今日係公益金「折」食日,食少一餐當減肥 (或者食平d食少d啦 ^^") 仲可以幫助有需要嘅露宿者~
【公益金「折」食日善款會點用?】
今日就係「折」食日啦!上次嘅遊戲,粉絲Kammy Ng就提議「折」食日嘅善款可以用嚟開社企 (鳴謝Cuson幫我哋畫出嚟!) 而事實上公益金亦集腋成裘,將大家透過「折」食日捐出嚟嘅心意全數資助以下一系列社福服務,改善受惠者嘅生活:
1. 提供免費短暫住宿服務,開放中心供露宿者梳洗
2. 派發免費飯盒 (涵蓋港九新界,暫未包括離島區),聯絡果販捐贈生果
3. 提供免費簡單醫療服務 (包括普通科、中醫、牙科保健、針炙、職業治療等)
4. 照顧露宿者身心需要,舉辦過來人互助小組分享經歷
5. 開設露宿者流動服務站,提供電腦予露宿者瀏覽新聞及求職資訊
6. 設立獎勵計劃協助露宿者個人發展及建立自信
7. 跟進已有穩定居所的前露宿者,協助他們維修家居
8. 提供兒童託管服務
9. 組織及訓練外展義工探訪,推廣社區教育,減少歧視
另外,好開心好多「膳」長捐出佢哋嘅「折」食日愛心券,遲啲公益金會將近680包 鴻福堂Hung Fook Tong 熱湯送俾露宿者同板間房家庭!少食一餐,真係幫到更多人㗎!
所以話,幫人其實唔難!用一份午餐嘅價錢,幫到露宿者、籠屋及板間房居民嘅唔單止係一餐溫飽,甚至照顧佢哋更多方面嘅需要!
* 公益金行政費用由香港賽馬會資助,捐款100%用於幫助有需要人士。
#香港公益金 #CommunityChestHK #SkipLunchDay #鴻福堂 我的港女老婆
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...