喺機場入咗禁區，如果想搵個好地方坐下，一係你就坐商務客位以上嘅機位，一係就去魚蛋粉lounge。
今年七月有新開咗個仲勁嘅，喺朋友嘅帶歇之下，今次去上海有幸去呢間Plaza Premium First Lounge坐坐。
佢吸引我嘅地方係有得飲香檳。而吸引我朋友嘅，就係佢嘅龍蝦麵同埋傳說中好正嘅牛扒漢堡包。
可惜，今次餐牌完全變咗個樣，負責招呼我哋嘅人話龍蝦菜單已經做咗兩季，怕啲人厭，所以換。我心諗龍蝦菜單做200季，啲人都唔會厭嘅！
總括來講，地方寬敞，當然比魚蛋粉lounge好，因為如果普通人要入嚟要俾$200一次，香檳雖然唔係最好嘅，但係都叫做有香檳飲，另外有可樂清水等等確實比魚蛋粉lounge好多，今次掹車邊就梗係覺得唔錯啦，如果真係要俾$200 ，就唔好搞我啦！
#何嘉麗callmegaga #何嘉麗 #出街玩 #機場 #魚蛋粉lounge #PlazaPremiumFirstLounge
