【《#尚氣與十環幫傳奇》不足兩星期成小弟年度點擊三甲】
好耐冇報過小弟網站嘅點擊，因為呢期啲戲反應好平穩，唔算好唔算差，冇乜邊套特別跑出，但估唔到《尚氣與十環幫傳奇》竟然破曬紀錄。一般Marvel電影坊間太多人寫，小弟未去到深度分析地步，所以唔講唔知，Marvel電影點擊往往都係咁多類型最低幾類，《尚氣與十環幫傳奇》破紀錄個程度真係自己見到都嚇一驚。
《尚氣與十環幫傳奇》喺小弟第一日放上網，已經衝破咗《禁錮之慾》、《金瓶梅II：愛的奴隸》等紀錄，創下小弟開網以嚟單日電影文章最高點擊紀錄，全網站只係僅次於當年Pokemon Go嘅文章，同時都係第一套連續三日單日點擊都突破5,000嘅電影文章，同時成為最快點擊過萬嘅電影文章，僅次填BNO教學文。因為佢直線咁標升，都用唔夠兩星期速度，就打入咗小弟年度三大最高點擊文章，目前僅次於《她和他的戀愛花期》同《秘密訪客》。
有讀者笑言，從未見過我個Page一個post可以多人留言到咁，唔係冇嘅，但單一電影文章真係較少，當然當中有好多人係圍我，圍到後尾都冇乜睇，睇返原來篇文同時都極多分享，去到台灣、新加坡、馬來西亞等地，或者因此推到咁高。作為現象級電影，呢一篇Google SEO好難同其他媒體鬥，單靠Social media可以去到呢個數字，都係個傳奇。無論你係圍我又好、支持我又好，多謝你哋同我創造咗一個新紀錄。
雖然《尚氣與十環幫傳奇》爆得好勁，後勁都開始減弱，最傳奇都係《她和他的戀愛花期》，至今依然都仲係單日點擊十大，相信好快可以超越《秘密訪客》，成為年度第一位。
至於《秘密訪客》點解多人睇到咁，我都想知。
《尚氣與十環幫傳奇》觀後感、Pokemon Go、BNO教學文可看留言連結。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
patreon深度分析 在 李傲然Owan Li - Patreon 深度分析文章老實說，我非常擔心2022年的 ... 的推薦與評價
Patreon 深度分析 文章老實說，我非常擔心2022年的香港。 題目這句說話，不是特意來嚇大家，而是有些事我想在patreon 這個平台，低調地告訴大家。 2022年的香港和中國， ... ... <看更多>