Search
新一年既開始，繼續歸癮田園😆😆
本來想去摘士多啤梨🍓，點知附近幾個果園都無晒咁滯🙈，唔怕！我仲有私家菜園比QB補償無士多啤梨既損失🥬
公主落田真係要落手落腳學種植架😂先為粟米人工授粉🌽，即拎D花粉放落粟米鬚鬚度，咁先會生粟米BB；再幫D沙律菜定植，等佢地有位生大棵D；最後摘幾棵生菜返屋企食。依家塊田仲有粉紅蘿蔔🥕、芥蘭頭、羽衣甘藍🥬、日本大根、蕃茄🍅、薯仔🥔，期待下次去又會再大D，再期待收成💕。
QB初初又嫌污糟唔願郁，後來我教佢點幫手，佢就覺得好好玩，親手種菜好有滿足感，仲搶住種添👩🌾 這就是我當初租田既目的💖，自給自足，從中教佢農作物既成長過程，原來要食一棵菜一條粟米係要認真付出汗水同勞力架💦，喺不確定既生活中，想要成功，有些基本，更要堅守，不能跳級；還原生活基本步，做自己喜歡的事仍是2021年的目標💪。
#QQFarm #小農夫 #成果背後係無數汗水 #仲有無數蚊癩😂
依排沉寂了，並唔係懶左，反而係忙左😂。無得出街既日子，我同QB就租左塊田開始農夫生涯👩🌾，這決定也並非因為悶而揾d野搞，反而係因為難得清閒，可以把一直喜歡的事付諸實行💪！
『真. 動森』🌾並唔係想像中塞粒種子入泥🌱，得閒先去睇下佢就會有收成，『不勞而獲』種植中不可能發生！記得最初落粟米種子🌽，一星期出芽好鼓舞，點知隔幾日去睇就被雀仔擔晒出來玩🐦，個下真係好洩氣💔；但第二日我就收拾心情再去落種子同防鳥網，之後粟米就茁壯成長！
短短兩個月唔夠，我地塊田就種左十幾樣野，通菜、莧菜🥬、蕃茄🍅、青瓜🥒、四季豆、粟米🌽、秋葵、洛神花、茄子🍆等，耕種過程中都是邊種邊學，而且深明點解d人話不時不食既道理💢，種野一樣係不時不種；終於明白農夫最怕打風暴雨🌀，亦最討厭蟲害🦗，每次有蟲蟲就要即刻去了解係咩蟲，要點防患；亦要了解每種植物的特性，邊d不能暴曬☀️，邊d要棚架，邊d要用咩肥料，真係好多學問。
街市10蚊8蚊一斤菜，原來係要好多心機去種，大熱天時落田係攞苦黎辛，但也是對自己一種鍛煉，試過有次暴曬完頭痛一整天疑似中暑😖；QB一向都超怕熱，落田每次都呻熱呻痕想坐埋一邊，但每次叫佢幫手除草🍀、淋水💦，慢慢見到開始有果實🥒，菜有收成都會好開心好滿足話好好玩，仲不停同人講係佢塊田，佢自己種既🤣！
田裡既莧菜、通菜種左一個月左右就收成得，這兩星期都在吃自己種植的蔬菜🥬，雖然辛苦，但又好有滿足感😍！以前自己最怕見到蟲🐛，依家已經無咁驚啦，而且不同昆蟲都有其作用🐝，只要不是損壞農作物的，就讓牠們共存！不過，我還未過到自己學其他媽媽咁養蟲蟲🤢🤢
三個月過去，大家的生活和心態改變了什麼嗎？疫情漸漸緩和，我卻沒有很懷念五光十色的City Life，反而是想着該如何平衡繁忙VS閒適的心境更為重要！大自然，永遠充滿哲理，也是小朋友的活動教室👩🏫，學習付出、堅持、生態循環、珍惜食物和幸福！
#QQFarm #港孩改造計劃 #自給自足 #農夫唔易做 #歸癮田園 #動森真人版 #何來有時間玩虛擬版
真正完全免費玩,老會員可用積分換金幣元寶站長不定期送神秘大禮歐!!! 快來玩啦 http://www.qoo.cc/plugin.php?id=qqfarm:qqfarm. ... <看更多>
QQFarm. Contribute to meishijiemeimei/QQFarm development by creating an account on GitHub. ... <看更多>
qqfarm 在 qqfarm - YouTube 的推薦與評價
@qqfarm. @qqfarm 6 videos. More about this channel. Subscribe. Home. Live. Playlists. Community. Channels. About. Search ... ... <看更多>