關於 bafs 點 溫 ，我們在網路上蒐集到這些相關的討論、資訊與評價

⁣⁣✨F.4/5 必讀：M1/M2《大考備戰精讀班》⁣
🔥只需 $50．助你掌握 M1/M2 搶分神技🔥⁣
⁣
大考轉眼就到，同學仔呢排係咪操卷操到眼又矇、手又震呢🤣⁣
⁣
操多啲數當然對成績有幫助，但其實有技巧咁溫，先可以令你升到上 Lv.5+😎⁣
⁣
即係點？上完我嚟緊嘅《AfterSchool 大考備戰精讀班》，你就知㗎啦🤫！⁣
⁣
我會教你今個大考嘅重點課題嘅執分位，同你揭穿校內試嘅出題方式，再幫你建立一套 mindset，等你一見到題目就識得寫齊步驟拎滿分😏⁣
⁣
想今個大考嘅成績極速進步，等老師同其他同學嚇一跳，就即刻報名喇🥳⁣
⁣
------------⁣⁣⁣
🔥課程內容及配套⁣
⁣
M1 精讀班內容：⁣
👉🏻快速上手，解決《Limit》、《Log Transformation》、《Trapezoidal Rule》三大執分位。⁣
👉🏻搞掂PP = 搞掂校內試？NO！揭穿【校內試 vs DSE】老師出題嘅不同陰謀！⁣
👉🏻說明書學習法，令自己成為執分機器——每次遇到呢堆題目，只需要做同一 set 步驟就搶齊分！⁣
⁣
M2 精讀班內容：⁣
👉🏻深度開竅，解決《Trigonometric Functions》呢個 M2 連環殺手級課題！！！！！⁣
👉🏻搞掂PP = 搞掂校內試？NO！揭穿【校內試 vs DSE】老師出題嘅不同陰謀！⁣
👉🏻說明書學習法，揸住枝筆無從入手嘅時候，依照固定步驟逼出下一步，由發呆階段推至搶足分！⁣
⁣
🤩報讀課程嘅同學會得到：⁣
⁣⁣✨中四五大考精讀筆記（連計數機 PROGRAM）⁣
⁣⁣✨Pre-Mock Paper（連答案）⁣
⁣⁣✨中四五日校 style Mock Paper（連 Marking Scheme）⁣
⁣
------------⁣⁣⁣
⁣😎10 個課程．總有一科啱你⁣
⁣
除咗 M1、M2 之外，同學仲有另外 8 個課程可以選擇，分別喺：⁣
⁣
中文科、英文科、數學科、中史科、HIST、CHEM、BAFS、GEOG，一次過解決同學面對唔同科目嘅困難🥳⁣
⁣
只需 $50，就可以喺今次大考見到即時進步，再喺 DSE 成為 Lv.5+ 贏家！⁣
報讀 2 科或以上，仲享有折扣添👉🏻兩科只需 $80，之後每科 $20😆⁣
⁣
------------⁣⁣⁣
🥳立即報讀．等你嘅成績即時進步⁣
⁣
想知道更多課堂詳情，同學可以去我嘅 BIO 了解更多😆⁣
⁣
如果你想查詢其他科目嘅課程內容，亦可以去 @afterschool.dse 嘅 BIO 查詢！⁣
⁣
報名期為即日起至 27/5 23:59，立即把握機會，為大考作最後衝刺喇💪🏻⭐⁣
⁣⁣
🔥即到 BIO 報名/查詢 @dse_herman_to_math⁣
🔥即到 BIO 報名/查詢 @dse_herman_to_math⁣
🔥即到 BIO 報名/查詢 @dse_herman_to_math⁣
⁣
------------⁣⁣
🎲賭Sir｜高階數學考試專家⁣⁣
⁣⁣
🎓21 項數學公開試．以一 Take 過考取完美戰績⁣
DSE：Math+M1+M2【5**】⁣⁣
CE & AL：Math+A.Math+Pure+Applied【A】⁣⁣
IAL：C12+C34+F1+F2+F3+M1+M2+M3+S1+S2+S3+D1【A】⁣⁣
IGCSE：Mathematics+Further Pure Mathematics 【9】⁣⁣
⁣⁣
🖥最高人氣補習網紅‧貼地教數別樹一格⁣⁣
頻道 #杜氏數學 2016 年創辦，訂閱 70,000+，多條教學影片點擊達一千萬以上；2018 年獲出版社邀請，撰寫暢銷書《5** 數學男人嫁得過》推廣「聰明應試」理念，並鼓勵年青人堅守自信。⁣⁣
⁣⁣
🧠以心理學、高效學習融入補習教育當中⁣⁣
從中文大學風險管理學士畢業之後，鑽研超速學習法（Ultralearning）及教育心理學，將高效學方法先行用於自己身上，無間斷學習新知識；四年後重返校園，完成中文大學數學碩士（大數據分析）課程，期間考入門薩學會（Mensa），實證超速學習法。⁣⁣
⁣⁣
------------⁣⁣
#數學 #DSE #dser #math #maths #afterschool #dsemath #examskills #mathtutor #followme #2024DSE #2022DSE #2023DSE #tutor #mathtutor #DSEfighter #tutorial⁣

［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

7. 首先，你見相關系數，普遍都幾高。好多都八十幾九十，極少會低過七十。

8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

15. 但奇怪係，分拆開兩部份嘅，唔知點解就綠，相關系數幾低。可能因為人太少？

16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

————————————————————————————
甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

（＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

（＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

（＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

唔驚唔覺已經到了三月中
應屆的朋友都差唔多要出戰啦
不如都講下大家有咩要留意
首先今年有別於咁多年
相信大家知今年大家要帶口罩考試
為左自己的健康同埋公共衛生
呢個係必需及應該的
但如果您平時無帶開口罩
您可能要留意帶左口罩之後
您呼吸的節奏可能要快一點
否則會有些 "焗" 的情況
如果考試的話，可能會影響到自己的表現
所以我建議大家呢排長期在家中
無咩帶過口罩的，都試下用布或者其他類似口罩的物料
遮住口鼻試下做一份試卷，習慣下果種環境
另外，勾耳仔時，耳仔都會幾痛 (如果條帶太緊)
可以諗諗有無其他計，包括有無方法搵到條帶長少少的口罩
或者自己延長個扣，扣後尾枕
帶住口罩考試，唔多唔少都會影響表現
但緊記，考試係同期五萬考生的比較
大家都影響表現時，就既來之，則安之。

除左口罩外，其他基本的預備都要留意
包括文具、計數機的預備
自己事先查清楚自己要去的試場嚮邊
同埋睇清楚自己的准考證所報的科，及科的應考語言是否正確
事前工作做好一點，之後就可以專心應試

而於最後一個幾月的溫書時間
好多同學都會chur都好盡
溫還溫，都要注意以下幾點

(1) 要有足夠的休息，尤其睡眠時間，
每天最好11點前就訓，第二日最好6、7點就起身，
因為您考試時都要做到呢個作息規律。

(2) 食野的時間都要留意，開始要習慣食早餐
因為有食早餐先考試，身體多D養份，表現係會出色D
但無食開的，可能會有機會肚痛
所以早D開始日日食，習慣左就可以改善。

(3) 可以考慮朝早沖個涼
一朝早會好眼訓，但令個人變得有朝氣可以沖個涼
有時中途溫到悶悶地，可以洗個面，屋企裡面行下
增加血液循環，個腦都行得快D

(4) 慢慢接近考試日期時，唔好食熱氣野
一來如果病從口入會影響您的溫書節奏
二來今年如果發燒，可能考場唔會俾您入

最後的溫書時間溫咩好呢？
如果係數學 core，我都係覺得所有溫數學的時間放曬在 7書中
(7書即我們的天書A至G)
https://www.youtube.com/user/hyhermanyeung/playlists?view=50&sort=dd&shelf_id=13
7書包曬所有會考到的技巧
集中睇好呢7本書可得5星星
至於7書以外的 material ，如 tips class, mock, 一天、大檸樂、奪星
可以講係俾睇完7書的同學再上一層樓的工具
所以未睇完7書的朋友，繼續努力完成7書
如果係 M1, M2, phy, chem, econ, bafs
我的建議都係勁睇我地的片
前5科所拍攝的時間都超過100小時
大家花點時間去睇
如果睇唔曬就揀一些大熱的 topic 去睇

講開大熱，我又講下我近排答同學問題時觀察到的事
我見到有些同學，溫書係搵一D自己唔識的野溫
呢個戰略本來無可厚非
但我見到有d同學，大路的野溫左
去睇翻坊間某D參考書時
集中去研究一D，根本唔會考 (甚至係 out-syl)
或者10年考唔到2次的位去鑽研
我覺得有點用錯力
大家溫書時要留意，自己所睇的是否合乎比例
即您所睇的會出的比率有幾高，就應該用翻相同的比例的時間去學

第二，要留意自己手上的 material 是否可靠
好多同學坊間找到一些 exercise 計唔到
找我問時，我會發現係出錯
我唔會講出的人有心玩野，但您地做這些題目時要留意
如果唔識，有無得搵翻個作者問
如果無，我覺得您會幾事倍功半
所以校內的 mock，我覺得可以多溫
至少您唔明都可以搵到個老師問

另外，信心對於考試都係非常重要
而家愈黎愈近個考試
大家可能會有患得患失的感覺
搵到一條 out-syl 的題目就會覺得死啦好似咩都唔識咁
我想大家先要理解，您三年裡面學左好多
唔會因為一條題目就抹殺三年的努力
種瓜得瓜、種沙得沙
最後個成績都一定會反映大家的實力
只要好好用好每一個餘下的溫書日子
出戰自然有好結果。

至於中四、中五的同學
自1月尾開始放假，一放就1個半月有多
之後仲有差唔多1個半月
我覺得大家都要預左，翻學之後學校的課程會係變成加速版
中四的仲好少少，中五的朋友，
相信您學校個阿 sir 都煩緊如何將本來1年多少少的教學時間
於少左2個幾月的情況下教得曬
所以大家放假之餘，真係要好好學定一D topic
我地個 channel 有 數學core, m1, m2, economics經濟、physics物理、chemistry化學、BAFS企會財的影片
大家唔睇多都睇少，否則到您面對學校的加速版
可能會幾辛苦。

講完曬大家的事，就講翻我同牛牛的工作進度
牛牛剛完成 econ chapter C 的全彩色筆記
之後完成左上半部，今次有埋下半部
https://hermanutube.blogspot.com/2016/01/youtube-pdf.html
我明天都會出片教曬成個下半部彩色筆記的部分
之前攻左大半 econ 的 topic I
之後會努力完成埋其他的econ部分。

近排除左努力拍 econ、努力回覆 有買天書的同學 的提問外

我都開始做緊 biology 的事前工作，暫時都算順利
如果您係中四、五的話，我相信於2021考 bio 前
應該可以完成或接近完成整個 biology 的 playlist
事先講定，俾一D想 drop 的朋友，可以停一停、諗一諗
drop一科就少一科，尤其而家有個假期可以自己努力追進度
唔好咁易就 drop 啦。
牛牛而家就做緊 econ chapter C 的 pp demo 要用到的彩圖
不斷處理緊唔同的事，請大家等候
因為每次都會有人下面回應
“幾時有 phy 全套彩 note
幾時有 chem elective
我係中一的，但幾時有 applied maths 再現呀
您有無諗過拍埋 tourism
不如你考慮拍埋大學數學
我對奧數有興趣，你拍個 playlist 黎睇睇
您要快D出到所有彩色 note 啦，因為我就考啦”
okay 我收到大家的 message
我地會盡快做，催而帶有敵意的，一律皆 block
大家一齊加油 ^0^