關於 betiskitchen甜品 ，我們在網路上蒐集到這些相關的討論、資訊與評價

流心奶黃月餅🥮𝐿𝒶𝓋𝒶 𝒞𝓊𝓈𝓉𝒶𝓇𝒹 𝑀𝑜𝑜𝓃𝒸𝒶𝓀𝑒
.
.
中秋就到喇🍂上2次用咗Toshiba Toshiba Q20蒸氣焗爐 (MS2-TQ20SC)嘅蒸同燉功能都好成功🤍今次向難道挑戰！用熱風對流烤焗整奶黃流心月餅！今次係第2次整！改良咗少少食譜！好成功🥺因為呢個功能熱力均勻！唔會淨係得上下熱！呢新機都算機細易放！內籠實用可以一次過用到2層！可以一次整到多啲送俾人🥸🖤推廣期內買，多送一套蒸焗盤(價值$270)😙好成功今次焗得😙😎食譜有啲長！睇熟一次先開始整😌
.
.
▶️流心餡同奶黃餡要1-2日前整好！餅皮就當日先整！
▶️整個時最好開住冷氣整🤣如果唔係流心餡會溶就好難包🥲
▶️記得買定月餅模呀🤎
▶️放冰箱是指零度以下的冰格！成功原理是要把雪到冰凍的月餅放入高溫焗爐快速焗熟外皮！而內面的流心餡只是剛溶狀態！太低溫焗或焗得太耐都會令月餅變形！所以時間好重要💪🏻
.
.
<2日前>
💫至少整到16粒💫
🧡奶黃餡: (20g each)
吉士粉 20g
奶粉 20g
低筋麵粉 30g
咸蛋黃 3個
砂糖 60g
蛋 30g
椰漿 100ml
忌廉 20ml
無鹽牛油 40g
鹽 1/8 茶匙
做法:
1. 咸蛋黃蒸10分鐘後用攪拌機打碎
2. 預備一個鍋，用小火把忌廉、砂糖、牛油、椰漿煮至牛油溶化！蛋先和其他餘下材料攪拌均勻！再加入鍋中！繼續用刮刀不停保持攪動，用小火煮至成團狀！煮好後倒入碟上放涼，蓋上保鮮紙放入雪櫃雪1-2晚
<2日前>
🧡流沙餡: (6g each)
熟咸蛋黃 2個
已溶無鹽牛油 30g
水 25g
砂糖 50g
木薯粉 15g
吉士粉 15g
做法:
1. 咸蛋黃蒸10分鐘後用攪拌機打碎
2. 水、吉士粉、木薯粉和砂糖拌勻！加入無鹽牛油！用細火煮至微滾！熄火！加入咸蛋黃碎！攪拌均勻！
3. 每個保鮮膠袋剪成4份！預備約16份，把6g的流沙餡倒上，再一個一個包好，包的時候可以盡量包成圓形，咁樣會方便啲包餡！放入雪櫃冰格雪1-2晚至硬身！
<當日>
🧡餅皮: (25g each)
低筋麵粉 300g
蛋 30g
糖霜 80g
無鹽牛油 160g (放軟)
忌廉 30ml
吉士粉 30g
餅皮做法:
1 . 糖霜、吉士粉和麵粉過篩，再加入牛油搓勻！
2. 加入蛋和忌廉用手搓成至麵團！唔使搓太耐！混合到就得！
3. 用保鮮纸將做好的麵團包好！未用就放入雪櫃備用!
🧡其他材料:
適量高筋麵粉做手粉用
掃蛋水: 1隻蛋黃加入1茶匙水
掃糖水: 砂糖2湯匙加人1湯匙水

❤️月餅做法 :
1. 奶黃餡放室溫回軟10分鐘，再分20g一份，搓圓壓平再快速包入流心餡！再搓圓！要快手否則流心餡會溶！可以逐次從冰箱拿出幾粒流心餡以防止溶化！包好後放入冰箱雪至少15分鐘至硬備用！
2. 將月餅皮麵糰搓成長條形切分成25g一份小麵糰用壓平，再包入雪硬了的餡料！搓圓至沒有裂痕！
3. 己包餡之麵糰薄薄撲上少少麵粉，月餅模同樣要撲上少少麵粉！放入月餅模壓出餅紋，再放入雪櫃冰箱雪大約雪半個鐘至硬身

❤️入爐 :
1 . Q20蒸氣焗爐用熱風對流烤焗功能，以攝氏230度預熱至少15分鐘，月餅放在牛油紙上再放上焗盤！
2 . 有月餅的焗盤放上層，再放多層空的焗盤向下層隔熱用！先焗6分鐘後取出！掃蛋水後等約5分鐘再掃第二次蛋水！再放入爐轉230度焗4分鐘至上色！出爐後掃上糖水即成😴
可以去埋 Toshiba Lifestyle Hong Kong了解點用佢哋嘅蒸氣焗爐煮出唔同嘅菜式
#betiskitchen甜品 #betiskitchen中式

Q彈芋圓滴紅豆🇹🇼 𝒯𝑜𝓇𝑜 𝒷𝒶𝓁𝓁
.
.
成日都想食煙韌的芋圓！終於自己整！好易整，仲要成本極低😌記得一定要用木薯粉先會有煙韌口感！湯底超簡單！用了台灣品牌<炆久之芯>的滴紅豆♥️ 嚴選北海道紅豆原料，透過日本專利二段式高壓萃取技術，紅豆的養分全在薄薄的一層紅豆皮，要萃取無澱粉的紅豆精華，只有「紅豆不破皮」才能發揮到紅豆水功效。簡單食物認真做，大家都值得擁有更好☺️✨
.
.
▶️水一開始只加一湯匙先，之後加落去木薯粉度搓勻才視乎質地加適量的水！因為要看看本身買的食材蒸好後，多不多水喔😽
▶️炆久之芯滴紅豆沒有添加任何糖分、香料、色素、防腐劑、咖啡因、反式脂肪酸、飽和脂肪酸。成分安全，孕婦也可以飲用♥️
▶️即日起到4月30日，可享有試飲價$254 HKTVmall有得買啦🐝 即日起到4月30日，可享有試飲價$254 到HKTVmall大百貨購買啦!
https://bit.ly/3sx3b49

#台灣製造 #炆久之芯 #滴紅豆
#升級版紅豆水 #紅豆不破皮
#滴滴精萃 #全素可食 #孕婦可飲用
#健康 #養生 #去水腫 #養顏
▶️芋圓可以加多少少木薯粉！放入保鮮袋，放進冰格可以存放一個月
.
.
材料: (2碗，芋圓可整到60粒)
炆久之芯滴紅豆 2包
芋頭 100g (㓟皮切片後量度)
紫薯 100g (㓟皮切片後量度)
黃心番薯 100g (㓟皮切片後量度)
木薯粉 50g x 2 份 40g x 1份
水 1-2湯匙 x 3份
砂糖 2茶匙 x 3份 (我不喜歡那麼甜)

做法:

1) 芋頭和番薯去皮切簿片！整芋頭建議戴膠手套 ，因為沾到芋頭的黏液會十分痕🙄
2) 放入蒸爐大火蒸20分鐘至淋！要淋到一壓就爛先得！每種壓爛後分別加入一湯匙水，攪拌成薯蓉狀！
3) 趁熱分別加入木薯粉中！芋頭和黃心番薯加入50g木薯粉，紫薯加入40g木薯粉！然後加入砂糖！再視乎需要加入多一湯匙水！用手搓成圓形光滑柔軟但不黏手麵團！
4) 如果太乾身，有裂隙，請加多少少水！如果太濕身，黏手，請加多少少木薯粉！要自己調節一下🙏🏻
5) 搓好的粉糰可以用保鮮紙蓋一蓋防止乾燥，工作枱面撒上少少木薯粉防黏，圓形粉糰分一半，再搓成長條形，用刀切粒！
6) 芋圓放滾水內大火煮至全部浮起後繼續煮多1分鐘撈起過冷河備用，紫薯芋圓要分開煮！否則其他會變哂色😂
7) 把炆久之芯滴紅豆加入1倍熱水，再放入芋圓即成！可加入煉奶😌

#台灣製造 #炆久之芯 #滴紅豆
#升級版紅豆水 #紅豆不破皮
#滴滴精萃 #全素可食 #孕婦可飲用
#健康 #養生 #去水腫 #養顏
#betiskitchen台式
#betiskitchen甜品

椰汁紅棗糕♥️ 𝑅𝑒𝒹 𝒹𝒶𝓉𝑒𝓈 𝒸𝒶𝓀𝑒
.
.
<食譜重溫>新年又到🐂呢個紅棗糕食譜好QQ口感好重紅棗味！我整過3次調較的分量🥰 唔困難整！係麻煩！😂我上年得閒到整左8層，今年算吧啦，用玫瑰🌹模淨係一層紅棗一層椰汁再紅棗已經好leng💕❤️但係多層d係有口感d既....🤓去我blog的post有更多相💫
.
.
➡️一層蒸熟左先倒第二層，否則會無層次感
➡️香棗片糖搵唔到可以用片糖代替 (我今年都無用香棗片糖，其實無咩分別)
➡️汁液落粉攪拌時不會可以攪到無粉粒的，之後一定要過一次篩過走粉粒，用力壓下就會滑哂！先好蒸！
➡️脱模可以搵支筷子向個邊LIU下佢，但最好等佢無咁熱先搞佢，最易脫就係雪凍佢，但係個模要再用，等唔到咁耐😂
.
.
材料: （10吋圓盤1份 or 4份 8個玫瑰模)
紅棗層:
紅棗(去核後) 250g
水 750ml
香棗片糖 120g
木薯粉 150g
糯米粉 30g
馬蹄粉 20g

椰汁層:
椰汁 150ml
水 55ml
馬蹄粉 60g
木薯粉 70g
冰糖 75g

做法：
1) 紅棗去核，煲滾水加入紅棗煮滾，收中細火加蓋煲20分鐘，之後壓爛紅棗，熄火焗半小時。加入網篩中壓出棗蓉隔出450ml的紅棗水備用
2) 450ml的紅棗水加入香棗片糖，以小火煮到糖融化放涼備用
3) 椰汁、水、冰糖加入煲內，以小火煮到糖融化放涼備用
4) 兩層材料的粉類分別篩入2個碗內，逐少分別加入放涼了的椰汁和紅棗汁，一面攪拌直至濃稠少粉粒，過一次篩過走粉粒，用力壓下就會滑哂！
5) 蒸盤塗油，將1/4紅棗粉漿過篩倒入，中大火隔水蒸6分鐘，加1/4椰汁粉漿，蒸6分鐘重覆以上步驟，遂層蒸直至最後一層(8層)，蒸多15分鐘，用竹籤插入糕身，沒有粉漿黏著表示已熟 (如果用玫瑰模，整3層就夠)
6) 放涼後再進雪櫃冷藏一天，脫模後可切件，蒸至軟身即可

#betiskitchen中式 #betiskitchen甜品 #betiskitchen新年