返左三日工，老實說，比起我想像之中好太多。
首先，我講解一下我的地理位置，由於我直屬上司係department head，而佢又好體貼咁安排左我坐佢旁邊，剛好我正對面就係佢上司，即係regional head，再高一級已經係神龍見首不見尾的最高管理層，呢個地理位置可謂易守難攻，唔好話找我麻煩，一般人就算行過黎，都唔敢大聲講多兩句。
呢個位，就係RPG遊戲裡傳說中的「新手村」。
而我上司亦同所有人講明：未來三星期，不能派工作給我。接下來就是聖誕兼新年，也不會有人工作，換句話說，這個新手保護時期長達一個月。那麼我在幹什麼呢？除了學習，就是學習。她為我準備了整整兩頁Excel的連結，光是公司架構、目標與理念的連結，加起來也夠寫一本書了，還有年報、部門內部的文件等等，讀幾星期也讀不完的。此外，她也叫我每天開不同的大會，也叫我單對單約其他同事聊天，全方位了解公司和大家的工作，也讓他們好好認識我。
她說，當我一投入工作後，就不會有時間和機會讀這些資料，也不會有這麼多時間了解其他同事。長遠而言，對我的發展有害無益，所以先打好根底，才開始邊做邊學。在香港，我遇過最好的公司，新手保護期都不過是三至五日，結果係做完一星期也不知道自己在做什麼，出來的質素自然不好，最後當然是捱鬧了。
她不是在說笑的，我的崗位剛好在上年公司改變政策時，成了一個非常矚目的位置，矚目到上司今天叫我有心理準備，出年我要帶一條global team，趁現在仲有時間要盡力裝備自己。這個新崗位的工作量和負責的範圍，比起我以前所有的工作，都不能同日而語。
而最重要嘅係，工作同買樓一樣，查兇宅係好重要，上手係自然搬走當然係最好，但總有被削甚至滅門慘案，知道上一手點走，對自己將來心裡都會有個底。原來我上一手係機緣巧合下接左呢個項目，做左一年半，突然受到其他部門呀頭的感召，連升兩格就做左Director走左佬。要是我在這個位置浸到三四年，加點運氣，應該也可以扶搖直上。這個上司作風挺不錯，起碼不是香港那種「我睇好你架，你捱埋呢個Project，我出年幫你爭取升職」講足幾年結果連人工都冇加過的人渣上司，我有信心在這個位死捱幾年，會有令人驚喜的收穫。
#首抽裝備係iPhone7
#提提大家所謂嘅捱係朝早九點做到六點
#英式捱騾仔
#六點半叫嚴重OT
#如果七點仲出電郵第二日老闆會好關心你係咪工作量過大
#Work_life_balance係本部門今年的目標之一
#如果大家今年唔balance會直接導致部門唔達標
#扣bonus架
#為左部門好大家只能盡力休息
#辛苦曬
#你信唔信我五點半收工出封電郵
#香港都仲有同事會覆
#你話折墮唔折墮
