《BB來了》總結，先聚後散，開頭十分精彩，中後段變回傳統模式。
《BB來了》真係有種話咁快就完，有唔夠喉的感覺，這感覺肯定好過拖咁耐攪乜呀，仲未完！個人覺得這劇集似兩套劇合併在一起，分水嶺是Ali決定接手攪寶安心開始，在接手前，這劇情是套驚悚瘋狂搞笑喜劇😂，或者稱做都市處境瘋狂喜劇，這部份劇情完全聚焦在Ali和黎諾懿這對新手爸媽身上，由意外懷孕到允豬出世，新手爸媽要面對的種種問題，生B的費用、住屋問題、阿媽同奶奶兩大長老的問題、產前突然出現危險狀況、產後新手爸媽都患上產後抑鬱症，阿媽同奶奶的湊孫方法，還有媽媽Group⋯，成個過程都很聚焦，令到新手爸媽，甚至所有父母，都有感同身受的共鳴，而更成功嘅係令到未有子女的，嚇都出身冷汗，要嚴重考慮生仔問題😂！這部份的戲，好睇在編和導都夠膽豁出去，夠膽去誇張同瘋狂！例如產科醫生變吸血鬼、變回民初奶奶蝦新抱、阿媽同奶奶打擂台、羅樂林失驚無神扮李小龍、新手爸媽變成軍人講湊仔規矩、黎諾懿甩頭髪、加上陳秀珠的破格演出、到盧苑茵扮成Ali為止…當然還有些細節未能盡述，玩到好盡，好多估你唔到嘅笑位，充滿意外驚喜！而Ali不理女神形象，豁出去的演出也是另一驚喜！
下半部成個故事開始分散，除了原有的Ali線，還有姚嘉妮、高可寧、黃長興同吳家樂線，楊卓娜、徐榮、龍仔同楊證樺(廢柴老豆)，這部份劇情變回大家熟口熟面的大台倫理劇集情節，在某些集數中，Ali線變成配角，而結局篇，甚至覺得楊卓娜線搶鏡過Ali同黎諾懿的離婚戲。男女角度唔同，總覺得戲中Ali張人生態度不同作離婚理由，有點放得太大，少題大做。反而大家明知楊卓娜同徐榮會大團圓結局，但那段戲還是比較感動！嘉妮同高寧線姊妹情部分好看，但揾番嘉妮扮十六歲真係有點勉強，尢其有場講她和一位童星扮的Katrina同場時，真心似兩母女。這條線的瑕疵在吳家樂唔夠那種八股味，黃長興的感情戲唔多得，潘芳芳是好演員，但不是這種首富氣質，真令人懷念白茵同陳曼娜，行出來已經是個貴族。這部份仍然有唔少感人位，但那些神來之筆驚喜位，全部不見了。
全劇共用了八個BB做允豬，很體諒拍攝BB的痛苦處，曾經也試過為了一個兩秒鐘BB笑的鏡頭，花了五小時，所以中後段允豬小了劇情，是可以接受的。可能，BB這限制，令到故事有些做唔到，如劇集第一幕係講有個BB的世界，那𥚃是BB選擇父母，之後的劇情沒有了這點子，到結局一集又突然出現番，有點迄突。如果BB可以像成人般拍攝，加多個BB的角度入劇情，用主觀鏡同心聲表達，減走一些支線，故事會更聚焦好看。
這劇實在太多廣告，超過植入水平，根本係直入！有點繁但無計，等大台多啲收入啦，唔想咁多人失業！資料搜集豐富，但未必需要放晒入去，結局篇胎死腹中媽媽一段，必要性唔大。
真心感謝編審、監製和Madam Lo到來和大家一起談論這劇集，讓大家了解到更多背後創作過程，製作上的種種問題，向隅的朋友可以在本專頁重溫，有風聲傳會開續集，希望是真的。
#BB來了 #TVB劇集 #收視冠軍 #Pinky黃秉怡 #李佳芯 #黎諾㦤 #陳秀珠 #盧苑茵 #羅樂林 #陪月 #BabyKingdom #廖晉碩 #姚嘉莉 #高海寧 #楊卓娜
Pinky WL
pinky黃秉怡 在 #pinky黃秉怡 - Explorar | Facebook 的推薦與評價
港女變港媽，新手媽媽的經歷，啟發TVB編審Pinky黃秉怡創作出近日大受歡的劇集《BB來了》，能夠惹起共鳴是成功的主因，女子Cool爆會今次邀請到Pinky為大家分享成為新手媽媽 ... ... <看更多>