Search
【掃街必飲！Oreo Cream Cheese宇治抹茶奶蓋】呢排開始有少少秋意，掃街想飲返啲濃厚少少嘅特飲，呢杯就啱哂喇！
經過呢間小店，佢地表示只有炮台山一間店，PND立即發現佢地有杯奶蓋可以滿足想有少少野咬又可以飲嘅奶類特飲～就係呢杯《Oreo芝士宇治抹茶$26》喇，平過葵廣。
最上先有Oreo碎同脆粒，面頭一層厚厚嘅棉滑忌廉芝士奶蓋係用忌廉芝士打成，【有3cm厚！】，都幾杰身，可以托住啲Oreo碎就咁食，好似食緊Oreo Cheese Mousse咁，下面就有成大杯宇治抹茶，都幾香濃，無叫少甜都唔會好甜。貼心嘅可以揭半蓋，又可以偷飲奶蓋，又可以啜底嘅抹茶，正！
皇茶
星期一至日：11:00-21:00
地址：北角炮台山電氣道308號C4B舖（非旺角）
#PND炮台山 #PND外賣 #PND抹茶逐間捉 #PND甜品
【偽手信！京都直送！鮮製抹茶蕨餅/抹茶蛋卷！】呢間成71歲嘅京都直營抹茶店，終於都被特許經營，嚟到香港喇，只有細細個專櫃，適合潮友買嚟行新城市廣場邊行邊食，主打嘅係日本傳統菓子&卷蛋。
因為都係新開，所以雪櫃只有Puff（有紅豆忌廉、綠茶紅豆、抹茶蕨餅 3 種味） 同某幾款蛋糕，PND最想食嘅抹茶卷蛋$30/件、抹茶芝士蛋糕就仲未返，店員表示人佢地嘅出品全部日日新鮮日本直送架。
全店就有6款大福、3款蕨餅，仲有2小丸子。
PND就對丸子唔算好大興趣，店員介紹醬油丸子、三色糰子(白色係原味糯米，紅色、綠色就會有少少味道，一盒兩條，有啲多。
身為香港人，當然大愛重口味嘅好西，建議試各式🌸《大福》$25、🌸《蕨餅》$50/一盒200g， 一盒肯定夠5大家庭開心些牙，因為食食吓會漏der～蕨餅係喺日本京都整完後再飛嚟香港，然後由香港店員再切成細粒再撈上清水一芳園出品嘅抹茶粉，抹茶香都算濃郁，比較甘香，無苦澀味。（如果好似中村咁連埋黑蜜點嚟食就正喇）潮友仲可以試埋黃豆粉蕨餅、黑糖蕨餅添！
新鮮嘅大福先好味嘅，好似佢地嘅《抹茶大福》同《秋栗大福》，前者有紅豆蓉皮包住粒栗子；抹茶大福就成舊都係抹茶蓉，其實仲有櫻花餅、豆大福、小豆餅乜乜乜。
講到puff，店員就介紹係用上北海道忌廉嚟整，係喺本地工場鮮製嘅，外脆內軟，可以一戰！
清水一芳園
星期一至日：12:00-22:00
地址：沙田連城廣場 Retail Floor K1 檔（ 衛訊電訊隔離）
#PND沙田 #PND外賣 #PND甜品 #PND抹茶逐間捉 #PND日本菜
【生日快樂呀～切生日蛋撻啦！】係呀，抹茶控潮友無聽錯，年年生日都食十個蛋糕，不如今年食返個生日蛋撻？
PND，屬性係抹茶、紫薯、芝士，之前同佢地嘅抹茶卷蛋決戰過，必殺投係食哂原個「6吋巨型版抹茶撻」，嗯，呢啲日子又有朋友生日喇，真係好...好多藉口俾我約食飯喔，親。
呢度嘅抹茶品質好嚴格，而家食到嘅見到嘅抹茶製品都係用咗「丸久小山園青嵐抹茶」嚟整，亦都好足料，調成濃郁而甘香，做流心甜品一流。
今次PND放蛇隊，就買咗一個巨型版「抹茶紅豆白玉半熟芝士撻」一次過一人啪哂佢，事關呢度嘅抹茶芝士撻都係每日即焗，唔可以放太耐，仲要被溫馨提示唔可以放佢入雪櫃，會搞到啲白玉硬哂唔煙韌。
一切，唔好切到底，個撻皮算係10分有8分鬆脆，脆到有少少散，不過裏面嘅白玉、抹茶流心都好吸引，（其實好想雪實佢當雪糕食囉，潮友做完實驗，好味嘅留名等結果�），一個大撻成1.2磅/$250，6-10個潮友食都夠呀，不過，放蛇組食量驚人，是常識吧。
Kazuki Bakery
Whatsapp：91346233
備註：小店無堂食，要先透過whatsapp訂購
地點：鯉魚門道2號新城工商中心1219室(可另約地方交收)
攝：Karen@PND
文：PND放蛇組
#PND油塘 #PND甜品 #PND抹茶逐間捉 #PND外賣
