關於 babyellie619 ，我們在網路上蒐集到這些相關的討論、資訊與評價

《準二寶媽媽的感觸》

雖然依家個肚好大，但我好珍惜被巧兒獨佔既時間，所以只要我仲行到、出到門，都要陪佢去玩。我知道我一世都會好錫佢、一世都會盡力將最好既比佢，只係好快佢就唔係我唯一一個小朋友，我既時間同注意力唔能夠再100%放係佢身上。只好時刻提醒自己，無論湊細B幾咁攰，都要繼續努力讓巧兒一輩子感到被愛、被重視，無論我將來有幾多個小朋友，我都係佢唯一既媽媽。

各位二寶媽媽，有冇類似經驗？定係只係我多慮左？

#媽媽的唯一 #唯一的媽媽 #一路打呢篇一路淚流滿面 #生一個小朋友就係承擔左一個生命 #我擔心我做得唔夠好 #準二寶媽 #29m3d #babyellie619 #daniellemama

《巧生活 — #自行入睡》

巧兒一出世就自己訓BB床，後來到大約6個月，開始同工人姐姐一齊訓大人床。為左要預備迎接細B，我地需要空間放BB床，又想工人姐姐夜晚有更好既休息，所以新添置左一張丁字床，姐姐訓上格床、巧兒訓下格床，同埋有自己既衣櫃。

買床之前兩個月，就帶巧兒去傢俬舖，比佢試下訓碌架床，問佢想唔想有自己張床，佢話想，於是爸爸媽媽就「順佢意思」買張新床比佢。然後每隔幾日就同佢講：「巧兒遲啲會有自己既床同衣櫃，巧兒訓下面、姐姐訓上面」

新床到左，知道巧兒需要時間係新環境中建立安全感，所以過渡階段期間，我同爸爸每晚同巧兒story time後，我會留係間房，拖住佢隻手，等佢訓著後先離開。我心目中希望呢個過渡期係一個月。

買新床一個幾星期後，我地觀察到巧兒已經熟習新環境，於是夜晚完左story time，我同巧兒講：「媽咪要去沖涼，未沖涼會臭臭」我叫佢合埋眼等我，我沖涼之後再返黎繼續陪佢訓。佢好懂事、好錫媽咪，同我講：「你去沖涼啦」我沖完涼，輕輕力推開房門，見到佢已經熟睡，所以相信佢已經可以獨自入睡。

過多幾日，完左story time，我同佢講：「媽咪仲要做野，陪唔到你訓覺，你聽朝訓醒可以同爸爸食早餐」一開始，佢都有扭下計，我地同佢解釋完，狠心聽住佢少少既哭鬧聲，關左房門佢就乖乖自己訓覺。

依家已經完全唔駛扭擰，story time後、比佢揀一隻公仔攬住、幫佢蓋好被、錫啖、關燈，爸爸媽媽就可以潚灑地步出房門。原本預計要一個月過渡，巧兒用左兩個星期多少少就成功過渡喇，happy! 🥰

#28m #babyellie619 #daniellemama

💡其他好文回顧💡

《巧生活—戒片片》https://www.facebook.com/111805923718473/posts/192615865637478/?extid=0&d=n

《巧生活—戒奶咀》bit.ly/byebyedummy
《巧巧成長—教出充滿安全感的孩子》bit.ly/nurturesecurity
《巧巧成長—點解爸爸媽媽要返工》bit.ly/parentsgotowork
《巧巧成長—接納孩子的恐懼》bit.ly/allowsfears
《巧巧成長—Trouble 2 變Lovely 2》bit.ly/trouble2lovely2

————————————
👍🏻讚好Facebook專頁 湊「巧」有本育兒經－Danielle Mama 家庭教育、親子活動、有趣玩意、懷孕點滴

同巧兒去探一個三個月大既BB，巧兒對BB好溫柔，又輕輕力摸下BB手仔，又拎BB既玩具陪佢玩，似乎佢都ready做家姐。希望細B出世後，巧兒可以好好適應、好好享受做家姐

相信同細BB相處多啲，對佢既適應都有幫助。有冇朋友有細BB可以邀請我同巧兒去探B呀？🥰

#28m7d #babyellie619 #daniellemama

💡其他好文回顧💡

《巧生活—戒片片》https://www.facebook.com/111805923718473/posts/192615865637478/?extid=0&d=n
《巧生活—戒奶咀》bit.ly/byebyedummy
《巧巧成長—教出充滿安全感的孩子》bit.ly/nurturesecurity
《巧巧成長—點解爸爸媽媽要返工》bit.ly/parentsgotowork
《巧巧成長—接納孩子的恐懼》bit.ly/allowsfears
《巧巧成長—Trouble 2 變Lovely 2》bit.ly/trouble2lovely2

————————————
👍🏻讚好Facebook專頁 湊「巧」有本育兒經－Danielle Mama 家庭教育、親子活動、有趣玩意、懷孕點滴