糾結咗幾個月嘅bb車問題，終於解決咗🎉
上次咪喺度問過大家用咩車好嘅？綜合咗好多意見，再考慮埋自己嘅情況，最後答案，揀咗德國牌子ABC Design HK呢部pupair。
本來，就真係好想搵部孖b車嘅，因為推出嚟好似好夠霸氣咁🤣。不過香港路窄，嗰啲並排孖車成架坦克車咁大，出出入入其實有啲難搞；上下層嘅話個車身通常比較窄，而且對瞓下格嗰個好似唔多公平😅。再加上我哋極少一拖二出街，出親都幾乎總動員，所以最終決定，#小怪獸s 一人一架。
bb車呢家嘢，當到真正落場，就知再霸氣都敵唔過「輕巧」呢兩隻字。真係㗎，平時上上落落，一隻手揸住嘢或者抱住bb，仲點可以變多兩隻出嚟開部車呢？所以能夠單手開收真係好重要(睇我段片嘅示範啦)，而且摺埋細細部又企到喺度，呢個size係可以帶上機擺上overhead compartment，唔駛寄艙。(雖然唔知幾時先有得飛🤦🏻♂️)
輕便，但係安全性都唔需要擔心，始終德國牌子，架車四平八穩夠硬淨，四個車轆靈活兼有避震；同埋，用落先知座位底個置物空間原來好重要，呢部個置物籃夠大呀。
講到好似買車畀自己咁。我買車會睇下有咩option加下upgrade下，真係估唔到連bb車都有deluxe版。呢部”diamond”除咗布料好啲，個扶手位仲用咗菱格紋嘅皮革，好似啲超跑坐位咁🤣；原本用嚟買跑車啲錢攞晒嚟畀你哋，咁惟有畀我喺架bb車到幻想下啦。最尾講埋個顏色，佢哋阿媽話，#怪獸女 要用玫瑰金嗰部，#怪獸仔 就坐 銀色，喎。
用咗個幾月，真心好滿意；bb車同car seat我都係喺👉🏻Apidae👈🏻揀嘅，佢哋代理咗好多個牌子，有興趣嘅朋友可以上佢fb睇睇呀。
等我遲啲再分享埋個car seat包膠先。
我挨之：www.instagram.com/vinceng88
abc design pupair玫瑰金 在 [出售] 全國全新ABC Design pupair玫瑰金推車 - 批踢踢實業坊 的推薦與評價