［假裝在日本］如果只推薦一間台灣小籠包，我推呢間。京鼎樓。
鼎泰豐都好食，但反正香港都有，甚至杜拜都有（雞肉小籠包！），亦太多人講，「唔型」。加上的確唔平，好多人認為係遊客先食，「咁你同我咪係遊客咯」。不過台灣人就真係未必會食，同客食或遊客食（即係你）例外，況且，貴嘛。
京鼎樓呢，相對好似平啲。雖然都係遊客店，「但係日本遊客」。上次去都見到一大堆日本仔等位，而阿姐識講日文（香港就玩戀英，台灣就戀日，唔少餐廳都有人講日文，日本仔最鍾意）（＊）。
歷史我唔知，但呢間京鼎樓，日本分店仲多過台灣。台灣都係得兩三間，日本有十幾間，開到去福岡神戶都有。上次我去川崎都有食，不過就麻麻地，在間AEON Food Court入面。
（＊）又我唔係專家，但日本人真係十分有呢個集體意識，亦都好信同鄉推介。換言之你搞得掂一班，好大機會有一大班嚟幫襯。但當然佢地怕講英文（好多亦真係唔識）係一重點，最好你有人識講日文。呢，之前有單，在咩耶加達亞運，班日本仔出去叫雞都一齊，仲要著埋隊衫。仲有，大家都知香港啲鳳樓，富士香檳之類，都好多日本仔去獵奇，聽聞好似睇九龍城寨咁（＊＊）。正如當年呀邱永漢一吹雞，成班日本仔就掃咗650個太古城單位。（而日本人鍾意住太古城，又係集體意識）
（＊＊）而日本人亦出名迷戀九龍城寨（＊＊＊），Game都有出「九龍風水傳」。川崎就真係有個主題機舖Warehouse！我舊年就係最後一晚去睇執笠，順手食咗京鼎樓
（＊＊＊）不過最記得都係李小龍在「猛龍過江」，去鬥獸場參觀，話「扯，啲爛屋有乜好睇，九龍城寨都有」。鬼佬就嚟香港睇城寨，我地就去外國睇鬥獸場。不過我好近期先知，原來「猛龍過江」最後鬥獸場段戲，係廠景嚟的。幾廿年已經P得咁好。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
#ivanliresearch #台北隔離十四天
aeon日本分店 在 永旺日本AEON JAPAN - Home | Facebook 的推薦與評價
永旺日本AEON JAPAN. 77935 likes · 6 talking about this. 永旺日本<5%OFF購物優惠券> 正在熱發中！ 結帳時即可使用永旺日本(AEON JAPAN)官方帳號在日本擁有600家以上 ... ... <看更多>