【她不是一個好人】長文慎入
話說每個月的二十號，飛傭都會收到下個月的更表。出更表後，有時候飛傭們會「分享」一下彼此來月的更表，有時更會討論一下大家的「crew list」。
「呢個SP（高級乘務長）好唔好人㗎？未飛過喎～」
「吓？你小心啲啦！好嚴好standard㗎！我聽過有crew同佢飛完乜乜乜乜啊！」
「哇～死喇我今舖……」
一般而言，對junior的飛傭來說，senior的同事不用分那麼細─就只有「好人」和「唔好人」兩種。
這件事發生在大半年前。
大半年前，我剛剛完成business class的training出來飛，剛好遇上了一個「唔好人」的SP。當時那只是我上完training初幾班operate的機，這個SP就正正把我放了在business class。
那班機，我做嘢簡直係錯漏百出。
首先，準備起飛時，我忘記把乘客飲完welcome drinks的杯子收回來，起飛前pre take-off check時被她發現了，結果她幫我收了回去。那時我已坐在crew seat上扣好了安全帶，她走了過來：「你忘了收回兩隻杯子。」我連忙say sorry說忘記了，心裡十分害怕會被她責罵。
到了起飛派餐，我去收乘客吃完了的appetizer碟，那時我一次過收了很多隻碟回來，滿滿的堆在小小托盤上，被她看見了：「阿傭，你知不知道每次只可以收幾多隻碟回來？」
剛好這時突然有call bell響起，我把手上的東西放下，就衝了出去，沒回她話。原來有乘客把水倒瀉了在被上，我回到galley匯報了這件事，然後連忙拿了紙巾出去給那位乘客抹，也給她換了一張新的被。
然後到整個service完了，我看見這位SP在她的crew seat上，拿出一份表，在上面拼命地寫字。我從遠處看見了，那是一份掌管飛傭命運的─「appraisal form」。
我心想：「大穫喇～佢咁嚴，我又做錯咁多嘢，佢實俾好低分我喇……啱啱佢問我問題，我冇答佢去咗搞個客，實話我態度唔好……死喇～今舖聽炒魷魚，年尾花紅冇望喇……」總之，我就是諗到世界末日咁灰……😞😞😞🌧🌧🌧
她在那份appraisal form寫滿後，就召了我過去，坐在她對面。我一副準備接受審判的神情，身體害怕得發抖。
「阿傭～你覺得自己呢班機做成點？」她問。
「啱啱train完，好多嘢都未上手，所以做得唔係咁好……」我顫顫震震地回答。
然後，她就逐一指出我的問題：
「首先，你起飛前唔記得咗收返啲玻璃杯，如果冇其他同事留意到，起飛嗰陣會對乘客造成危險，下次要記得喇！」
「另外，你收碟嗰陣一次過收咁多，一嚟你會容易整跌，整親自己；兩嚟你又冇咁快俾到main course所有乘客，佢哋就會等耐咗㗎喇……」
謎之聲：「唉，係呀係呀，我乜都做錯哂……」來吧，仲有咩做得唔好一次講埋喇～我接受好㗎喇……
點知佢繼續講：「不過，做呢行attitude係好重要，呢啲都係小事，汲取經驗，下次做返好就得。頭先你見到乘客有需要，你即刻衝出去幫佢，呢啲我係見到嘅。」
然後佢show咗份appraisal俾我睇，係一個意想唔到、唔錯嘅分數。
「啱啱train完甩漏梗緊有，做咩都好，最緊要係對客有心，而我見到你係有嘅！呢個分數係encourage你，繼續努力～做得更好～你要繼續keep住～」
聽到佢咁講，我心情由緊張轉為滾動，眼眶都濕了。一直以來，我自問自己都不是特別sharp醒那一群，同一件事可能要做很多次才上手，但自問也是用心對客人的……
「我以前未做過一份正職服務業，好多嘢對我嚟講都好新，我放棄咗好多嘢嚟做飛傭，所以我會努力㗎……😭😭」
「我唔係一個『好人』嘅SP，我係嚴㗎！我只係想你哋每一班機都可以學到嘢！」
沒錯，你真的不是一個好人。
做一個「好人」很容易。
比起很多「好人」，要直接指出別人的錯處，是一件吃力不討好的事。
職場上，誰都想平平安安，人不犯我，我不犯人，相安無地準時收工，沒有誰有義務對你說真話。
然而，你冒著會成為「十大」、會「出名」的風險，一來站在乘客角度著想，二來想同事進步，我真係好佩服你啊！
大半年後，也許我再不會犯那些低級錯誤。
但，如果當初沒有她，
我就不會知道自己的不足了。
感激職場上某些「唔好」的人，
他們表面很兇，說話也直接，
卻令你一直進步。
「無論做咩，最緊要係attitude。」
她對我說的話，
大概我這個飛行生涯都會記得，
多謝妳，
SP C小姐。
