關於 bba梗 ，我們在網路上蒐集到這些相關的討論、資訊與評價

［三條六返大陸］（＆）堅係反大6事情（＃）仲Big 悉匙？Big 快乎 Big 科咗好耐啦喎。定英超球會？定想搵個大陸仔Big 6 guy？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年我已經寫咗25篇，篇篇三千字，冇苦勞都有肺癆
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 係架啦，3萬點，就寫下呢啲無聊嘢。別人貪婪時我恐懼嘛。買股票？舊年叫你買啦。仆街財演呃鳩你推你去死冇良心咁時勢仲叫人買股票嘛。

2. 慎防真係有讀者唔知（雖然多數普通人都應該知），根據上文下理理解，應該係指Big Six 會計師樓。問題係，變咗Big Four好耐啦喎

3. 除非係想個會計佬踢過英超啦，或者可能想請個大陸仔Big Six guy．下次可能寫NDS好啲。

4. Big Six有幾耐？想講，我讀大學Year one，ACCT101時（＊）已經聽呢樣嘢。實情除咗呢樣嘢我都唔記得學咗乜，教嗰個Edward Chiu（港大老鬼可以相認下），當時我覺得會計部真係廢到一個點—後來發現大錯特錯，其他部門都係咁上下。（edit：似乎好多其他學生話佢幾好，咁應該係我問題）

5. Anyway，Edward Chiu就話我知，拿，而家我地講Big Six，好快就要變Big Five，時為1997年。

6. 雖然本人唔係讀會計又唔係讀Finance又唔係讀BBA（你以為係？），但，三年嚟，都真係每年讀一個會計哥時。貪多女，同埋相對地比較易拎分（讀精算嗰啲個個都學霸嚟架，我呢啲包尾的，事實亦係，最後我二十人考尾二）。第一年introduction to accounting，第二年咩financial accounting，第三年咩management accounting ，都係咁上下，常餐特餐快餐咁。天地良心，第二件有條洋腸教就還不錯，又靚仔，講英文又好聽（真係意大利連乞兒都講意大利文，幾咁浪漫）。第三年？已經冇上堂，唔記得咩人教。呀仲有，普遍三年啲tutor都係教得不錯的，在野黨永遠最落力。拎咗教席咪同你講Big Five

7. 無論如何，Big Six．邊Big Six？AA（丫花安達臣），Deloitte （事隔咁多年我都唔知有冇T音，但香港人當然就咁叫De-loy，正如電訊盈科係PCC Dub），KPMG（Keep Play More Golf，佢地自己講嘅）（＊＊＊），Price Waterhouse（水記，有人叫水房，因住畀人拉），EY（年中總有一百幾廿個CV寫錯或見工讀錯，Ernst當咗Earnest，as per EY嘅老嘢講話即時掉走） ，同埋Coopers & Lybrand。邊間唔見咗？咪你冇聽過嗰間，Coopers & Lybrand食咗入Price Waterhouse，所以之後咪Price Waterhouse Coopers。正式結合係1998年，但宣佈當然更早，證明我冇記錯，Edward Chiu冇老點我。

8. 然後，Big Five都變埋Big Four，比較近代嘅事（廿年前之嘛！），Enron醜聞，AA摺埋咗。都未夠100年。

9. 講返，呢個Big Six，實在唔知想點。不過同情地理解，有時老啲嘅人，甚至明知係變咗Big Four，都仲用返當年嘅詞語。一來可能叫慣咗，二來亦都有返啲古風。等於我老細都仲會講「Matric」（讀作「覓戚」。尋尋覓覓，冷冷清清，淒淒慘慘戚戚），三十歲以下應唔知係乜？即係，「預科」

10. 定真係想搵個做過Big 6年代嘅人？咁就唔係咁人工啦下話。

11. 慎防有人係都要拗人地行內係咁叫（即係，我係行外？聽講呢個Job Ad係彈畀我的），本人上過去查，Big6 就得呢個Ad．Big4 Big Four 就唔少。「乜撚嘢呀？多人就啱呀？以前啲人夠覺得太陽圍住地球轉啦」。真有你的，講Big6講到哥白尼都出埋。又，有冇Job Ad寫Big5？可惜係冇嘅

（＆）啲回憶返晒嚟。而有人話原本係「三條路返大陸」，相信係牽強附會。點解係三條六返大陸？冇架，順口咯。點解屌你老母之後係芝士漢堡丫。

（＃）舊讀者聽過，但都再講。嗰時舊公司有位小朋友，姑且叫佢「林生」，堅係極品。有鑊我行開咗（九成去咗食下午茶），有另一同事搵我。林生就whatsapp我，話邊個邊個搵過我，「討論反大陸事情」。實情係我同嗰個同事之後返深圳。好彩當時未有國安法。

（＊）而本人讀嗰時根本唔係咁叫。嗰時港大甚至唔係行學分制。上學期（First Sem是也）讀完四五科，聖誕。下學期再讀。然後五月先一鑊過考晒所有嘢。而到五月時正常上學期嘅嘢都唔記得晒，甚至女都換咗第條。關女乜事？「你要借書借筆記咪關事」。同年中大科大都已係學分制。「其他？有其他架咩？」（＊＊）

（＊＊）OK，當然嗰時都有其他大學，城大都好出名，啲女出名得。浸會Poly都不錯。中大就土，港大嗰啲就太強勢，科大還好，但數量少。當時有人話係同學術水平成反比，我是同意的。鳩up不用深究，亦唔好低能到講乜撚「你上過晒七大八大嘅女咩？」。你夠冇上過晒北面十三萬萬同胞，doesn’t’ t stop you from commenting．不信還不信，我話有你都係唔信架啦。

（＊＊＊）講開KPMG仲有個故事，當年我朋友（真係我朋友）做KPMG，有隻鬼由北歐飛嚟，同佢地講係地球最北嘅KPMG Office．朋友放工就同啲junior講，我地就係地球最西嘅KPMG Office。類似故事我去芬蘭都講過，當時Rovaniemi 三樣嘢出名：假波（芬假嘛），聖誕老人村，同埋全地球最北嘅麥當勞。你話，冰島唔係有麥當勞咩？你打開個地圖睇下，睇下冰島入咗北極圈未？梗係Rovaniemi最北。後來就畀俄羅斯某間搶咗，後話。嗰時打卡話呢間係全世界最北嘅麥當勞，當然有朋友話我知最西嘅麥當勞在邊。（＊＊＊＊）

（＊＊＊＊）OK，無聊嘢認真研究。真正最西嘅麥當勞，應該係西薩摩亞。唔肯定。你去過話我知。最東最南都應該係紐西蘭，同樣，你去過話我知。

＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。年費仲有85折，仲係睇13個月添。

網路媒體已經不是新興行業，但要經營一個成功的網路媒體還是要用上比新興更新興的方法。

什麼方法？

只略懂皮毛，不敢班門弄斧。

但可以肯定告訴你的是，想知道哪一間媒體能夠闖出一條血路 (是的，做媒體要流好多血，即係花很多錢)，最簡單的做法就是看看幕後老闆。

不用看得太深入，看年紀便行了。

做媒體老闆是老的好還是嫩的好？

舊媒體越做越沉，是正常不過的自然現象。做媒體即是做訊息，在一個訊息萬變的年代做訊息，最重要是「適應力」。

咦，不是說 content is king 嗎？內容不是媒體的重中之重？什麼適應力，竟然比內容重要？

是的，適應力比內容重要。

所謂媒體，都是有血有肉的生物：「內容」是大腦，當然重要，但要是整個身體狀況不能適應周圍急劇轉變的環境，那怕大腦的轉數是 IQ 160，也是死路一條。

「最近」有家媒體，面世還不夠十八個月，純碎以面書的 engagements 計算，影響力已經超越了所有老牌財經媒體。一直很想認識背後的神秘玩家，苦無渠道，但這個神秘玩家最近居然委託一個中間人主動找我。

原來他們想做第一輪融資。

就這樣，兩個神秘人在一家神秘的意大利餐廳進行了一次神秘會面，相認的 dress code 是黑衣牛仔褲配白波鞋。

一看，原來神秘人是一名薯仔；他進來餐廳看見另一個神秘人，竟然是一位靚仔。

薯仔的表情有點靦腆，靚仔的笑容是如常親切。

「你好，」我站起來伸出手。

「葉生你好，」薯仔說，手心冒汗。

坐下來，他點酒，我點菜。

然後直接入正題。

「睇過你個 deck，」我說，「你想玩大佢？」

「趁自己仲算後生，梗係想玩大佢。」

「你幾大？」

「二十八。」

「Wow，講吓你嘅故事。」

他顯得有點錯愕，「葉生面前，點敢講故事。」

「唔使咁謙。」

「葉生知唔知北角邨喺邊？」

「叫我 Marcus 得喇，」我思考了一會，「唔知。」

「海璇有冇聽過？」

「三萬蚊一呎嗰度？」我有印象。

「係五萬蚊呎，」他說，「北角邨以前就喺嗰度。」

成功的創業家都有很多共同點，其中一個是，他們都很會說故事。

「你喺嗰度大？」

「係，三百呎，一家六口。」他說。

「你諗住由你出世講起？」我笑著問。

「可以由四年級講起，」他倚著椅背認真地說。

有一天放學回家途中，一輛法拉利在渣華道駛過，他覺得很酷，然後他的同學說了一句：「望咩啫，你呢世都買唔到啦。」一頭冷水，讓他人生第一次「努力」起來。之後他進了一家有名的英文中學，然後「又再頹過」。

他解釋「又再頹過」的原因：「一個人如果只得一個目標，當你達到目標之後，就等於冇咗目標。」

「之後點？」我在記事簿上寫了幾隻字。

「葉生有冇聽過寶馬山五嶽？」

我忍不住大笑起來：「五嶽？唔係金庸小說嚟㗎咩？」

「北角寶馬山最惡嗰五間中學，人稱『寶馬山五嶽』。」

我沒有說什麼，被他的劇情吸住了。

會考十分，不能升讀原校，中六正式成為五嶽派弟子。

「寶馬山風涼水冷，」我想像，「幾好呀。」

「都真係幾好，」他苦笑。

地理堂，班房後面有人點煙；老師看見皺眉，以為老師會阻止，怎料老師一臉誠懇地說：「我氣管唔好，你可唔可以入廁所食？」 同學算有品，「妖」一聲之後，口擔住煙，離開咗班房。

英文堂，班房後面又冒煙，不過今次唔係有人食煙，係打邊爐。老師見到，對住個學生好大聲咁講咗一句：「唔該，save me a sausage！」

「好有電影感，」我喝一口他點的紅酒，嚐到醉人的玫瑰香味。

「唔係你想像中咁差，其實好似間茶餐廳咁，有人食煙，有人食腸，咁我咪睇報紙囉，因為我真係好鍾意睇報紙。」

當他說到這裏，我忍不住問：「你之後有冇讀大學？」

「有，科大。」

瞪大眼睛的我，倒抽一口涼氣。

「本來冇諗過讀大學，」他拿起一個麵包，「每日渾渾噩噩其實都幾寫意。」

「後來呢？」

「有一日，上緊中文堂嗰陣，煲煙嘅如常煲煙，打邊爐嘅繼續打邊爐，我照舊睇我嘅《明報》，然後突然之間，聽到『澎』一聲，嚇到全班一齊尖叫。」

原來隔離班有位同學不滿老師「寸親佢」，於是一手抬起那張教師桌，然後把那張教師桌從五樓扔到操場。

「澎」一聲的巨響之後，立刻跟著所有同學走出班房，然後從五樓看著操場上那張支離破碎的木桌，呆了數秒，「終於醒咗」。

「醒係咩意思？」我問。

「我同自己講，如果我再唔努力，下場肯定會同嗰張木枱一樣。」

「粉身碎骨？」我不解。

「係變成一件垃圾。」

發奮讀書，進了科大 BBA 的他，卻錯過了很多人嚮往的大學生活，因為他與兩位港大及中大學生一起開了一家補習社。

「三十幾度著住黑色西裝喺其他小學門口派傳單，我哋嘅口號係『保證全部三大院校師資』；高峰期每個月淨袋六萬幾蚊，係每人。」

「難以置信，」我喝一口清水，「咁成功嘅創業經驗，學到啲咩？」

他想了半天：「有一次，我教個學生重組句子，我一路教，佢一路玩，叫佢做一次，佢又唔識，我話之前咪教過你囉，佢好寸咁話，『有咩證據你教過』。望住佢嗰個死人樣，我終於忍唔住，成本作業『車』向佢塊面，佢當場喊出嚟，然後孭住書包走咗。」

「咁大鑊？佢阿媽有冇搵你尋仇？」

「隔咗唔夠半個鐘，阿媽好嬲咁拖住個仔衝入嚟補習社，佢個仔當時仲喊緊。仲記得嗰陣咁啱落堂時間，有幾個家長企喺補習社門口，佢哋好似等睇戲咁樣。我個樣依然好堅定，但其實已經驚到腳痺。」

張力十足的情節。

「嗰個阿媽一隻手鍊住我膊頭，另一隻手捉住我手臂，然後話：『陳 sir，多謝你，我轉咗咁多間補習社，都搵唔到一個阿 sir 治我個仔，今日終於畀我搵到。以後個衰仔靠晒你，求吓你，千祈唔好趕佢走。』我由一個虐兒犯變咗孔子，你明唔明嗰吓有幾震撼。」

笑到天翻地覆的我，好半天才能冷靜下來，問：「咁你即係學到啲咩？」

他說得尤其認真：「就係無論一個老闆幾叻都好，佢都冇可能預計到市場反應。」

我又大笑起來，但他很認真地繼續：「但我哋個平台可以估算市場反應，因為我哋嘅 engineer 整咗一套數據分析系統出嚟，可以估算到乜嘢類型嘅關鍵字當下會吸引最多人討論，而我哋就專門谷嗰一啲新聞。」

「你以前做過記者？」我問薯仔。

「未，」他說。

「你點解會咁識做媒體？」

「葉生，你都有寫過啦，要揸 Formula One 揸得好，最好之前未揸過私家車；一啲人哋以為需要嘅訓練，其實係多餘；做記者需要訓練，搞媒體需要觸覺，訓練太多反而會冇觸覺。」

面前的薯仔簡直是金句王，好比一個 skin head 黎明。

「言下之意，而家嘅媒體老闆冇觸覺？」

「我唔敢咁講。」

「咁你想點講？」我問。

「葉生，有冇睇過《縱橫四海》？」

「張國榮嗰套？」

「唔係，亞視出品，陶大宇嗰套。」

「未。」

「陶大宇本來係有錢人，然後生意失敗，乜都冇晒，豬欄都要住，真係同豬一齊住；餓起上嚟，餿水都食。」

「你想講？」

「我就係嗰啲，餓起上嚟，餿水都照食嘅人。好多大媒體，經歷過傳媒最風光嘅時期，要佢哋今日改變打法，佢哋放低唔到身段。有啲人係烏托邦居民，我係真實世界嘅人。」

「但好似都有唔少傳媒人，有幾多好嘅 idea。」

「有 idea 唔代表有料，幾多人就係覺得自己有 idea，做埋啲不切實際嘅嘢，眼高手低，唯有後果自負。」

招牌的紅蝦意粉上枱，薯仔開始啟動，食相比哈利王子更王子，很難想像他會吃餿水。

「想問，餿水都願意食嘅 determination，就係因為出身夠窮？」

「唔係，而係因為我娶咗一個，愛多十世都嫌少嘅女人。」

忍不住又笑起來：「Determination 來自真愛？」

「點敢喺溝女界 KOL 面前賣弄感性。」

「我 sell 性感，唔 sell 感性。」

他笑一笑，問：「葉生一定知道邊個係蔡崇信啦。」

我點頭，他繼續：「好多人以為蔡崇信放棄高薪厚職去幫馬雲，係因為佢有眼光，其實佢當然有眼光，但其實蔡崇信嘅外父都應記一功。」

「唔明。」

「蔡生外父係富豪，所以就算蔡生有幾高薪厚職，都冇可能超越外父，所以蔡生先要搏一搏。」

「太淒美了，」我乾了一杯說，「原來你唔想衰畀外父睇。」

「只係想話畀外父聽，無論佢個女上半生有幾幸福，我都會令佢下半生更加幸福。」

由真愛孕育出來的媒體，大概可以走無限遠的路。

IG= marcusyip55
#攻關

《無常，就是我們的日常》

劇集《跳躍生命線》差不多每集均以角色的感人獨白作收結，當中有一句最令我有所感觸——「無常就是救護員的日常」。對於每天身處醫院前線的醫護人員來說，這句話不也是我們的寫照嗎？

「Cat 2 R房！」

「18格轉R房！」

「Trauma房留位！百有，十分鐘後到。」

「R房留位！CPR中，五分鐘後到。」

「本急症室現因有多名危殆病人正進行即時搶救，輪候時間將會相對延長，請各位耐心等候，多謝合作。」

當急症室同時接收多個危殆（Cat 1）或危急（Cat 2）的個案，我們會把這段繁忙時間戲稱為「R房放題」。每次一拉開急救房的布簾，等候救護員從轉角處把傷病者推送進來，到親手接過診症卡的過程，其實就如一場隨機抽取撲克牌的賭局——我們沒有選擇權，無論牌面是好是爛，大家都要盡力去拼，只是有時候對手剛好是死神，而籌碼是一條人命。

下一局會開出什麼樣的卡牌？可以是突如其來的中風、腦出血、心肌梗塞，可以是無意中發現的不明陰影、惡性腫瘤、已擴散至各處的末期癌症，也可以是完全避免不了的無妄之災，被機器切斷肢端、從高處不慎墮下、在馬路上失控撞車……現實始終不如戲劇，沒有下集預告來提示我們，明天將會有什麼大事發生。

而有些遮蔽在簾後的景象，你看過一次自會畢生難忘。

全身熏黑，層層表皮剝落，臉上的肌肉繃緊僵硬，雙眼幾乎合不起來，屍體傳出陣陣烘燶燒焦的氣味──老伯被困災場，在濃煙與火舌下喪生。

浮腫發紺的臉龐，沾滿水珠的濕冷身軀，插喉時氣道溢滿了略帶血絲的粉紅色液體與泡沫──泳客於海灘失蹤，意外溺斃。

到場時已陷入昏迷，雙眼結膜充血，臉部腫脹發紫，頸部出現繩套形成的瘀紅勒痕──青年留下遺書，在家中自縊身亡。

有人選擇割脈，有人選擇過量服藥，到頭來自殺不遂；又有人在絕境中積極求生，卻始終難逃一劫。時鐘要在某刻突然停擺，誰也阻擋不住，作為醫護也只能盡量為他們爭取多一點時間，僅此而已。

我們永遠無法在事前預料，下一個被送進來搶救的是誰，他所患的急病、所受的重傷是什麼，經過診治後會直接出院、收上病房，抑或要轉送殮房，這一切一切全是未知之數。工作無疑是充滿挑戰性，但亦伴隨著不少心理壓力。下班後回到家中，我偶爾還是會回想起當天遇過的個案，如果能夠再做得快一點、好一點，情況又會否完全相同呢？心累，大概就是這樣的感覺。

這晚讓我想起的病人卻處於死亡的彼岸，是個在院前出生的嬰兒。誕下他的母親是一位外藉傭工，她自懷孕以來一直未有接受任何產檢，事發那刻她突然腹痛難耐，一坐到廁板上，便把孩子連同排泄物一併排出，僱主發覺她不對勁才急忙召喚救護車求助。救護員到場時，那個初生嬰兒連臍帶也未剪斷，還連接著已完全脫離母體的胎盤，更令人驚訝的是，他當時仍浸泡在廁所馬桶的污水中，幸好送院時母子倆皆平安！

有時候我在想，如果BBA（Born before arrival）與DOA（Dead on arrival）的R房個案同時抵達，生與死就只有一簾之隔，命運的軌跡可以如此接近，卻又是兩條互不相交的平行線。生死有命，Departure與Arrival的大堂各有隊伍，醫院急症室有時也跟人來人往的機場客運站沒什麼分別。我們在這裡見過很多意外與無常，總有人來不及說再見，然而有遺憾才算是人生吧？

就讓我以劇中的另一段獨白為文章作收結：「我一直以為世事無常，意外難免，人力是薄弱的。但是今天晚上我終於領悟到，在生死有命的課題前，救護員並不是孤軍作戰，因為由始至終，都有一對兄弟陪伴你左右，一路同行，它們就是希望和奇蹟。」

//但願人沒變 願似星長久
每夜如星閃照 每夜常在
漫長夜晚星若可不休
問人怎麼卻不會永久
但願留下是光輝
像星閃照 漆黑漫長夜//