但 9月 4日 出, 豪華版再早 3 日 )
總之 beta 俾我嘅感覺, 只係一隻非常普通嘅殺怪執裝 game, 除咗動作設計比較有特色, 其他嘢都平平無奇
但掛住 Marvel / Avengers 牌頭就賣 $ 479, 我就唔會 預購 / 衝首發, 亦唔希望佢步 Anthem 後塵
唔信我 唔緊要, 對所有事物抱有懷疑態度係好嘅
8月 21 ~ 23日 再有 beta, 可以自己落場 fact check 下 值唔值 $ 479
btw Ironman 咁有錢, 喺 game 入面都要靠執裝去提升戰力, 改佢執元素週期表嘅嘢 去提升個核心會唔會合理好多呀 ?
#MarvelsAvengersGame #漫威復仇者聯盟
#RunRunRomeo #能能糯米
