關於 call option例子 ，我們在網路上蒐集到這些相關的討論、資訊與評價

淺談期權(Option)基本教學分享(上)

最近筆者較多利用期權(short put)參與美股市場，所以想同大家分享下”美股期權”。

先簡單介紹一下，期權(OPTION)是一份合約，也是一個零和遊戲，這份合約給予你一個「權利」，在某個時間段里用某個價位(行權價)去購買正股(LONG CALL)。

舉個LC例子，比如你看好AAPL在1個月內會升到USD450，而目前USD398，如果你合約的行權價是USD398，不管1個月後正股是USD450還是USD480，你都可以用USD398行權價去買，如果最後USD450，那你就賺了USD52差價 (美式期權，可在到期前任何時間行權)。因一張合約等於100股，假設行權價USD398的期權價為USD4.6，付出期權金則為USD460，最大損失亦都只是USD460。

既然說這是個零和遊戲，那就是我們要做「對賭」，分別為發行商及”莊家”。先了解4種最基本形態的期權包括:

LONG CALL(看升)
LONG PUT(看跌)
SHORT CALL(看跌)
SHORT PUT(看升)

「買」就是long，這一方可以簡單理解為「閒」， 「賣」給「買」的那一方呢，可以理解為「莊」，有了莊有了閒，自然合約就形成了，也就是對賭了，也就是我羸了你輸的錢/你羸了我輸的錢了，所以是個0和遊戲。

所以如果你看好一隻股票，你可以long call (買升)又或者short put(賣給看跌的人) ;看跌一只股票可以long put(買跌)，又或者做short call (賣給買升的人)。
long和short最大的分別是long在理論上是可以賺無限，但輸有限(只輸期權金); 而short在理論上可以輸無限，但只賺期權金! 因做short 需配合不同策略及充足按金，所以新手不建議碰short，先搞好long再說! 如大家對期權組合有興趣，可以參考以下網址內不同組合的玩法。

https://www.optionsplaybook.com/option-strategies/

講完4種基礎形態就要講價內和價外了,也就是賺錢的「過程」。

價內: 拿long call做例子就是正股價格比你要買的行使價「高」，相反long put 就是比他「低」。這種是比較安全，低桿杠的做法，期權金也會相對貴，基本上是期權金+行權價=正股現價。

價外: 拿long call做例子就正股價格比你要買的行權價「低」; 相反long put 就是比他「高」，這種是高桿杠，也是大部分玩期權人追求的做法，就是從價外做到價內，這過程期權金的變化是最大的，比如現在0.1塊期權金的合約，因為正股大升了，根據上面期權金+行權價=正股現價的公式，0.1很容易變成幾元，那就有幾十倍的回報了，這也是風險與收益的一個正相關吧，因為到了行權日，你的合約到了不了價內，就會變成大家經常說的「廢紙」，會被回收，一文不值。

之後有機會再跟大家分享影響期權價格的各種因素。

下圖為自6月起筆者做過的期權(SP)交易，SP最大風險就是要被行權接貨，雖然劵商會有最低按金要求，但安全起見筆者每次都會預留一筆將會100%接貨的現金留在帳上，避免超出自己能力範圍。例如現持有5張CCL SP 13.5，筆者會預留13.5*500股 = USD6,750於帳上。

(i) 於6月1日沽出1張ZM期權的Short put [email protected]及1張Short call [email protected] ，到期日為6月5日，收取共USD725期權金(430+295)，此組合為Short Strangle，即6月5日前ZM股價如在170至240之間，則可以兩邊期權金袋袋平安，而筆者於6月4 日現金平倉Long [email protected] 及Long [email protected]，獲利為USD725-USD29 = USD696 (exclude 交易費用)，其實可以無需急於平倉，待到期ZM無跌至或升至170或240的話，該兩張合約則會自動作廢，獲利USD725。

(ii) 於6月11日沽出2張JD期權的SP [email protected]，到期日為6月19日，收取USD120期權金。因那段時間是JD (9618.HK)招股期，定價約USD60左右，而筆者作出SP 54其實算為低風險的套利交易，假設萬一真的跌至USD54，筆者以@54 接200股接JD，較港股上市價有折讓; 如到期前JD無跌至USD54，該合約則自動作廢，獲利USD120。

(iii) <現持有> 於7月7 日沽出5張CCL 期權的SP [email protected]，到期日為7月17日，已收USD250期權金，於截稿時段該期權價為0.1。

以上內容不構成投資買賣建議。

［無公平　無同情　明輸仍然贏］炒股啫，輸仆街都唔使死嘅。何況其實冇輸錢！

（明報原文：https://bit.ly/2CiH6Bd）

1. TLDR：有嘢唔好屈住，記得同人講。你以為自己好廢，大把人比你更廢。最緊要係，對自己坦白。做唔到嘅，就寫日記。

2. 前文提要：美國有位學生，炒股初哥，見到自己戶口結餘係負73萬美金，以為自己輸好多錢，唔想連累人，嚇到自殺—問題係，似乎佢根本冇輸咁多錢。（https://bit.ly/2BmpZ10）

3. 結果有多啲資料了，不幸地畀我估中，世事夠晒諷刺，事主以為自己輸73萬美金（的確好多錢，但唔使死的），自殺。舊文我已經話，只係少少技術上問題，佢似乎做兩隻腳，一隻結咗數另一隻未結，埋單好可能唔係輸咁多—不幸（定有幸？）地，消息話，其實佢個戶口係正數。

4. 事主個做分析員（！）嘅老表貼咗個cap 圖，應該可信（https://bit.ly/3fHzdDR）

5. 對於呢單嘢，仲有幾個點可以講。當然有人會質疑Robinhood個介面唔好，但由我理解，其實其他卜架都係咁上下。Robinhood就承諾會改善，OK

6. 另一方面，亦因為Robinhood之類，就根本冇客服嘅。你想打去問都唔得。但冇計，你要零佣嘛，乜都係成本。呢啲嘢當然慳得就怪。你畀得少佣或零用，就唔會有經紀客服同你吹水了。

7. 至於　　「羅賓漢」會要求投資者為其填寫一份問卷，以證明自己的投資經驗，並表明清楚當中風險　云云，就算鳩數吧啦。但全世界都係咁，《奪命金》嘛，「清楚明白」。而我到而家都唔明，到底咩叫做「清楚當中風險」。你買乜乜原油ETF時，知唔知會有轉倉？十個有九個都唔知。同樣地，你買匯豐果時，知唔知會除埋淨都唔派息？應該一百個有九十九個都唔知可以。咁點？屌叫你買匯豐果條友？

8. 當然，《奪命金》云云，雷曼迷債，好多不良銷售。但，今次呢單，斷估都唔係有個靚女RM去昆個學生買嘢。

9. 但，事主自己唔識睇，其實真係可以問人。唔好自己諗埋一邊。我唔知佢有冇貼上美國連登啦下，似乎冇，似乎佢完全冇同人講。咁就好大件事的。記住，有事要同人講。

10. 真的，唔好自己屈住。埃汾其實成日都覺得自己寫嘢唔夠好，而事實根本唔存在「夠好」，永遠都可以好啲，最好嘅文永遠係下一篇。即使以前，好多好多年前，唔止一個人，唔同圈子識嘅人，都話我寫得好，甚至係好多年都有人講，我都仲係覺得自己係咪唔夠好—應該話，係咪真係唔好。

11. 但，後來，好簡單。平常心，唔好覺得自己好叻，但又唔好覺得自己太廢。你以為自己好勁，就會發現好多人勁過你。你覺得自己好廢呢？丫，你又見得更多更廢嘅人。當我見到更多廢到無倫嘅人都可以寫文，就覺得，喂，我點廢都廢唔過佢下話，就開始有返啲信心。

12. 同一道理，今日父親節。我有一排以為，我同屋企人嘅關係十分惡劣（呢度唔一一細解）。但其實可能只係我睇得太多CCTVB睇太多教育電視，陶醉於人地嗰啲根本不存在嘅一家四口　早上妹妹說哥哥早哥哥說妹妹早　嘅世界。到我識得多咗人，聽多咗其他人嘅故事，先知道，再惡劣嘅都有。真係打鳩老豆老母嘅又有，老母上Facebook同人講自己個女係雞嘅又有（最慘個女唔係嘛！係就當宣傳易）。所以我嗰啲真係濕濕碎，都仲有一年見幾次，生日父親母親節都食飯，濕碎啦。

13. 所以真的，雖然最好唔好同人比較， Measure yourself only against your previous self.．但，好絶望時，不妨望下人地，其實自己都唔係好慘啫。

14. 套返呢個例子，事主一早搵人問，好可能就會冇事，甚至乎而家起緊雙飛（？！）。好似贏錢喎

15. 不過話說回頭，搵乜人問，又真係另一種學問了。搵錯人，又可能冇事都變有事喎。但，如果你個base case係覺得要死嘅，照計搵人，都唔會much worse off

16. 最後回應多兩點，呀事主自己，質疑Robinhood點解畀咁大槓杆佢。咁都解過，好可能因為佢以為自己輸咗好多錢，已經不能冷靜咁諗嘢。但話說回頭，你唔係想做槓杆嘅，點解玩期權？真係以為低風險高回報？有咁著數嘅嘢？做乜大戶唔自己買？

17. 同樣地，「「羅賓漢」不提供無擔保期權的出售。」。我理解，即係你不能sell option，不能白頭片。上次個post都大約講過（https://bit.ly/2BmpZ10），option係咩回事。你sell call嘅，例如港交所行使價400蚊，你對家畀期權金你，買咗呢個權利，到時佢可以行使或不行使，但理論上隻港交所可以升到500蚊，5000蚊，50000蚊都得。升到50000蚊你一樣要400蚊沽畀佢，所以可以蝕到你仆街。

18. 好啦，想講嘅問題係，咁多年嚟，真係在公在私，都見過好多西人（尤幸多數都只係花生，埃汾唔係跑數嘅）。買嘢嗰時，就個個神勇戰士上身，風險我自己受，做乜阻止我，我有我自由。但到輸咗錢呢，就輸打贏要，喂你最初冇講呢啲風險喎，喂你做乜畀我買呢啲嘢。

19. 所以，點解應該對自己坦白。明明係貪，就唔好扮自己唔貪。唔得嘅，就做trade log—寫低當時自己諗乜，點解想買。以前啲友就寫投資日記，今時今日其實你出個post都得。總之，記低你嗰刻個諗法，第時拎返出嚟打巴自己。

20. 咁，就會學懂自己負責任。先會有進步

21. 都唔止投資，其實各樣嘢都係。例如我呢啲不停寫文嘅人，當然有寫低自己點解當年會轉工去星展，咁後來亦都睇返，果然係當初啲諗法太天真。就唔好怨人。

//數周前我在這專欄分享2019年的投資成績，當中提到沽Call Option收期權金的方法提高回報，有讀者問是如何操作的？就讓我在今期花點篇幅，為大家詳細講解。

首先跟大家解釋：甚麼是期權？期權是一種合約，讓買家在合約到期日或之前，有權以一個指定的價格，向對家買入或出售相關資產。例如市場上今天賣10元一個蘋果，你與另一人簽定合約，內容是「憑券在本月底前，可以8元價格購買一個蘋果」；當然這張合約不是免費的，你要付出高於2元的價格購買（例如3元），讓你擁有選擇權利，只要在月底前任何一天想買蘋果，賣家就一定要賣給你，不可違約。

在將來的日子，如果蘋果升到15元，這張優惠券就等於15元-8元=7元的價值，但你買入成本只是3元，賺了超過一倍有多；若蘋果的價格跌到8元以下，優惠券就變成廢紙，3元的成本就會Total Loss。

很多人都說，炒賣期權是高風險的投機行為。這句話在某程度是對的，就像蘋果期權的例子，如果你希望用3元買入Call Option炒一轉，蘋果價格跌到11元以下就要輸錢，跌到8元以下就全軍覆沒；更大風險就是賭「白頭片」，手中沒有蘋果但沽出期權，本來只想賭蘋果價格下跌，順利可以賺到3元的期權金，但最後事與願違，蘋果價格暴升至30元，於是被迫用市價購入蘋果，然後8元賣給對家，袋了3元期權金但輸了30元-8元=22元的差價，埋單慘輸19元。

最理想的操作情況，就是你本來就長線持有蘋果，而蘋果價格牛皮上落，你定期沽出蘋果Call Option，風險就會比單純持有蘋果更低，亦可以賺到期權金。這是Short Covered Call的操作，在牛二的時候特別適合，將本來只能收取幾厘股息的長線藍籌股，每隔三個月沽出一次Call Option，年回報就可以升到二十巴仙以上。

例如你長線持有一隻藍籌股，股價為10元，你每三個月沽出一次Call Option，假設行使價10元，期權金約0.4-0.6元；在最理想的情況下，股價到季尾同樣是10元，期權買家沒有行使，在期權作廢之後，讓你賺到0.4-0.6元的期權金，股票原封不動，每年做四次的話，加上股票本身的派息，年回報就可高達20%至30%。
如果股價上升，例如升到11元，買家就會行使期權，你的股票將會以每股10元強行賣出，加上袋了0.4-0.6元的期權金，都算有錢賺，只不過賺少咗；然後你可以再等待好的價位，重新買入股票及建立新期權倉。

如果股價下跌至10元樓下，買家不會行使期權，你持有的股票也會輸錢，不過較其他人輸少0.4-0.6元，算是幫補一下。

在2019年的時候，我經常都這樣操作，並以恒指26,000-27,000點作為中線，在中線以下就加碼儲貨或沽Put，遠離中線以上就增加Short Covered Call，唔睇財經新聞，唔使理發生乜事，就可以得到不錯的回報。這樣的操作只適宜在牛二的悶蛋市，在牛三就不要做了；因為當你看見股價爆升，別人可以賺大錢，但你卻賺少很多，影響心情就唔係太好了。//

https://eastweek.my-magazine.me/main/93484