💛【召喚煎餃控!】石燒熱辣辣洋蔥牛肉/羊肉餃!
-
有住喺慈雲山嘅潮友報料,表示人氣風頭無兩嘅兩三碗車仔麵喺佢正對面開咗間新嘅餃子店,裝修時尚簡約,主要係二人枱,雖然小店唔大,但都放咗個有蓋冚住嘅自助站,提供水、醬油,仲有醃酸蘿蔔同自家辣菜脯無限任食!食完先明白佢地嘅辣菜脯係必食!世界級!唔太鹹直頭可以就咁食!好惹味~襯飯同襯餃子食都一流。
-
《石燒蒜片牛柳粒(配醬汁)》小食份量多啲$68,飯餐嘅話份量少啲但平啲$55,跟飯嘅份量都唔少,夠哂餸飯,
牛柳粒煎得幾好,幾juicy仲有肉汁,牛柳件厚身得嚟仲幾有牛味,加埋煎香嘅蒜片同蔥食,拌埋日式醬汁幾好食!
-
《白菜鮮豬肉煎餃+洋蔥牛肉煎餃》$38/8隻;$42/10隻,餃子有八款餡揀,餃子可以免費揀雙拼,食得羊肉嘅推介試試羊肉餃,湯餃係魚湯底,煎餃則係用燒熱石板上嘅,堆到成座山咁,食嘅時候要小心唔好跌落枱上~餡料份量同用料都好豐富,隻隻餃子都勁飽滿,非常足料,皮薄煎得夠香脆,餃子嘅邊位變成咗脆皮,入口好似薯片咁脆有「索索聲」,因為有石燒嘅關係,餃子食到臨走前仲係熱到辣口嘅,又真係幾啱冬天食!
-
兩三碗餃子
星期一至日:09:00-00:30
地址:慈雲山毓華里55號地下5號舖
#PND黃大仙 #PND慈雲山 #PND港式 #PND小食
pnd黃大仙 在 HKPlay N Dine Facebook 的最讚貼文
💛【 芋圓仙草凍+必食榴槤/芒果系列】好食又抵食!
-
佐敦呢間甜品小店,主打港式新派甜品,好似芒果系列、榴槤系列、芋圓系列、椰皇、心太軟、芝麻糊等等,最緊要好食+足料,屬於會再幫襯小店之一!
-
榴槤控超推介《榴槤雪山甘露$49》同埋《榴槤至尊 $50》,想食凍嘢嘅話必食前者,份量超豐富大大碗,啖啖榴槤蓉,仲有入口即溶嘅榴槤棉棉冰,配埋煙煙韌韌小丸子同西米,無得輸。後者適合嚟m食唔到凍嘢嘅潮友食,幾球榴槤蓉配上涼粉、西米、紅豆等,口感好豐富,真心齒頰留香!
-
足料《黑糖芋圓仙草凍$38》三色圓分別有紫薯、番薯、玫瑰花茶味,芋圓都係手工製,真材實料,最特別係玫瑰花茶圓,口感好煙韌,仙草好岀色!口感滑溜亦都好好味,配上黑糖底好惹味,唔會太甜 ,仲有粒粒軟冧又有糯米粉香嘅小丸子,紅豆同仙草凍份量都幾多!
-
大大碗嘅《芒果撈河粉$39》芒果大大粒,爽口彈牙嘅河粉好寬身,仲用咗椰汁整,入口唔會太甜仲好fresh ,其實同另一款芒果腸粉係兄弟嚟,下次一定要試埋芒果腸粉!
-
大街小館
地址:佐敦吳松街93-103號德利樓地下C舖 / 黃大仙銀鳳街16號地舖
星期日至四:15:00-01:00
星期五六:15:00-02:00
#PND佐敦 #PND黃大仙 #PND甜品 #PND外賣 #PND港式
pnd黃大仙 在 HKPlay N Dine Facebook 的最佳貼文
New💕【極抵食!老夫子x金記 最耐人尋味嘅餐!】極厚切焗豬扒飯/金牌牛河+凍忌廉朱古力+限量版精美老夫子杯同襟章=$70有找!!
-
今個暑假,老夫子帶咗成班朋友去金記開餐,主打推介精選金牌套餐,每日中午12時後先供應嘅《$68老夫子餐》係極受歡迎!可以揀即炒熱辣辣「金牌乾炒鮮牛河」/ 世界級厚切「鮮茄濃汁焗厚切豬扒飯」,仲有老夫子限定炎炎夏日必飲嘅「凍忌廉朱古力」,由設計師精心設計嘅限量版杯仲可以拎埋返屋企,免加一都係七十蚊有找,仲會隨機奉送買都買唔到嘅磁石老夫子襟章一個,數量有限,送完即止㗎~店外仲有1:1比例咁高嘅老夫子同大番薯人形企牌俾你打卡集郵㗎!!
-
想食少少甜品?必食《金粒西多配雪糕$42》,西多士粒粒切成一口一粒,啱曬鐘意食嘢又注重儀態嘅女士們,而且一粒粒嘅西多令四邊都均勻炸到金黃酥脆,加煉奶食係神級好食!
-
重口味之最有塊皮脆到卜卜聲嘅《金記生炸雞髀配沙律$52》,大師傅沿用傳統生炸做法,炸到雞脾外皮金黃裡面鮮嫩多汁,亮點係脆而不油!1000分!另外仲有小食《金磚風沙炸豆腐$73》,豆腐外面包住好脆口嘅粉漿,表面灑滿炸蒜、椒鹽、辣椒碎,,一啖咬落去裡面係滑溜溜的豆腐,口感豐富,好濃嘅避風塘味呀!!
-
特色飲品唔少得用黑白淡奶沖調嘅傅統港式熱奶茶、啖啖綿滑嘅蛋白杏仁茶:$30,仲有夏天最啱嘅懷舊港式特飲《白雪公主》(雪碧+雲呢嗱雪糕)同《黑牛》(朱古力雪糕+可樂)喺雙重冰涼滋味下回味童年回憶~!!
-
【金記冰室 X 老夫子如形隨影】
星期一至日:07:00-23:00
地址:
康怡廣場北座地下G5-G6號舖
灣仔天樂里6-18號地下D及E鋪
銅鑼灣霎東街5號地下
九龍塘建新中心地下5-8及13-15號
荃灣川龍街118號百悅坊地下至1樓
黃大仙中心南館地下G9舖
觀塘創紀之城五期APM 6樓L6-1a & 2舖
大埔八號花園8號舖
赤柱環角道赤柱廣場1樓102-103號舖
#PND太古 #PND灣仔 #PND銅鑼灣 #PND九龍塘 #PND荃灣 #PND黃大仙 #PND觀塘 #PND大埔 #PND赤柱 #PND港式
pnd黃大仙 在 【這是目前最強的執行者隊???】 ... - Puzzle & Dragons - blog 的推薦與評價
自得其樂黃大仙銀鳳街自助販賣店. Shopping & Retail ... Puzzle & Dragons - blog · December 14, 2018 · ... Puzzle and Dragons的blog. ... <看更多>