不如今日分享下自己intern 的經歷。
那年我year 2 ，作為一個accounting major ，當然以big 4 intern 為目標，但無論是big 4 或是second tier 的intern，我都落空，但學生畢竟不能沒有internship 的經驗，你畢竟也需要那一點點乏善可陳的工作經驗去騙一下自己，騙一下僱主，你係一個努力上進的好學生。最後，local firm 也try try 吧。那時它給我的工資是4,500蚊一個月，而那時big 4的人工是7,000 蚊，但4,500蚊都總好過連1 蚊人工都無。
香港就係咁，唔會當intern 係人，佢覺得你去佢公司做嘢，就係俾機會你學嘢，你又add 唔到value 俾公司，所以有啲大學會介紹同學去公司做嘢，而公司只會俾一日30 蚊的車費俾學生，當係人工，好聽啲就係俾機會你學嘢，難聽啲就係廉價勞工，你cheap 到一個點，公司連一啲人工都唔肯俾你。
我第一日出job，就飛左去台灣。表面上一切都好好，senior看上去好nice，又可以去台灣出job，但一入酒店就中左伏。我們同行有三個人，分別有一男一女嘅senior 和我。酒店話client 只係幫我地book 左兩間房，我心諗，就算要同房，咁至少都有兩張床吧！但我錯啦，一打開酒店房門，得一張大床。
我真係呆左！我：「我地可唔可以叫client book 多間房？」
女senior：「client唔會再book 多間房，你一係瞓，一係就唔好瞓。」
我：「但我第一日識你，我唔係好接受到同人同床。」
女senior：「總之我唔會再講多一次⋯⋯」
咁係無辦法之下，你都要接受⋯⋯當然到現在如果你對酒店好不滿，其實可以同client 傾，而唔係一直盲目忍受。
回到辦公室，我面對第一個task，就是處理cash and bank section，除了要做bank confirmation，就是要檢查一下bank statement 與帳上有沒有差異，如果有差異，可能就是有bank reconciliation，所以就要取bank reconciliation statement。再來，就是看在下一個月那個bank reconciliation item 有沒有subsequent settlement/received。這樣基本上就完成了cash and bank section。
但那個senior 除了給了我所有bank statement 和bank reconciliation statement，再來就話你跟上年做啦，之後，就咩都無講。但上年的file 係空架，我應該跟啲咩做呢？而這個工作又是為了什麼而做呢？我真的困惑非常。
我用無助的眼神望向senior，她在很忙很忙，忙到沒有時間去教我。她感受到我眼神的死光，她輕描淡寫咁講：「你將兩個amount對一對，唔對就搵下係咩原因。」
但邊個amount，對邊個amount 呀？阿姐，我唔明呀，可唔可以講清楚啲⋯⋯但轉眼間她又回到工作mode，唉。就這樣，那數十個banks，我做了一整天還未完成，到放工時，她用不耐煩的目光看着我：「做咩搞咁耐都未做完呀！」之後，她拿了我的電腦，很快就解決左個問題，但還是不肯告訴我個答案係咩。
之後，就係做vouching。明明一個voucher number 都唔洗打上去，只需要睇完單之後，打個Y，咁就做完。但還年輕的我，唔識咩嘢係放飛機，又真係全部voucher 都睇完，先敢打個Y，好像怕睇漏一張單就會被senior 發現。
到最後，別人用半個鐘就完成嘅vouching，我用了三日的時間才完成。中間還不停俾senior 問：「做咩你會做咁耐都未做完，係咪有咩問題？」
因為我係同in charge 同房，佢日日都做到凌晨4 點先瞓，我呢？可以早瞓嗎？就因為呢啲咁無聊的理由，日日都玩到凌晨3-4 點先可以瞓，之後，早上7 點就要起身。
我唔係想講我senior 有幾差，我internship有多不知所措，我想講係其實她不是沒有時間給你，她只是不想去provide 一點點的coaching 姐。你的困難，她一定會遇過，你會遇到什麼問題，她又會不知嗎？一定不會。但她就是不想教你，她痛苦過嘅，你都一定要經歷下，但其實一切都是可以避免的，亦可以變得更efficient。
Coaching 真係好重要，無人一遇到問題，就會自學，但他們卻需要你的提醒和教學。
一間公司，一條team如何，你看看你的上司有否provide coaching 就知道了⋯⋯沒有人是完全沒有時間的，工作時沒有時間，那食lunch 果時亦可以provide coaching吧！
Internship 俾一個好好的平台你，去了解你自己，到底你適唔適合做呢一行，有無能力跟你的同事相處。
Internship嘅工作經驗呢？其實internship 你學到幾多嘢喎，所有工作經驗都係bullshit，只係你需要一份internship去證明你除了讀書，仲會有少少工作經驗，亦可以證明下你對audit 呢行有啲興趣。
宜家商科學生，多數都做左數個internship，有啲又做bank，又做big 4 intern，之後又去exchange，上莊，如果你每一次都同人比cv，係沒有用嘅。
雖然internship 係有少少幫助，但我覺得人生最自由最自在的時間就係讀大學嘅四年，那時你還未有家庭，經濟的壓力，你每天的煩惱是今天好唔好走堂，放學之後去邊度玩，選咩科讀好，今日食唔食tea 呢？
當你工作了數年，你就明白即使當年你沒有上莊，沒有exchange，沒有一個好internship，你還不是跟你的同事同一個起步點嗎？
傻瓜，讀大學最重要係學習思考與邏輯，它教你應該要點思考，而唔係思考啲咩，亦唔係叫你只着重你嘅GPA和internship。
GPA 和internship只是眼前所得，而你的thinking process先係令你受益一生⋯⋯
IG: Fakemanching1607
